លោក Trump និងកូនៗ៣នាក់ ត្រូវអគ្គមេធាវីរដ្ឋ New York ប្តឹងពាក់ព័ន្ធនឹងករណីមួយ
អាមេរិក ៖ អតីតប្រធានាធិបតីអាមេរិក លោក Donald Trump និងកូនៗ ៣នាក់របស់លោកត្រូវ
អាមេរិក ៖ អតីតប្រធានាធិបតីអាមេរិក លោក Donald Trump និងកូនៗ ៣នាក់របស់លោកត្រូវបានគេប្តឹងពីបទបំភ្លៃតម្លៃអចលនទ្រព្យដើម្បីទទួលបានប្រាក់កម្ចី និងអត្ថប្រយោជន៍ពន្ធ។
បណ្តឹងដែលត្រូវបានដាក់នៅតុលាការរដ្ឋ New York ក្នុងទីក្រុង Manhattan បានចោទប្រកាន់ក្រុមហ៊ុនរបស់លោក (Trump Organization) ថាបានធ្វើខុសក្នុងការរៀបចំរបាយការណ៍ប្រចាំឆ្នាំរបស់ Trump អំពីស្ថានភាពហិរញ្ញវត្ថុពីឆ្នាំ ២០១១ ដល់ឆ្នាំ ២០២១។
Trump Organization និងកូនៗចំនួន ៣នាក់ឈ្មោះ Donald Trump Jr, Eric Trump និង Ivanka Trump ត្រូវបានគេដាក់ឈ្មោះថាជាចុងចោទ។
អគ្គមេធាវី Letitia James បាននិយាយថាការរិយាល័យរបស់លោកស្រីបានរកឃើញឧទាហរណ៍ចំនួន ២០០នៃការវា.យតម្លៃទ្រព្បសម្បត្តិដែលបំភាន់ និងពាក្យបណ្តឹងលើកឡើងពីទ្រព្យសម្បត្តិចំនួន ២៣ ដែលលោកស្រីហៅថាបានបំប៉ោងយ៉ាងធ្ងន់ធ្ងរ និងក្លែងបន្លំ។
លោក Donald Trump បានបង្ហោះសារនៅលើបណ្តាញសង្គមដោយបានហៅបណ្តឹងនោះថាជាយុទ្ធនាការប្រឆាំងរូបលោក។
បណ្តឹងនោះបានចោទប្រកាន់លោក Donald Trump ពីបទបំប៉ោងទ្រព្យសម្បត្តិរបស់គាត់រាប់ពាន់លានដុល្លារដើម្បីជំរុញធនាគារឱ្យផ្តល់ប្រាក់កម្ចីដល់ក្រុមហ៊ុនរបស់លោក ដើម្បីបំពេញលក្ខណ្ឌកម្ចីបន្ត និងដើម្បីទទួលបានអត្ថប្រយោជន៍ពន្ធ និងគោលបំណងផ្សេងទៀត។
លោកស្រី Letitia James កំពុងស្វែងរកការរារាំងជាអចិន្ត្រៃយ៍លើលោក Trump និងកូន ៣នាក់របស់លោកដែលជាចុងចោទក្នុងករណីនោះមិនឱ្យបម្រើការជាមន្ត្រី ឬនាយកនៅក្នុងសាជីវកម្មណាមួយនៅ New York ហាមប្រាមលោក Trump និងក្រុមហ៊ុនរបស់លោកមិនឱ្យចូលក្នុងការទិញអចលនទ្រព្យពាណិជ្ជកម្មណាមួយ និងសម្រេចលើសំណងនៃប្រាក់ចំណេញដែលទទួលបានដោយការក្លែងបន្លំ ដែលត្រូវគេប៉ាន់ស្មានថាមានតម្លៃ ២៥០លានដុល្លារ។
ក្រុមហ៊ុន Trump Organization របស់លោកក៏ត្រូវបានចោទប្រកាន់ដោយឡែកពីបទក្លែងបន្លំពន្ធព្រហ្មទណ្ឌដោយការិយាល័យមេធាវីស្រុក និងកំពុងរៀបចំការកាត់ក្តីនៅថ្ងៃទី ២៤ ខែតុលាខាងមុខនេះ។
សូមបញ្ជាក់ថា Trump Organization ក្រុមហ៊ុនគ្រួសារដែលគ្រប់គ្រងសណ្ឋាគារ ទីលានវាយកូនហ្គោល និងអចលនទ្រព្យផ្សេងទៀតនៅជុំវិញពិភពលោក។
លោកកំពុងពិចារណាឈរឈ្មោះជាប្រធានាធិបតីអាមេរិកម្តងទៀតនៅក្នុងឆ្នាំ ២០២៤៕ (យោងតាមប្រភព៖ Reuters)
ចែករំលែកព័តមាននេះ