ការសិក្សាថ្មីមួយដែលបានប្រើប្រាស់ទិន្នន័យឧបសគ្គនៃជំងឺបានប៉ាន់ប្រមាណថា ស្ទើរតែ៦០ភាគរយនៃជំងឺរាករូសបង្កដោយការបរិភោគទឹកមិនស្អាត កង្វះអនាម័យជុំវិញខ្លួន និងអាកប្បកិរិយាអនាម័យផ្ទាល់ខ្លួនមិនល្អ ។
ការសិក្សាថ្មីមួយដែលបានប្រើប្រាស់ទិន្នន័យឧបសគ្គនៃជំងឺបានប៉ាន់ប្រមាណថា ស្ទើរតែ៦០ភាគរយនៃជំងឺរាករូសបង្កដោយការបរិភោគទឹកមិនស្អាត កង្វះអនាម័យជុំវិញខ្លួន និងអាកប្បកិរិយាអនាម័យផ្ទាល់ខ្លួនមិនល្អ ។ ការអនុវត្តការលាងដៃផ្ទាល់ខ្លួនដោយ ងាយៗសមស្របមុនពេលបរិភោគអាហារអាចកាត់បន្ថយហានីភ័យនៃជំងឺរាករូសបានជាង៤២% ។ ទឹកស្អាត និងមានសុវត្ថិភាពអាចកាត់បន្ថយអត្រាជំងឺរាករូសដូចគ្នានឹងការលាងសម្អាតដៃដែរ ។
ដើម្បីកាត់បន្ថយជំងឺរាករូស លោកអ្នកគួរតែអនុវត្តតាមវិធីដូចជា៖
១-ផឹកទឹកដែលមានសុវត្ថិភាព៖
-ទឹកដាំឲ្យពុះ
-ប្រើប្រាស់ធុងចម្រោះទឹក
-ច្រកទឹកឲ្យពេញដប(ដបភ្លឺថ្លាល្អ)យ៉ាងធំ២លីត្រ ហើយយកទៅហាលរយៈពេល៦ម៉ោង(មេឃមានថ្ងៃ) និងត្រូវហាលរយះពេល២ថ្ងៃបើមេឃគ្មានថ្ងៃ។
២-រក្សាទឹកផឹកឲ្យមានសុវត្ថិភាព៖
-ទុកដាក់ទឹកសម្រាប់ផឹកក្នុងធុងធំដែលមានគម្រប
-ទុកដាក់ទឹកសម្រាប់ផឹកក្នុងកំសៀវដែលមានគម្រប
-ទុកដាក់ទឹកសម្រាប់ផឹកក្នុងដបដែលមានគម្រប ។
៣-ការពារប្រភពទឹក៖
-អណ្តូងស្នប់មានកម្រាលសាបនិងរបង
-អណ្តូងលូមានកម្រាលសាប គម្រប និងស្នប់
-ពាងត្រងទឹកភ្លៀងមានគម្របនិងប្រព័ន្ធត្រងត្រឹមត្រូវ
-អាងត្រងទឹកភ្លៀងមានគម្រប និងប្រព័ន្ធត្រងត្រឹមត្រូវ
៤-លាងដៃជាមួយនឹងសាប៊ូជានិច្ច៖
-លាងដៃក្រោយពេលបន្ទោបង់
-លាងដៃមុនពេលបរិភោគ
៥-អនាម័យចំណីអាហារ៖
-ទុកដាក់អាហារក្នុងកន្លែងស្អាត ដើម្បីចៀសវាងមានការចម្លងមេរោគតាមរយៈសត្វរុយ ឬធូលីផ្សេងជាដើម
-លាងបន្លែ ផ្អែឈើឲ្យបានស្អាតល្អ ជាពិសេសប្រសិនបើត្រូវរៀបចំទទួលទានឆៅ ។
៦-បន្ទោបង់ក្នុងបង្គន់ជានិច្ច ៖
លោកអ្នកត្រូវចាំថា ជំងឺរាកធ្ងន់អាចបណ្តាលឲ្យស្លាប់បាន ជាពិសេសកុមារ ដូច្នេះដើម្បីចៀសផុតពីបញ្ហាទាំងនេះលោកអ្នកត្រូវតែអនុវត្តតាមវិធីខាងលើនេះ ៕
ចែករំលែកព័តមាននេះ