រាជធានីភ្នំពេញ ៖ កាលពីព្រឹកថ្ងៃទី៣ មីនា នារោងភាពយន្តលេជេនស្ទឹងមានជ័យ ផលិតកម្មក្លិបមេឌាបានអញ្ជើញអង្គការចំនួនបីរួមមានអង្គការ«គ្រួសារថ្មី» អង្គការ«សំរោង» អង្គការ«មិត្តសំឡាញ់» ដើម្បីចូលទស្សនាភាពយន្តរបស់ខ្លួន បានសប្បាយរីករាយនិងលើកទឹកចិត្ដដល់កុមារ ។
រាជធានីភ្នំពេញ ៖ កាលពីព្រឹកថ្ងៃទី៣ មីនា នារោងភាពយន្តលេជេនស្ទឹងមានជ័យ ផលិតកម្មក្លិបមេឌាបានអញ្ជើញអង្គការចំនួនបីរួមមានអង្គការ«គ្រួសារថ្មី» អង្គការ«សំរោង» អង្គការ«មិត្តសំឡាញ់» ដើម្បីចូលទស្សនាភាពយន្តរបស់ខ្លួន បានសប្បាយរីករាយនិងលើកទឹកចិត្ដដល់កុមារ ។
ទស្សនិកជនពិតជាមានចម្ងល់ថា ហេតុអ្វីបានជាផលិតកម្ម Clips Media ជ្រើសរើសយកចំណងជើង «ជួយអូនផង!» មកដាក់នៅក្នុងភាពយន្តខ្នាតធំរបស់ខ្លួន ខណៈដែលរឿងនេះ ជាប្រភេទរឿងខ្មោចបែបកំប្លែង ហើយមើលទៅហាក់មិនសម នឹងចំណង ជើងនេះសោះ។
ប៉ុន្តែនៅពេលនេះ ផលិតកម្ម Clips Media បានចេញមុខបញ្ជាក់យ៉ាងច្បាស់ថា មូលហេតុដែលខ្លួនដាក់ចំណងជើង «ជួយអូន
ផង!» នៃភាពយន្តខ្នាតធំលើកដំបូងរបស់ខ្លួន ព្រោះតែមានន័យចង់សំដៅដល់ការជួយដល់កុមារកំព្រា ដែលពួកគេកំពុងតែរងនូវភាពលំបាកវេទនា បាត់បង់ភាពកក់ក្ដៅ ដង្ហោយរកជំនួយ និងជាគោលដៅចម្បងមួយរបស់ផលិតកម្ម ដែលផលិតរឿងនេះ ឡើង ដើម្បីរកប្រាក់កម្រៃជួយដល់កុមារកំព្រានៅក្នុងប្រទេសកម្ពុជា។
ម្ចាស់ផលិតកម្ម Clips Media លោកពីជិត សិរីរិទ្ធ បានថ្លែងបញ្ជាក់ថា តាមការពិតផលិតកម្ម មានចំណងជើងសម្រាប់ដាក់រឿងនេះ រួចរាល់ទៅហើយ ប៉ុន្តែដោយមើលឃើញថា គោលដៅរបស់ផលិតកម្ម ពេលដាក់បញ្ចាំង ត្រូវយកមួយភាគធំនៃប្រាក់ចំណេញ ជួយដល់កុមារកំព្រា ទើបសម្រេចថា ដាក់ចំណងជើង «ជួយអូនផង!» នេះតែម្ដង។ លោកបន្តថា ចំណងជើងដែលត្រៀមដាក់នោះ រួមមាន «ភូមិលំដាប់ VIP ឬ វិញ្ញាណក្លែងក្លាយ» ជាដើម ដែលជាចំណងជើង ត្រូវនឹងសាច់រឿងទាំងមូល។
ម្ចាស់ផលិតកម្មដដែលបានបន្តទៀតថា ថ្មីៗនេះផលិតកម្ម បានបញ្ចេញវីដេអូឃ្លីបមួយ ដែលមានរយៈពេលជា៥នាទី ដោយក្នុងវីដេអូឃ្លីបនោះ តួឯកស្រីក្នុងរឿង «ជួយអូនផង!» គឺអ្នកនាង សារ៉ាយ សក្ខណា បានសម្ដែងនូវអារម្មណ៍ពិត ចេញពីក្រអៅបេះដូងរបស់ខ្លួន អាណិតដល់ជីវិតក្មេងកំព្រា ដែលបាត់បង់ភាពកក់ក្ដៅពីឪពុកម្ដាយ ត្រូវរស់នៅឯកា ធ្វើឲ្យនាងនិយាយទាំងអួលដើមក ស្ទើរស្រក់ទឹកភ្នែក ទាំងមិនដឹងខ្លួន។
ស្របពេលជាមួយគ្នានេះដែរថៅកែផលិតកម្មខាងលើក៍នឹងមានខ្សែភាពយន្តថ្មីជាជំហ៊ានទី២បន្តទៀតដើម្បីឆ្លើយតបនិងការគាំទ្រពីសំណាក់ទស្សនិជនមកលើក្លិបមាឌារដោយផែនការកំពុងតែរៀបគម្រោងហើយក៍មានសកម្មភាពមនុស្សធម៌ផ្សេងទៀតជាមួយបណ្តាអង្គការផ្សេងៗជាបន្តទៀតផងដែរហើយសម្រាប់បងប្អូនដែលមិនទាន់បានចូលរួមទស្សនាអាចមកទស្សនាអាចមកទស្សនាព្រោះនៅមិនទាន់អស់ឱកាសនោះទេបញ្ចាំងទាល់តែអស់ចំនួនអ្នកទស្សនា។
អ្នកស្រី ឈៀង សុជាតា ជាគ្រូអប់រំប្រចាំអង្គការគ្រួសារថ្មីបានថ្លែងថា អ្នកស្រីអរគុណដល់ម្ចាស់ផលិតកម្ម បានបើកចិត្តទូលាយយកកុមារក្នុងអង្គការបានមកទស្សនាកម្សាន្ត ដើម្បីបានស្វែងយល់ពីភាពវិវឌ្ឍន៍របស់ភាពយន្តខ្មែរ និងដើម្បីជាការបណ្តុះការស្រឡាញ់ស្នាដៃខ្មែរលើភាពយន្តខ្មែរ ។
ចែករំលែកព័តមាននេះ