ស្តាប់ប្តីសារភាពពីមូលហេតុ និងសកម្មភាពរឹតកប្រពន្ធរហូតស្លា.ប់
ខេត្តបាត់ដំបង ៖ ក្រោយពេលសមត្ថកិច្ចចាប់ខ្លួន បុរសជាប្តីបានសារភាពពីមូលហេតុ និងសកម្មភាពរឹត.កប្រពន្ធរហូតស្លា.ប់នៅក្នុងបន្ទប់ទឹកហើយ …
ខេត្តបាត់ដំបង ៖ ក្រោយពេលសមត្ថកិច្ចចាប់ខ្លួន បុរសជាប្តីបានសារភាពពីមូលហេតុ និងសកម្មភាពរឹត.កប្រពន្ធរហូតស្លាប់នៅក្នុងបន្ទប់ទឹកហើយ ។
គួររម្លឹកថា ព្រៃផ្សៃណាស់ ! ប្តីក្មេងរឹត.កប្រពន្ធរហូតស្លាប់ក្នុងបន្ទប់ទឹក
សូមបញ្ជាក់ថា បុរសម្នាក់ត្រូវបានកម្លាំងអាវុធហត្ថចាប់ខ្លួនកាលពីវេលាម៉ោង៥ និង៣០នាទីល្ងាច ថ្ងៃទី១៦ ខែកុម្ភៈ ឆ្នាំ២០១៧ នៅភូមិដូង ឃុំបឹងរាំង ស្រុកកំរៀង បន្ទាប់ពីបុរសរូបនោះបានយកខ្សែក្រវាត់រឹត.កសម្លាប់ប្រពន្ធខ្លួនឯងនៅក្នុងបន្ទប់ទឹកបាន១ម៉ោង ។
ប្រភពពីមន្ត្រីអាវុធហត្ថបានឲ្យដឹងថា ជនសង្ស័យជាប្តីឈ្មោះ ង៉ូវ សុខលីន អាយុ២៥ឆ្នាំ ចំណែកស្ត្រីរងគ្រោះជាប្រពន្ធឈ្មោះ ឃឿន ចំរើន អាយុ៣៥ឆ្នាំ រស់នៅភូមិ ឃុំកើតហេតុខាងលើ ។
ប្រភពឲ្យដឹងទៀតថា ជនសង្ស័យជាប្តីបានយកខ្សែក្រវាត់រឹត.កសម្លាប់ប្រពន្ធរបស់ខ្លួននៅក្នុងបន្ទប់ទឹក បន្ទាប់ពីមានការឈ្លោះប្រកែកគ្នា ហើយបានរត់គេចខ្លួនទៅកាន់ខេត្តប៉ៃលិន តែត្រូវកម្លាំងកងរាជអាវុធហត្ថស្រុកកំរៀង តាមចាប់ខ្លួនដល់ទីនោះតែម្ដង ។
លោក ឡាច វ៉ាន់ នាយការិយាល័យប្រឆាំងបទល្មើសព្រហ្មទណ្ឌ នៃបញ្ជាការដ្ឋានកងរាជអាវុធហត្ថខេត្ត បានឲ្យដឹងថា ក្រោយពីសម្លាប់ប្រពន្ធ ជនដៃដល់ឈ្មោះ ង៉ូវ សុខលីន បានជិះម៉ូតូគេចខ្លួនទៅផ្ទះខាងម្ដាយរបស់ខ្លួននៅស្រុកសាលាក្រៅ ខេត្តប៉ៃលិន ហើយត្រូវកម្លាំងកងរាជអាវុធហត្ថស្រុកកំរៀង តាមចាប់ខ្លួនដល់ទីនោះ ក្រោយកើតហេតុមួយម៉ោង ។
នៅចំពោះមុខសមត្ថកិច្ច ជនសង្ស័យជាប្តីបានសារភាពថា ខ្លួនមិនបានសម្លាប់ប្រពន្ធព្រោះតែរឿងប្រចណ្ឌឡើយ គឺដោយសារតែខឹងបបួលប្រពន្ធទៅនៅស្រុកកំណើតជាមួយគ្នា តែនាងមិនព្រម ហើយថែមទាំងបណ្ដេញខ្លួនឲ្យចុះចេញពីផ្ទះទៀត ។ ជនសង្ស័យបានសារភាពទៀតថា មុនពេលសម្លាប់ ខ្លួននិងប្រពន្ធបានឈ្លោះគ្នារឿងហ្នឹងទៀត ហើយពេលនោះប្រពន្ធបានស្ទុះមកក្រញៅមុខខ្លួន ធ្វើឲ្យខ្លួនខឹងកាន់តែខ្លាំង ទើបទាញខ្សែក្រវាត់រឹត.ករហូតស្លាប់តែម្តងទៅ ៕
ចែករំលែកព័តមាននេះ