រាជធានីភ្នំពេញ ៖ នារីបម្រើការនៅអាហារដ្ឋានយីហោ«ភេសជ្ជៈតន្ត្រី KTV»២នាក់ ដែលម្នាក់គឺជាអ្នកចម្រៀង និងម្នាក់ទៀតទើបតែសម្រាលកូនរួច បានយកគ្នាធ្វើជាសត្រូវស៊ីសាច់ហុតឈាម ទោះបីពួកនាងធ្វើការនៅកន្លែងតែមួយជាមួយគ្នា ប៉ុន្តែមិនដែលត្រូវ
រាជធានីភ្នំពេញ ៖ នារីបម្រើការនៅអាហារដ្ឋានយីហោ«ភេសជ្ជៈតន្ត្រី KTV»២នាក់ ដែលម្នាក់គឺជាអ្នកចម្រៀង និងម្នាក់ទៀតទើបតែសម្រាលកូនរួច បានយកគ្នាធ្វើជាសត្រូវស៊ីសាច់ហុតឈាម ទោះបីពួកនាងធ្វើការនៅកន្លែងតែមួយជាមួយគ្នា ប៉ុន្តែមិនដែលត្រូវគ្នានោះទេ មួយថ្ងៃៗពេលបានជួបមុខគ្នា តែងតែនិយាយឌឺដងដៀមដាមផ្លែផ្កាដាក់គ្នាគ្រប់ពេល គ្មានការយោគយល់អធ្យា ស្រ័យឲ្យគ្នាឡើយ ។
ចំណែកថៅកែហាងវិញ ធ្វើមិនដឹងមិនឮ មិនបានអើពើពីរឿងនេះទេ ហើយក៏មិនដែលហៅពួកនាងទាំង២នាក់ទៅធ្វើការណែនាំនិងសម្របសម្រួលគ្នាម្ដងណាឡើយ គឺទុកឲ្យម្នាក់ៗឡើងរាជតែម្ដង ។ រហូតពេលចុងក្រោយនេះ ក្រោយពីការឌឺដងគ្នាទៅវិញទៅមក អ្នកទាំងពីរបានទាស់ពាក្យសម្ដីគ្នាបែកផ្សែង និងឈានដល់ការវាយតប់គ្នាយ៉ាងស្វិតស្វាញ ហើយភាគីនាង ដែលទើបសម្រាលកូន បានខាំនាងអ្នកចម្រៀង បណ្ដាលឲ្យដាច់ស្លឹកត្រចៀកម្ខាង ហូរឈាមសស្រាក់ និងបង្កឲ្យមានការភ្ញាក់ផ្អើលដល់ភ្ញៀវដែលចូលទៅច្រៀងសប្បាយនៅទីនោះទាំងយប់ ។
ភាគីដាច់ស្លឹកត្រចៀកបានរើសចំណិតស្លឹកត្រចៀក ដែលត្រូវគូទំនាស់ខាំដាច់នោះច្រកក្នុងថង់ ប្រគល់ឲ្យនគរបាលធ្វើជាវត្ថុតាងក្នុងការដាក់ពាក្យបណ្ដឹង និងបានទាមទារសំណងចំនួន៣០០ដុល្លារពីគូទំនាស់ ។ ហេតុការណ៍នេះបានកើតឡើងកាលពីវេលាម៉ោង២ និង៥នាទីរំលងអធ្រាត្រឈានចូលថ្ងៃទី២៣ ខែកុម្ភៈ នៅក្នុងអាហារដ្ឋានខាងលើ ស្ថិតនៅតាមផ្លូវចោមចៅ ក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ។
ស្ត្រីដែលដាច់ស្លឹកត្រចៀកខាងស្ដាំឈ្មោះ ម៉ុនចាន់ឌឿន អាយុ៣០ឆ្នាំ ជាអ្នកចម្រៀង ស្នាក់នៅផ្ទះជួលក្នុងភូមិជ្រៃកោង សង្កាត់ចោមចៅ ។ ចំណែកភាគីម្ខាងទៀត ដែលមានធ្មេញមុតខាំគូជម្លោះដាច់ស្លឹកត្រចៀកឈ្មោះ ស្រីពេជ្រ អាយុ២៩ឆ្នាំ ទើបសម្រាល កូនរួច ស្នាក់នៅបន្ទប់ផ្ទះជួលក្នុងភូមិចោមចៅ សង្កាត់ចោមចៅ ។
នគរបាលប៉ុស្តិ៍ចោមចៅបានចុះទៅធ្វើអន្តរាគមន៍ ខណៈនាងដែលខាំគូទំនាស់បានសន្លប់និងត្រូវគេដឹកតាមរុឺម៉កម៉ូតូទៅកាន់មន្ទីរ ពេទ្យ ចំណែកនាងដែលដាច់ស្លឹកត្រចៀក បានដាក់ពាក្យបណ្តឹងទាមទារសំណងចំនួន៣០០ដុល្លារ ប៉ុន្តែខាងអ្នកខាំមានលទ្ធ ភាពត្រឹមតែ១៥០ដុល្លារប៉ុណ្ណោះ ៕
ចែករំលែកព័តមាននេះ