ADផ្ទាំងផ្សព្វផ្សាយពាណិជ្ជកម្ម

Picture

លោក ខាត់ ចំរើន បញ្ជាក់​ស្ថានភាព​ចុង​ក្រោយ​នៃ​ជំងឺ ក្រោយ​ចេញពី​បន្ទប់សង្គ្រោះបន្ទាន់

2 អាទិត្យ មុន
  • ភ្នំពេញ

រហូត​មក​ទល់​នា​ពេល​នេះ លោក ខាត់ ចំរើន នៅ​មិន​ទាន់​ចាក​ចេញពី​មន្ទីរពេទ្យ​នៅឡើយ​ទេ បើ​ទោះបីជា​លោក​បាន​ចេញ​បន្ទប់សង្គ្រោះបន្ទាន់​អស់​រយៈពេល​ប៉ុន្មាន​ថ្ងៃ​ចុង​ក្រោយ

រាជធានី​ភ្នំពេញ ៖ រហូត​មក​ទល់​នា​ពេល​នេះ លោក ខាត់ ចំរើន នៅ​មិន​ទាន់​ចាក​ចេញពី​មន្ទីរពេទ្យ​នៅឡើយ​ទេ បើ​ទោះបីជា​លោក​បាន​ចេញ​បន្ទប់សង្គ្រោះបន្ទាន់​អស់​រយៈពេល​ប៉ុន្មាន​ថ្ងៃ​ចុង​ក្រោយ​នេះ​ក៏​ដោយ​។ រយៈ​ប្រមាណ​ជា​១០​ថ្ងៃ​មក​ហើយ ដែល​លោក ខាត់ ចំរើន បាន​ទទួល​ការ​ព្យាបាល​ពី​ក្រុម​គ្រូពេទ្យ​នៅ​មន្ទីរពេទ្យ​កាល់​ម៉ែ​ត បន្ទាប់​ពី​លោក​មាន​ជំងឺ​រលាក​ថ្លើម​។

Picture

លោក ខាត់ ចំរើន បាន​អះអាង​ពី​ស្ថានភាព នៃ​ជំងឺ​របស់​លោក​ប្រាប់​កោះសន្តិភាព​កាលពី​ម្សិលមិញ​ថា គិត​មក​ដល់​ពេល​នេះ អាកា​រៈ​ជំងឺ​របស់​លោក​រាង​ធូរ​បន្តិច​ប៉ុណ្ណោះ ខណៈ​ពេល​ដែល​លោក​នៅ​មិន​ទាន់​អាច​ធ្វើ​អ្វី​បាន​ឡើយ ដោយសារ​លោក​នៅ​ងងឹតមុខ និង​ហេវ​ហត់​អស់កម្លាំង​។

លោក​បញ្ជាក់​ថា លោក​មាន​ជំងឺ​រលាក​ថ្លើម​មួយ​ចំហៀង និង​មាន​ជាតិពុល​នៅ​ក្នុង​ថ្លើម ក្នុង​ពេល​ដែល​ពោះ​របស់​លោក​កាន់តែ​តឹង​ចង់ទៅ​រក​ការ​ទាច​ទឹក​។ លោក​ថា ពេល​នេះ​ក្រុម​គ្រូពេទ្យ​បាន​យក​ឈា​.​ម​ពី​គេ ដើម្បី​ប្រើប្រាស់​សម្រាប់​ព្យាបាល​រូប​លោក​មាន​ចំនួន​២១​កំប្លោក​ហើយ ខណៈ​ពេល​លោក​ក៏​នៅ​មានការ​ប្រើប្រាស់​ឈា​.​ម​ជា​បន្ត​ទៀត ជា​ពិសេស​គឺ​ឈា​.​ម​.​ស​។

Picture

លោក​បន្ថែម​ថា ឈា​.​ម​.​ស​នេះ គឺ​ក្រុម​គ្រូពេទ្យ​ត្រូវការ ដើម្បី​សង់​ពិនិត្យ​មើល​ពោះ​របស់​យើង ដើម្បី​ដឹង​ពី​ស្ថានភាព​ជំងឺថ្លើម និង​ទាច​ទឹក ហេតុនេះ​ទាមទារ​អោយ​យើង​មាន​ឈា​.​ម​សម្រាប់​ប្តូរ​យក​ឈា​.​ម​.​ស​នេះ​។

