មើលមុខ៥នាក់នេះឲ្យច្បាស់ ជាជើងខ្លាំងខាងអុកឡុក
ខេត្តឧត្តរមានជ័យ ៖ បុរស៥នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង១០ និង៣០នាទីព្រឹក ថ្ងៃទី១៨ ខែកុម្ភៈ ឆ្នាំ២០១៧ នៅភូមិត្រពាំងតាវ ឃុំត្រពាំងតាវ ស្រុកអន្លង់វែង …
ខេត្តឧត្តរមានជ័យ ៖ បុរស៥នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង១០ និង៣០នាទីព្រឹក ថ្ងៃទី១៨ ខែកុម្ភៈ ឆ្នាំ២០១៧ នៅភូមិត្រពាំងតាវ ឃុំត្រពាំងតាវ ស្រុកអន្លង់វែង បន្ទាប់ពីបុរសទាំង៥នាក់នោះបានធ្វើសកម្មភាពអុកឡុកកន្លែងចាក់ធុងបាស់រាំលេងកំសាន្តក្នុងពិធីមង្គលការមួយ ។
សមត្ថកិច្ចបានឲ្យដឹងថា បុរសទាំង៥នាក់ដែលត្រូវឃាត់ខ្លួនមាន ១-ឈ្មោះ រស់ ភេន ភេទប្រុស អាយុ២៤ឆ្នាំ រស់នៅភូមិទួលគ្រួស ឃុំថ្លាត ស្រុកអន្លង់វែង, ២-ឈ្មោះ ខាន់ វិចិត្ត ភេទប្រុស អាយុ២៤ឆ្នាំ រស់នៅភូមិទួលគ្រួស ឃុំថ្លាត ស្រុកអន្លង់វែង, ៣-ឈ្មោះ គាម វី ភេទប្រុស អាយុ២៥ឆ្នាំ រស់នៅភូមិត្រពាំាងតាវ ឃុំត្រពាំងតាវ ស្រុកអន្លង់វែង, ៤-ឈ្មោះ គុណ នូច ភេទប្រុស អាយុ២៦ឆ្នាំ រស់នៅភូមិត្រពាំងតាវ ឃុំត្រពាំងតាវ ស្រុកអន្លង់វែង និង ៥-ឈ្មោះ សំ ណាក់ ភេទប្រុស អាយុ២៧ឆ្នាំ រស់នៅភូមិត្រពាំងតាវ ឃុំត្រពាំងតាវ ស្រុកអន្លង់វែង ។
នគរបាលស្រុកអន្លង់វែងបានឱ្យដឹងថា ក្មេងទំនើងទាំង៥នាក់នេះត្រូវបានឃាត់ខ្លួនដោយយោងតាមពាក្យបណ្តឹងពីម្ចាស់ដើមការថា មានក្មេងទំនើង២ក្រុមបានបង្កអុកឡុកវាយតប់គ្នានៅក្នុងពិធីមង្គលការកូន ។ ក្រោយពីបានទទួលពាក្យបណ្តឹង សមត្ថកិច្ចបានចុះទៅដល់កន្លែងកើតហេតុភ្លាមៗ និងឃាត់ខ្លួនបាន៥នាក់នាំមកអធិការដ្ឋាននគរបាលស្រុកអន្លង់វែងធ្វើការសាកសួរ ។
នៅចំពោះមុខសមត្ថកិច្ច ក្មេងទំនើងទាំង៥នាក់បានសារភាពថា ខ្លួនពិតជាបានប្រព្រឹត្តដូចការចោទប្រកាន់ពិតមែន ។ ដោយយោង គ្មានបង្ករបួសស្នាមដល់អ្នកណាម្នាក់ សមត្ថកិច្ចគ្រាន់តែធ្វើការអប់រំ រួចដោះលែងឲ្យត្រឡប់ទៅផ្ទះវិញ ៕
ចែករំលែកព័តមាននេះ