បុរសម្នាក់ខំរត់គេចខ្លួនអស់១០ឆ្នាំទៅរកស៊ីនៅថៃ លុះចូលមកស្រុកវិញ នៅតែគេចមិនផុតពីទោស
- បន្ទាយមានជ័យ
ជនជាប់ចោទម្នាក់ ក្នុងចំណោម០២នាក់ ត្រូវបានកម្លាំងនៃអធិការដ្ឋាននគរបាលស្រុកភ្នំស្រុក ចាប់ឃាត់ខ្លួនបាន
ខេត្តបន្ទាយមានជ័យ ៖ ជនជាប់ចោទម្នាក់ ក្នុងចំណោម០២នាក់ ត្រូវបានកម្លាំងនៃអធិការដ្ឋាននគរបាលស្រុកភ្នំស្រុក ចាប់ឃាត់ខ្លួនបានកាលពីវេលាម៉ោង១០និង៣០នាទីព្រឹក ថ្ងៃទី០៣ ខែកញ្ញា ឆ្នាំ២០២២ តាមដីកាបង្គាប់ឲ្យចាប់ខ្លួន លេខ១៥២ ដក ចខ របស់សាលាដំបូងខេត្តបន្ទាយមានជ័យ ចុះថ្ងៃទី២០ ខែឧសភា ឆ្នាំ២០១៥ ចេញដោយ លោក អ៊ី សាវិញ ចៅក្រមជំនុំជម្រះ សាលាដំបូងខេត្ត ។
លោកវរសេនីយ៍ទោ ប៉ិក គឹមហ៊ាក់ អធិការនគរបាល ស្រុកភ្នំស្រុក បានឲ្យដឹងថា ជនត្រូវចាប់ខ្លួនខាងលើមានឈ្មោះបូ សីហា ហៅ ទល់ ភេទប្រុស អាយុ៣១ឆ្នាំ រស់នៅភូមិតាអុង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។ ការចាប់ខ្លួននេះ ដោយអនុវត្តតាមដីកាបង្គាប់ឲ្យចាប់ខ្លួន លេខ១៥២ ដក ចខ របស់សាលាដំបូងខេត្តបន្ទាយមានជ័យ ចុះថ្ងៃទី២០ ខែឧសភា ឆ្នាំ២០១៥ ចេញដោយលោក អ៊ី សាវិញ ចៅក្រមជំនុំជម្រះសាលាដំបូងខេត្តបន្ទាយមានជ័យ ។ ដោយជនជាប់ចោទ និងបក្សពួក០១នាក់ទៀតឈ្មោះ បូ ដុល្លា បានប្រព្រឹត្តអំពើហិ.ង្សាដោយចេតនា មានស្ថានទម្ងន់ទោស កាលពីថ្ងៃទី០៣ ខែមករា ឆ្នាំ២០១២ នៅភូមិតាអុង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ រួចរត់គេចខ្លួនទៅរកស៊ីនៅប្រទេសថៃ លុះពេលត្រឡប់មកកម្ពុជាវិញ ក៏ត្រូវនគរបាលចាប់ខ្លួនតែម្តង ។
លោកអធិការបានបញ្ជាក់ថា ឈ្មោះបូ សីហា ហៅ ទល់ ត្រូវបានកម្លាំងនគរបាលជំនាញ នៃអធិការដ្ឋាននគរបាលស្រុកភ្នំស្រុក បានបញ្ជូនខ្លួនទៅស្នងការដ្ឋាននគរបាលខេត្ត ដើម្បីចាត់ការបន្តហើយដែរ៕
ចែករំលែកព័តមាននេះ