រាជធានីភ្នំពេញ ៖ ក្រុមហ៊ុនវេសឡាញអេឌ្យូខេសិនគ្រុប ដែលបណ្ដុះបណ្ដាលើវិស័យអប់រំនៅក្នុងប្រទេសកម្ពុជា ក្នុងនោះរួមមានសាលារៀនវេសឡាញ និងសាលារៀនណត្សឡាញ បានប្រជុំបូកសរុបការងារប្រចាំ២០១៦កន្លងមក និងត្រៀមដាក់ទិសដៅបន្តក្នុងវិស័យអប់រំឆ្នាំ២០១៧ នេះ ព្រមទាំងមានប្រគល់ពានរង្វាន់ជូនដល់បុគ្គលិករបស់ខ្លួន ដែលបានបម្រើការនៅសាលាយូរឆ្នាំមកហើយ ដែលពិធីនេះធ្វើឡើងកាលពីព្រឹកថ្ងៃទី១៨ កុម្ភៈ ២០១៧ នៅវិទ្យាស្ថានជាតិអប់រំ ។
លោកប៉ិច បូឡែន នាយកប្រតិបត្តិក្រុមហ៊ុនវេសឡាញអេឌ្យូខេសិនគ្រុបឱ្យដឹងថា នៅក្នុងឆ្នាំ២០១៦កន្លងមក សាលារៀនវេសឡាញ និងណត្សឡាញ បាននាំមកនូវកម្មសិក្សាថ្មីៗមួយចំនួន ដាក់បញ្ចូលក្នុងកម្មវិធីសិក្សារបស់សាលាអន្តរជាតិ ។ កម្មវិធីទាំងនោះ រួមមានកម្មវិធីអប់រំហិរញ្ញវត្ថុដែលនាំយកពីខាងក្រៅ ហើយកម្មវិធីនេះត្រូវបានគេអនុវត្តន៍សឹងតែពាក់កណ្ដាលនៅប្រទេសសាំងហ្គាពួរ និងជាង៥០០សាលានៅប្រទេសម៉ាឡេស៊ីផងដែរ ។
ដោយចំណែកកម្មវិធីសិក្សាមួយទៀតនោះ គឺកម្មវិធីអប់រំ និងបណ្ដុះបណ្ដាលទម្លាប់ល្អទាំង៧ និងឥរិយាបថដល់កុមារ និងយុវជនដើម្បីអបរំពួកគេឱ្យក្លាយជាអ្នកដឹកនាំឆ្នើម ។ លោកបន្តថា នៅក្នុងឆ្នាំ២០១៦កន្លងមក ក្រុមហ៊ុនក៏បានវិនិយោគដំណើរការនៃមជ្ឈមណ្ឌលថែទាំកុមារមួយ ដែលជាមជ្ឈមណ្ឌលថែទាំ និងអប់រំកុមារដំបូងគេ និងទំនើបជាងគេនៅក្នុងប្រទេសកម្ពុជា ។
ចែករំលែកព័តមាននេះ