បើ​តាម​លោក ខាត់ ចំរើន ថា ពេល​នេះ​ក្រុម​គ្រូពេទ្យ​កំពុង​តាមដាន​ជំងឺ​របស់​លោក ដោយសារ​ឈា​.​ម​ដែល​គេ​ផ្តល់​អោយ ហើយ​ប​ញ្ជូ​ល​អោយ​លោក​នោះ ហាក់​មានការ​បាត់បង់​ទៅ​វិញ​លឿន ដោយ​មិន​ទាន់​ដឹង​មូលហេតុ​។ លោក​បញ្ជាក់​ថា ពេល​បញ្ជូន​ភ្លាម​ៗ​ពិនិត្យ​ទៅ​ឈា​.​ម​លោក​ឡើង​ដល់​១១ តែ​រំលង​មួយ​ឬ​២​ថ្ងៃ ស្រាប់តែ​ឈា​.​ម​ធ្លាក់​មក​នៅ​សល់​៣ ដូចនេះ​ក្រុម​គ្រូពេទ្យ​មានការ​ងឿងឆ្ងល់​ថា តើ​ឈា​.​ម​នោះ​បាត់​ទៅ​ណា? ឬ​វា​មក​តាម​រយៈ​ក្អួត ឬ​លាមក?។

Picture

យ៉ាងណា លោក ខាត់ ចំរើន លើក​ឡើង​ថា ក្រុម​គ្រូពេទ្យ​បាន​ពន្យល់​ពី​ស្ថានភាព​ជំងឺ​របស់​លោក​នា​ពេល​នេះ គឺ​រលាក និង​ខូច​ថ្លើម​មួយ​ចំហៀង ប៉ុន្តែ​ក្រុម​គ្រូពេទ្យ​នឹង​ព្យាយាម​ដើម្បី​ការពារ​ថ្លើម​ម្ខាង​ទៀត​ដែរ មិន​ទាន់​ខូច​។ លោក​បន្ថែម​ថា ស្ថានភាព​ជំងឺ​របស់​លោក​នា​ពេល​នេះ គឺ​ពិបាក​យ៉ាង​ខ្លាំង ក្នុង​ពេល​ដែល​លោក​ត្រូវ​ចំណាយ​ច្រើន​សម្រាប់​ការ​ព្យាបាល ខណៈ​ពេល​លោក​កំពុង​តែ​ខ្វះខាត​។

Picture

យ៉ាងណា សម្រាប់​ការ​ព្យាបាល​បន្ត​ទៀត​នោះ គឺ​បានការ​ជួយ​ជ្រោមជ្រែង​ច្រើន​ពី​អ្នក​នាង ខាត់ សុ​ឃី​ម ដែល​ជា​បងស្រី ហើយ​ជា​រឿយ​ៗ​អ្នក​នាង​តែងតែ​ផ្តល់​កម្លាំង​អោយ​លោក​ប្រឹងប្រែង​តស៊ូ​ព្យាបាល​អោយ​ជា​មុន​ត្រឡប់​ទៅ​ផ្ទះ​វិញ​។ លោក ខាត់ ចំរើន ក៏​បាន​ថ្លែងអំណរគុណ​ដល់​សប្បុរសជន​នានា ដែល​បាន​ជួយ​លោក​ជា​បន្តបន្ទាប់ ហើយ​ការ​ជួយ​នេះ លោក​ក៏​នៅ​តែ​ត្រូវការ​ដដែល ព្រោះ​លោក​ក៏​ទាល់​ខ្លាំង ព្រោះ​ចាប់ពី​រដូវវស្សា​មក​ដល់​លោក​មិន​បាន​ចេញ​សម្តែង​អ្វី​ទាំងអស់​៕

Picture
Picture
Picture
Picture