ស្រីស្អាតក្លាហានមិនចាញ់បុរស និងជាតារាសម្ដែងស្រីដ៏ល្បីឈ្មោះ កញ្ញា ពេជ្រ ចរណៃ បានបង្ហាញនៅក្បាច់គុនការពារខ្លួន និងរបៀបនៃការវា.យបកទៅសត្រូវវិញប៉ុន្មានក្បាច់ ផ្ទុះការចាប់អារម្មណ៍ពេញបណ្ដាញសង្គម
រាជធានីភ្នំពេញ ៖ ស្រីស្អាតក្លាហានមិនចាញ់បុរស និងជាតារាសម្ដែងស្រីដ៏ល្បីឈ្មោះ កញ្ញា ពេជ្រ ចរណៃ បានបង្ហាញនៅក្បាច់គុនការពារខ្លួន និងរបៀបនៃការវា.យបកទៅសត្រូវវិញប៉ុន្មានក្បាច់ ផ្ទុះការចាប់អារម្មណ៍ពេញបណ្ដាញសង្គម។
ជាការពិតណាស់ ជាទូទៅមហាជនប្រាកដជ្រាបច្បាស់រួចមកហើយ អំពីតារាសម្ដែងស្រីរូបស្រស់ កញ្ញា ពេជ្រ ចរណៃ ដែលតែងតែទទួលបានការចាប់អារម្មណ៍ និងសរសើរមិនដាច់ពីមាត់អំពីរូបសម្រស់ដ៏ស្អាតផូរផង់របស់នាង អមជាមួយនឹងការបង្ហាញពីក្បាច់រាំរបាំបុរាណខ្មែរនិងឈុតសម្លៀកបំពាក់ប្រពៃណីបុរាណខ្មែរជាដើម។
យ៉ាងណាមិញ ក្រៅពីរូបសម្រស់ រូបសម្បត្តិដ៏ល្អឯកហើយនោះ កញ្ញា ពេជ្រ ចរណៃ ក៏ទទួលបានការគាំទ្រ និងស្ងើចសរសើរយ៉ាងខ្លាំងពីសំណាក់មហាជនអ្នកប្រើប្រាស់បណ្ដាញសង្គម ទៅលើភាពក្លាហានមិនចាញ់បុរសរបស់នាង ដែលជារឿយៗតារាស្រីរូបនេះតែងតែបង្ហាញក្បាច់គុនល្បុក្កតោខ្មែរ ការហាត់បាញ់កាំភ្លើ.ង បាញ់ព្រួញ និងសកម្មភាពហាត់រៀនក្បាច់គុនការពារខ្លួនផ្សេងៗជាច្រើនទៀត ដែលរូបនាងបានបង្ហោះនៅលើគណនីហ្វេសប៊ុកផេកផ្ទាល់ខ្លួនផងដែរ។
ដោយឡែក កាលពីថ្ងៃទិ២០ ខែកញ្ញា ឆ្នាំ២០២២ ម្សិលមិញនេះ មហាជនអ្នកលេងបណ្ដាញសង្គម ក៏ដូចជាអ្នកគាំទ្រនាងផ្ទាល់បានសម្ដែងការភ្ញាក់ផ្អើលជាថ្មី ក្រោយឃើញ ពេជ្រ ចរណៃ បង្ហាញនៅវីដេអូថ្មីមួយ អំពីភាពក្លាហាន រហ័សរហួន របស់នាងផ្នែកហាត់រៀនក្បាច់គុនការពារខ្លួន និងវា.យបកទៅកាន់សត្រូវវិញប៉ុន្មានក្បាច់ ក្នុងឈុតឯកសណ្ឋានជាទាហាន។
តាមរយៈវីដេអូ ក្បាច់គុនការពារខ្លួន និងវា.យបកទៅកាន់សត្រូវនេះ ទទួលបានការកោតសរសើរយ៉ាងខ្លាំង រហូតមានទស្សនៈលើកឡើងថា «សូមសរសើរ កញ្ញា ពេជ្រ ចរណៃ មានភាពឆ្លាតវ័យ ភាពក្លាហានលើសពីស្ត្រីមួយចំនួន ជាពិសេសតែងតែលើកស្ទួយជានិច្ចនៅអ្វីដែលដូនតាខ្មែរបានបន្សល់ទុកឲ្យ ដូចជាក្បាច់គុនល្បុក្កតោខ្មែរ ក្បាច់គុនបុរាណខ្មែរ សកម្មភាពហាត់រៀនក្បាច់គុនការពារខ្លួនផ្សេងៗ និងមួយទៀតវប្បធម៌អរិយធម៌ខ្មែរ ដូចជាក្បាច់រាំបុរាណខ្មែរ ឈុតសម្លៀកបំពាក់បុរាណខ្មែរ និងពិសេសរក្សាខ្លួនយ៉ាងសាកសមជាតម្លៃស្ត្រីខ្មែរតែម្ដង»។ ទស្សនៈផ្សេងទៀតលើកឡើងថា «ចរណៃ មានភាពក្លាហានអស្ចារ្យបំផុត ដែលសុភាពនារីមួយចំនួនមិនមានលក្ខណៈសម្បត្តិពិសេសដូចនាងជាដើម»៕
ចែករំលែកព័តមាននេះ