ចាប់ខ្លួនបានភ្លាមៗ ខណៈកំពុងត្រៀមធ្វើសកម្មភាព
រាជធានីភ្នំពេញ ៖ បុរសម្នាក់ត្រូវបាននគរបាលខណ្ឌមានជ័យធ្វើការឃាត់ខ្លួនកាលពីវេលាម៉ោង៤ល្ងាច ថ្ងៃទី៩ ខែកុម្ភៈ ឆ្នាំ២០១៧ នៅចំណុចដីឡូត៍គ្មានលេខ ផ្លូវលំ ភូមិព្រែកតាឡុង២
រាជធានីភ្នំពេញ ៖ បុរសម្នាក់ត្រូវបាននគរបាលខណ្ឌមានជ័យធ្វើការឃាត់ខ្លួនកាលពីវេលាម៉ោង៤ល្ងាច ថ្ងៃទី៩ ខែកុម្ភៈ ឆ្នាំ២០១៧ នៅចំណុចដីឡូត៍គ្មានលេខ ផ្លូវលំ ភូមិព្រែកតាឡុង២ សង្កាត់ ចាក់អង្រែក្រោម ខណ្ឌមានជ័យ ខណៈបុរសរូបនោះកំពុងត្រៀមធ្វើសកម្មភាពចែកចាយគ្រឿងញៀន ។
ជនសង្ស័យឈ្មោះ វ៉ិត ចាន់ថន ភេទប្រុស អាយុ៣៧ឆ្នាំ ជនជាតិខ្មែរ មុខរបរមិនប្រាកដ ស្នាក់នៅដីឡូតិ៍គ្មានលេខ ផ្លូវលំ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ ។
លោក ម៉េង វិមានតារ៉ា អធិការរងនគរបាលខណ្ឌមានជ័យ ទទួលជំនាញព្រហ្មទណ្ឌ បានឲ្យដឹងថា មុនឈានដល់ការបង្ក្រាប គឺកម្លាំងសមត្ថកិច្ចបានស្រាវជ្រាវតាមដានជាច្រើនថ្ងៃដោយបង្កប់កម្លាំងសម្ងាត់តាមមករហូត ។ រហូតវេលាខាងលើ ដោយកំណត់ពីទីតាំងត្រៀមចែកចាយច្បាស់លាស់រួចហើយ កម្លាំងសមត្ថកិច្ចក៏បើកការចុះបង្ក្រាបបានជាក់ស្តែងតែម្តង ។
លោកអធិការរងបន្តថា ក្នុងការឃាត់ខ្លួនជនសង្ស័យខាងលើ សមត្ថកិច្ចដកហូតបានម្សៅក្រាមពណ៌សថ្លា ហៅម៉ាទឹកកក ចំនួន២២កញ្ចប់ (២កញ្ចប់ធំ និង២០កញ្ចប់តូច) ទូរស័ព្ទដៃចាស់០១គ្រឿង និងដាវ២ដើមផងដែរ ។
ក្រោយពេលឃាត់ខ្លួន ជនសង្ស័យ និងវត្ថុតាង ត្រូវបានបញ្ជូនទៅឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យ រង់ចាំកសាងនីតិវិធីបញ្ចូនទៅតុលាការចាត់ការទៅតាមផ្លូវច្បាប់ ៕
ចែករំលែកព័តមាននេះ