សម្តេចតេជោ ណែនាំដល់និស្សិតកម្ពុជាត្រូវខិតខំសិក្សាលើផ្នែកសុខាភិបាល ព្រោះប្រទេសគុយបាមានភាពជឿនលឿនលើវិស័យសុខាភិបាល
ទីក្រុងហាវ៉ាណា-គុយបា ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ
ទីក្រុងហាវ៉ាណា-គុយបា ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីល្ងាចថ្ងៃទី២៤ ខែកញ្ញា ឆ្នាំ ២០២២ បានអនុញ្ញាតឲ្យក្មួយៗ និស្សិតកម្ពុជាចំនួន៦រូប ដែលកំពុងសិក្សាផ្នែកសុខាភិបាល នៅសាធារណរដ្ឋគុយបា ចូលជួបសំដែងការគួរសម។ សម្តេចតេជោនាយករដ្ឋមន្ត្រីមានប្រសាសន៍ ណែនាំដល់និស្សិតកម្ពុជាទាំងអស់ ត្រូវខិតខំសិក្សាលើផ្នែកសុខាភិបាល ព្រោះថា គុយបាជាប្រទេសដែលមានភាពជឿនលឿនលើការបណ្តុះបណ្តាលលើវិស័យសុខាភិបាល។
សម្តេចតេជោបន្តថា យើងបានចាកឆ្ងាយពីមាតុប្រទេសកំណើតរបស់យើង យើងត្រូវខិតខំប្រឹងប្រែងសិក្សា រៀនសូត្រ ដើម្បីយកចំណេះវិទ្យាមកបម្រើប្រទេសរបស់យើងវិញ ពិសេសត្រូវមានទំនាក់ទំនងល្អជាមួយប្រពលរដ្ឋគុយបា និស្សិតរៀនក្នុងថ្នាក់ សិស្សរៀនក្នុងសាលាជាមួយ និងនិស្សិតមកពី បរទេសដូចគ្នា។ សម្តេចតេជោនាយករដ្ឋមន្ត្រីបានឧបត្ថម្ភថវិកាមួយចំនួន ជូនដល់និស្សិតទាំង៦រូបផងដែរ។
តំណាងនិស្សិតមានប្រសាសន៍ថ្លែងអំណរគុណជូនចំពោះសម្តេចតេជោ ដែលបានផ្តល់ឱកាសនិងអនុញ្ញាតឲ្យក្មួយៗ បានចូលជួបសំដែងការគួរសម ដើម្បីបានស្តាប់ដោយផ្ទាល់នូវ ប្រសាសន៍ណែនាំរបស់សម្តេច។ តំណាងនិស្សិតក៏បានថ្លែងអំណរគុណជូនចំពោះសម្តេចតេជោ ដែលបានខិតខំតម្លើងប្រាក់អាហារូបករណ៍ ដល់ការសិក្សារបស់និស្សិតនៅក្រៅប្រទេស ៕
ចែករំលែកព័តមាននេះ