រាជធានីភ្នំពេញ ៖ ជម្លោះក្នុងគ្រួសារមួយបានកើតឡើងរវាងបងថ្លៃ២នាក់ ព្រួតវាយទៅលើបុរសជាប្អូនថ្លៃម្នាក់ បណ្តាលឱ្យរងរបួស ដោយសារតែខឹងរូបគេ ជាមនុស្សញៀនថ្នាំពេក ហើយតែងតែបំផ្លាញទ្រព្យសម្បត្តិក្នុងផ្ទះ និងអុកឡុកនៅក្នុងក្រុមគ្រួសារ ស្ទើរតែរាល់ថ្ងៃ ដែលមិនឱ្យអ្នកណាម្នាក់ មានសេចក្តីសុខនោះឡើយ ។
រាជធានីភ្នំពេញ ៖ ជម្លោះក្នុងគ្រួសារមួយបានកើតឡើងរវាងបងថ្លៃ២នាក់ ព្រួតវាយទៅលើបុរសជាប្អូនថ្លៃម្នាក់ បណ្តាលឱ្យរងរបួស ដោយសារតែខឹងរូបគេ ជាមនុស្សញៀនថ្នាំពេក ហើយតែងតែបំផ្លាញទ្រព្យសម្បត្តិក្នុងផ្ទះ និងអុកឡុកនៅក្នុងក្រុមគ្រួសារ ស្ទើរតែរាល់ថ្ងៃ ដែលមិនឱ្យអ្នកណាម្នាក់ មានសេចក្តីសុខនោះឡើយ ។
ក្នុងហេតុការណ៍ហិង្សានោះ ក៏ត្រូវបានកម្លាំងនគរបាលប៉ុស្តិ៍ផ្សារដើមថ្កូវ ចាប់វាយខ្នោះទាំង៣នាក់តែម្តង កើតឡើងកាលពីវេលាម៉ោង១២ថ្ងៃត្រង់ ទី២៣ កុម្ភៈ នេះ ស្ថិតនៅចំណុចផ្ទះលេខ២៧ ផ្លូវលេខ៤៩៦ ក្រុមទី១០ ក្នុងសង្កាត់ផ្សាដើមថ្កូវ ខណ្ឌចំការមន
ប្រភពឱ្យដឹងថា ទាំង៣នាក់ដែលចាប់វាយខ្នោះ ១-ឈ្មោះឆាយ ឧត្តម អាយុ២៨ឆ្នាំ (ជាប្អូនថ្លៃ) ២-ឈ្មោះថេង សាវុធ អាយុ៣៧ឆ្នាំ និង៣-ឈ្មោះហេង សុគន្ធ អាយុ៣០ឆ្នាំ (ទាំងពីរនាក់ជាបងថ្លៃ) ទាំង៣នាក់ស្នាក់នៅក្នុងផ្ទះកើតហេតុខាងលើជាមួយគ្នា ។
មុនពេលកើតហេតុ កាលពីយប់ថ្ងៃទី២២ កុម្ភៈ បុរសបងថ្លៃទាំង២នាក់មានជម្លោះជាមួយនិងបុរសឈ្មោះឆាយ ឧត្តម ជាប្អូនថ្លៃរងគ្រោះ ដែលរូបគេមានអាការៈញៀនថ្នាំខ្លាំង និងធ្វើការបំផ្លិចបំផ្លាញទ្រព្យសម្បត្តិក្នុងផ្ទះ និងអុកឡុកក្នុងក្រុមគ្រួសារនោះ។ ក្នុងជម្លោះនោះដែរ បងថ្លៃប្រុសទាំង២នាក់ ដោយទ្រាំលែងបាន ក៏នាំគ្នាព្រួតវាយទៅលើបុរសជាប្អូនថ្លៃ បណ្តាលអោយរងរបួសស្រាលតែប៉ុណ្ណោះ ហើយប្អូនថ្លៃរូបនោះ ក៏បានរត់ទៅប្តឹងនគរបាលប៉ុស្តិ៍ផ្សារដើមថ្កូវ ឱ្យជួយរកយុត្តិធម៌ឱ្យទាំងយប់ ។
ក្រោយពីទទួលបានពាក្យបណ្តឹងពីជនរងគ្រោះរួចហើយ ព្រឹកឡើងទើបធ្វើការឃាត់ខ្លួនបងថ្លៃប្រុសទាំងពីរនាក់ ពីបទប្រើហិង្សា និងបុរសជាប្អូនពីបទបំផ្លាញទ្រព្យសម្បត្តិក្នុងផ្ទះ ដោយចាប់វាយខ្នោះទាំង៣នាក់តែម្តង។ អំពើហិង្សានៅក្នុងគ្រួសារនេះដែរ គឺបណ្តាលមកពីឥទ្ធិពលនៃគ្រឿងញៀន ដែលបុរសជាប្អូនថ្លៃរូបនោះជាមនុស្សប្រើប្រាស់ និងញៀនថ្នាំ ទើបបង្ករជាបញ្ហានៅក្នុងគ្រួសារមួយនេះគ្រប់គ្នារស់នៅដោយមានសេចក្តីសុខនោះ។
ក្រោយឃាត់ខ្លួនបុរសជាបងថ្លៃទាំង២នាក់ ភាគីជម្លោះទាំងពីរក៏បានធ្វើការសម្របសម្រួល ដោយធ្វើកិច្ចសន្យាបញ្ចប់រឿងវិវាទរវាងគ្នានិងគ្នា ទើបអនុញ្ញាតឱ្យពួកគេត្រឡប់ទៅផ្ទះវិញ។
ចែករំលែកព័តមាននេះ