ឱ ! តំបន់ត្រពាំងឈូក ធ្វើឲ្យអាជ្ញាធរព្រួយបារម្ភយ៉ាងខ្លាំង
រាជធានីភ្នំពេញ ៖ តំបន់ត្រពាំងឈូក ស្ថិតក្នុងភូមិបុរីកម្មករ សង្កាត់ទឹកថ្លា ធ្វើឲ្យអាជ្ញាធរខណ្ឌសែនសុខមានការព្រួយបារម្ភយ៉ាងខ្លាំង ព្រោះថា ទោះបីជាមានការចុះបង្ក្រាប …
រាជធានីភ្នំពេញ ៖ តំបន់ត្រពាំងឈូក ស្ថិតក្នុងភូមិបុរីកម្មករ សង្កាត់ទឹកថ្លា ធ្វើឲ្យអាជ្ញាធរខណ្ឌសែនសុខមានការព្រួយបារម្ភយ៉ាងខ្លាំង ព្រោះថា ទោះបីជាមានការចុះបង្ក្រាបទាំងយប់ទាំងថ្ងៃយ៉ាងណាក៏ដោយ គឺហាក់ដូចជាវែកចកអ៊ីចឹង ពោលគឺនៅតែប្រមូលផ្តុំគ្នាប្រើប្រាស់គ្រឿងញៀនឥតឈប់ឈរដដែល ។
ចាប់តាំងពីថ្ងៃទី១ ខែមករា មករហូតមកដល់ពេលនេះមានរយៈពេលជាង១ខែមកហើយនៃយុទ្ធនាការបង្ក្រាបគ្រឿងញៀន អាជ្ញាធរ និងសមត្ថកិច្ចខណ្ឌសែនសុខ បានសហការគ្នាចុះបង្ក្រាបគ្រឿងញៀនទាំងយប់ទាំងថ្ងៃនៅតំបន់ត្រពាំងឈូក ហើយចាប់មិនចេះអស់ ។ មិនតែប៉ុណ្ណោះអាជ្ញាធរបានប្រើវិធានការក្តៅដោយ ណែនាំឲ្យម្ចាស់ផ្ទះ និងបន្ទប់ជួលចំនួន៥៣ ដែលជាទីតាំងចែកចាយ ប្រើប្រាស់គ្រឿងញៀន ចាត់វិធានការរុះរើចេញ ធ្វើយ៉ាងណាបំបាត់ និងផ្តាច់ឫសគល់ក្រុមជួញដូរគ្រឿងញៀន ។ ទោះបីជាយ៉ាងណា គេនៅតែឃើញក្រុមយុវជនញៀនថ្នាំនៅតែបន្តទៅប្រមូលផ្តុំគ្នាប្រើប្រាស់គ្រឿងញៀនមិនឈប់ឈរដដែល ។
ជាក់ស្តែង កាលពីវេលាម៉ោងប្រមាណ៩ព្រឹក ថ្ងៃទី១០ ខែកុម្ភៈ នេះ គណៈបញ្ជាការឯកភាពខណ្ឌសែនសុខ បានចុះធ្វើរដ្ឋបាលនៅតំបន់ត្រពាំងឈូក ហើយឃាត់ខ្លួនជនសង្ស័យពាក់ព័ន្ធគ្រឿងញៀនបានចំនួន៦នាក់ទៀត ៕
ចែករំលែកព័តមាននេះ