រាជធានីភ្នំពេញ ៖ ជនសង្ស័យ ជួញដូរ និងប្រើប្រាស់គ្រឿងញៀ.នប្រុសស្រី៣នាក់ ត្រូវបាននគរបាលខណ្ឌសែនសុខ ឃាត់ខ្លួន កាលពីម៉ោង៥និង៣០នាទីល្ងាច ថ្ងៃទី០៦ ខែកុម្ភៈ ឆ្នាំ២០១៧
រាជធានីភ្នំពេញ ៖ ជនសង្ស័យ ជួញដូរ និងប្រើប្រាស់គ្រឿងញៀនប្រុសស្រី៣នាក់ ត្រូវបាននគរបាលខណ្ឌសែនសុខ ឃាត់ខ្លួន កាលពីម៉ោង៥និង៣០នាទីល្ងាច ថ្ងៃទី០៦ ខែកុម្ភៈ ឆ្នាំ២០១៧ នៅក្នុងភូមិ បុរីកម្មករ សង្កាត់ទឹកថ្លា ខណ្ឌសែនសុខ ដោយដកហូតបានថ្នាំញៀនចំនួន១២កញ្ចប់ និងឧបករណ៍ប្រើប្រាស់មួយចំនួន។ ប្រតិបត្តិការបង្ក្រាបគ្រឿងញៀនដឹកនាំដោយលោកវរៈសេនីយ៍ទោ ហង្ស មុនី អធិការងនគរបាលខណ្ឌសែនសុខ និងលោកអនុសេនីយ៍ឯក សុខ សុផល នាយប៉ុស្តិ៍ទឹកថ្លា។
ជនសង្ស័យដែលត្រូវឃាត់ខ្លួន ១.ឈ្មោះ ឆាយ ស្រីនិច ភេទស្រី អាយុ១៨ឆ្នាំ,២.ឈ្មោះអ៊ុន កញ្ញា ភេទស្រី អាយុ២៤ឆ្នាំ និង៣.ឈ្មោះ ណង់ ចាន់បញ្ញា អាយុ១៨ឆ្នាំ ភេទប្រុស។ តាមនគរបាលបានឲ្យដឹងថា ដោយមានបញ្ជាពីលោកវរៈសេនីយ៍ឯក ម៉ក់ ហុង អធិការនគរបាលខណ្ឌសែនសុខ សមត្ថកិច្ចក៏បានចុះត្រួតពិនិត្យរដ្ឋបាលនៅតំបន់ស្មុគស្មាញ ក្នុងភូមិបុរីកម្មករ ហើយឃាត់ខ្លួនជនសង្ស័យ ខណៈដែលកំពុងតែចែកចាយគ្រឿងញៀន។ ជនសង្ស័យ និងវត្ថុតាងត្រូវបានបញ្ជូនទៅកាន់អធិការដ្ឋាននគរបាលខណ្ឌសែនសុខ ដើម្បីសាកសួរ និងចាត់ការតាមច្បាប់៕
ចែករំលែកព័តមាននេះ