ADផ្ទាំងផ្សព្វផ្សាយពាណិជ្ជកម្ម

Picture

ក្រុម​សកម្ម​ឆក់​ទ្រព្យ​តាម​ដងផ្លូវ​ត្រូវ​អស់លក្ខណ៍

2 ខែ មុន
  • កំពត

ខេត្តកំពត ៖ មន្ត្រី​ជំនាញ​នៃ​ស្នងការដ្ឋាន​ខេត្តកំពត សហការ​ជាមួយ​សមត្ថកិច្ច​ស្រុក​ទឹកឈូ និង​នគរ​​បាល​ក្រុង​កំពត ព្រមទាំង​កម្លាំង​អធិការដ្ឋាន​ក្រុង​បូកគោ បាន​ស្រាវជ្រាវ​រួច​ឃាត់ខ្លួន​យុវជន​៣​នាក់​ពី​បទ​សង្ស័យ​ឆក់​ទ្រព្យសម្បត្តិ​ប្រជាពលរដ្ឋ​តាម​ដងផ្លូវ ​បាន​កើត​ឡើង​កាលពី​រសៀល​ថ្ងៃ​ទី​១៣ កញ្ញា ស្ថិត​ក្នុង​ទឹកដី​ភូមិ​កំពង់​គ្រែង…

ខេត្តកំពត ៖ មន្ត្រី​ជំនាញ​នៃ​ស្នងការដ្ឋាន​ខេត្តកំពត សហការ​ជាមួយ​សមត្ថកិច្ច​ស្រុក​ទឹកឈូ និង​នគរ​​បាល​ក្រុង​កំពត ព្រមទាំង​កម្លាំង​អធិការដ្ឋាន​ក្រុង​បូកគោ បាន​ស្រាវជ្រាវ​រួច​ឃាត់ខ្លួន​យុវជន​៣​នាក់​ពី​បទ​សង្ស័យ​ឆក់​ទ្រព្យសម្បត្តិ​ប្រជាពលរដ្ឋ​តាម​ដងផ្លូវ ​បាន​កើត​ឡើង​កាលពី​រសៀល​ថ្ងៃ​ទី​១៣ កញ្ញា ស្ថិត​ក្នុង​ទឹកដី​ភូមិ​កំពង់​គ្រែង ឃុំ​កំពង់​គ្រែង ស្រុក​ទឹកឈូ ខេត្ត​កំពត ។

Picture

លោក​វរសេនីយ៍ទោ សូ ប៊ុ​ន​ធឿ​ន អធិការ​ស្រុក​ទឹកឈូ​បាន​រៀបរាប់​ថា កាលពី​វេលា​ម៉ោង​១ និង​១០​នាទី​​រសៀល​ថ្ងៃ​ទី​១៣ ខែកញ្ញា មាន​ករណី​ចោរឆក់​ខ្សែ​ក​នៅ​ចំណុច​ក្បែរ​ខ្លោងទ្វារវត្ត​ទឹក​វិល ខណៈ​ពេល​ស្ត្រី​ម្នាក់​ឈ្មោះ​ឈី​វ ណាយ អាយុ​៥៥​ឆ្នាំ កំពុង​រុញ​រទេះដឹក​ចៅ​លើ​ដងផ្លូវ ។

ប្រភព​បន្ត​ថា ប៉ុន្តែ​សកម្មភាព​របស់​ពួក​គេ គឺ​មិន​បាន​សម្រេច​ទើប​នាំ​គ្នា​គេចខ្លួន​បាត់​ភ្លាម​ៗ ។ ក្រុម​ជនសង្ស័យ​មាន​គ្នា​៣​នាក់ ជិះ​ម៉ូតូ​២​គ្រឿង​គឺ​ពាក់​ស្លាក​លេខ​ភ្នំពេញ​1FB-2987​ពណ៌​ខ្មៅ និង​ពាក់​ស្លាក​​លេខ​ព្រះ​សីហ​នុ​1I-1385​ពណ៌​ស ។ លោក​អធិការ​បាន​បន្ត​ថា ទទួល​បាន​ព័ត៌មាន​នេះ លោក​ឧត្តមសេនីយ៍ទោ ម៉ៅ ច័ន្ទ​មធុ​រិ​ទ្ធ បាន​បញ្ជា​ដល់​កម្លាំង​នគរបាល​ខេត្ត សហការ​ជាមួយ​សមត្ថកិច្ច​ស្រុក​ទឹកឈូ កម្លាំង​ក្រុង​កំពត និង​ក្រុង​បូកគោ​តាម​ឃ្លាំមើល​និង​ស្រាវជ្រាវ​ដើម្បី​ឃាត់ខ្លួន​ឱ្យ​ខាង​តែ​បាន​ដាច់ខាត ។

Picture

តាម​ការ​ស្រាវជ្រាវ​យ៉ាង​ដុតដៃដុតជើង​របស់​សមត្ថកិច្ច​ទាំង​បី​ក្រុង​ស្រុក​ខាងលើ រហូត​ដល់​ម៉ោង​ប្រហែល​១០​យប់​ថ្ងៃ​ដដែល ទើប​សមត្ថកិច្ច​ក៏​តាម​ទាន់ និង​ឃាត់ខ្លួន​មុខសញ្ញា​ឆក់​ទាំង​៣​នាក់ បាន​ជា​បន្តបន្ទាប់​នៅ​ក្នុង​ទឹកដី​ក្រុង​បូកគោ​ដែល​ពួក​គេ​បម្រុង​រត់គេច​ខ្លួន​ទៅ​ខេត្ត​ព្រះ​សីហ​នុ​។

Picture

លោក​វរសេនីយ៍​បាន​បញ្ជាក់​ថា ជនសង្ស័យ​ទាំងនោះ រួម​មាន​: -​ឈ្មោះ សាក់ ឌុ​ល​ការី​ម ហៅ​ត្រា អាយុ​២១​ឆ្នាំ​។ ២-​ឈ្មោះ សុ​ប យូ​សុះ ហៅ​ប៉ៃ អាយុ​១៨​ឆ្នាំ​។ ទាំង​២​នាក់ រស់នៅ​ភូមិ​ត្រពាំងរ​ពៅ សង្កាត់​ព្រែក​ត្នោត ក្រុង​បូកគោ ខេត្តកំពត ។ ៣-​ឈ្មោះ សាយ ថង ហៅ​សាក់ អាយុ​២៤​ឆ្នាំ មាន​ទីលំនៅ​ភូមិ​កោះ​ទន្សែ ឃុំ​ទូក​មាស ស្រុក​បន្ទាយមាស ខេត្តកំពត​។

ពេល​នេះ សមត្ថកិច្ច​កំពុងធ្វើការ​សាកសួរ​ក្រុម​ជនសង្ស័យ​ទាំង​៣​នាក់ នៅ​ស្នងការដ្ឋាន​នគរបាល​ខេត្តកំពត ដើម្បី​កសាង​សំណុំរឿង​បញ្ជូន​ទៅ​កាន់​សាលាដំបូង​ចាត់ការ​តាម​នីតិវិធី ៕

Picture