រាជធានីភ្នំពេញ ៖ ក្មេងប្រុសម្នាក់ចេះជក់គ្រឿងញៀន រយៈពេល៥ឆ្នាំមកហើយ ហើយបែកគំនិកចេះដើរលួចទ្រព្យសម្បត្តិដើរចូលទៅក្នុងក្រសួងពាណិជ្ជាកម្ម ឡើងទៅអគារជាន់ទី២ បម្រុងលួចទ្រព្យសម្បត្តិអ្នកធ្វើការក្នុងនោះ តែត្រូវសន្តិសុខយាមចាប់បានប្រគល់ឲ្យសមត្ថកិច្ច កាលពីវេលាម៉ោង១២ និង៣០នាទីរំលងអធ្រាត្រ ឈានចូលថ្ងៃទី១០ កុម្ភៈ ស្ថិតតាមបណ្តោយផ្លូវព្រះនរោត្តម ត្រង់ចំណុចក្រសួងពាណិជ្ជកម្ម ក្នុងភូមិ១០ សង្កាត់ផ្សារចាស់ ខណ្ឌដូនពេញ។
ក្មេងប្រុសខាងលើឈ្មោះវី ដា អាយុ១៥ឆ្នាំ ស្នាក់នៅមិនពិតប្រាកដ ។ បើតាមសាក្សីឃើញហេតុការណ៍ឱ្យដឹងថា មុនពេលកើតហេតុ គេឃើញក្មេងប្រុសម្នាក់ជិះម៉ូតូមកជាមួយបុរសម្នាក់ទៀត មិនស្គាល់អត្តសញ្ញាណ ហើយបានទំលាក់ក្មេងប្រុសម្នាក់នោះឱ្យចូលក្នុងក្រសួងពាណិជ្ជាកម្ម ។
ក្នុងគោលបំណងលួចទ្រព្យសម្បត្តិនៅក្នុងបន្ទប់ធ្វើការ ខណៈពេលឡើងទៅដល់ជាន់ទី២ ស្រាប់តែសន្តិសុខយាមបានប្រទះឃើញក្មេងនោះ នៅអគារជាន់ទី២ ស្រាប់តែក្មេងប្រុសនោះភ័យស្លន់ស្លោបានលោតចុះមកក្រោម សំណាងល្អមិនមានរងរបួសធ្ងន់គ្រាន់តែរយះទ្រូងបន្តិចបន្តួច ហើយសន្តិសុខបានចាប់ប្រគល់អោយសមត្ថកិច្ចប៉ុស្តិ៍ផ្សារចាស់ ។
ចែករំលែកព័តមាននេះ