ក្រុមកា.ប់ប្ល.ន់ម៉ូតូតាមផ្លូវ អស់ល័ក្ខណ៍ត្រឹមប្រព័ន្ធ GPS
- កំពង់ស្ពឺ
ខេត្តកំពង់ស្ពឺ ៖ ក្រុមមុខសញ្ញាកា.ប់ប្ល.ន់យកម៉ូតូតាមផ្លូវដែលធ្វើសកម្មភាពយ៉ាងសកម្មតាមផ្លូវ
ខេត្តកំពង់ស្ពឺ ៖ ក្រុមមុខសញ្ញាកា.ប់ប្ល.ន់យកម៉ូតូតាមផ្លូវដែលធ្វើសកម្មភាពយ៉ាងសកម្មតាមផ្លូវ
ខេត្តកំពង់ស្ពឺ ៖ ក្រុមមុខសញ្ញាកា.ប់ប្ល.ន់យកម៉ូតូតាមផ្លូវដែលធ្វើសកម្មភាពយ៉ាងសកម្មតាមផ្លូវជាតិលេខ 3 លេខ៤ និង៤១ នាពេលកន្លងមកពេលនេះត្រូវអស់ល័ក្ខរបស់នគរបាលស្រុកសំរោងទងហើយ ក្រោយធ្វើសកម្មភាពកា.ប់ប្ល.ន់យកម៉ូតូរបស់បុរសម្នាក់បានសម្រេចតែគេចខ្លួនមិនរួច។
តាមប្រភពពីសមត្ថកិច្ចនគរបាលស្រុកសំរោងងទងបានឲ្យដឹងថា កាលពីវេលាម៉ោង៧ថ្ងៃទី១៧ ខែកញ្ញា ឆ្នាំ២០២២ នគរបាលស្រុកសំរោងទង បានទទួលបណ្តឹងតាមទូរស័ព្ទពីឈ្មោះ វណ្ណ សំរេច ភេទប្រុសអាយុ៣៩ឆ្នាំ នៅភូមិត្រពាំងស្វាយ សង្កាត់គោកឃ្លៀង ខណ្ឌសែនសុខ រាជធានីភ្នំពេញ រាយការណ៍ថា កាលពីថ្ងៃទី១៦ ខែកញ្ញា ឆ្នាំ២០២២ វេលាម៉ោង២១និង២០នាទី មានជនសង្ស័យមិនស្គាល់អត្តសញ្ញាណចំនួន៣នាក់ ជិះម៉ូតូ១គ្រឿងមិនស្គាល់ម៉ាក បានធ្វើសកម្មភាពយកដា.វកា.ប់ប្ល.ន់យកម៉ូតូរបស់ខ្លួន១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២២ ពាក់ផ្លាកលេខ ភ្នំពេញ1JL.5038 (មានភ្ជាប់ប្រព័ន្ធGPS) នៅចំណុចភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ។
ពេលដែលជនរងគ្រោះជាម្ចាស់ម៉ូតូបានស្វែងរកម៉ូតូរបស់ខ្លួនតាមប្រព័ន្ធGPS មកដល់ចំណុចផ្សារសាមគ្គី ស្ថិតក្នុងភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ នៅពេលដែលប្រព័ន្ឋGPS បង្ហាញទីតាំងយ៉ាងជាក់លាក់រួចមក និងកំណត់មុខសញ្ញាបានហើយ លោកអធិការក៏បានស្នើសុំយោបល់លោកស្នងការដើម្បីចុះប្រតិបត្តិការបង្ក្រាបរហូតឃាត់ខ្លួនជនសង្ស័យបានជាបន្តបន្ទាប់គឺនៅម៉ោង៩ថ្ងៃដដែល កម្លាំងអធិការស្រុកសំរោងទង បានឃាត់ខ្លួនជនសង្ស័យ ចំនួន២នាក់ ក្នុងនោះម្នាក់ឈ្មោះ ហេង វ៉ាន់ណេត ភេទប្រុស អាយុ២២ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ និងម្នាក់ទៀតឈ្មោះ ចឺម រក្សា ភេទប្រុស អាយុ១៧ ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ។ ដកហូតវត្ថុតាង ម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២២ ជារបស់ជនរងគ្រោះ។
តាមប្រភពព័ត៌មានបានបន្តថា រហូតដល់ម៉ោង១១និង១០នាទីថ្ងៃដដែល កម្លាំងស្រុកសំរោងទង សហការជាមួយកម្លាំងស្រុកគងពិសី បានបន្តឃាត់ខ្លួនបក្សពួកម្នាក់ទៀតឈ្មោះ យឿង បូណា ភេទប្រុស អាយុ២២ឆ្នាំ នៅភូមិព្រៃនូក ឃុំស្នំក្រពើ ស្រុកគងពិសី ខេត្តកំពង់ស្ពឺ នៅចំណុចផ្ទះសំណាក់ នាគមាស សៀវម៉ីញ នៅភូមិត្រពាំងមាន ឃុំស្នំក្រពើ ស្រុកគងពិសី ខេត្តកំពង់ស្ពឺ និង ដកហូតវត្ថុតាងមាន: ដាវចំនួន១ និង ម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០២០ ពាក់ផ្លាកលេខ ភ្នំពេញ 1IH.4999 ជារបស់ជនសង្ស័យ។
លោកវរសេនីយ៍ឯកឃុតសុផលអធិការនគរបាលស្រុកសំរោងទងក៏បានសំណូមពរផងដែរដល់បងប្អូនប្រជាពលរដ្ឋដែលប្រើប្រាស់មធ្យោបាយដូចជាម៉ូតូឬរថយន្តជាដើមសូមមេត្តាភ្ជាប់ប្រព័ន្ធ GPS| ផង ដើម្បីងាយស្រួលក្នុងការគ្រប់គ្រងជាពិសេសជាក់ស្ដែងដូចជាករណីនេះជាដើម ឈានទៅដល់ការងាយស្រួលរបស់សមត្ថកិច្ចក្នុងការតាមចាប់បង្ក្រាបមុខសញ្ញាបង្កបទល្មើស។
សមត្ថកិច្ចបានបញ្ជាក់ប្រាប់ផងដែរថា ករណីខាងលើ ជំនាញកំពុងសាកសួរ និងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