ធី សុវណ្ណថា ទារលោក សម រង្ស៊ី ២៥ម៉ឺនដុល្លារបន្ថែមទៀត
រាជធានីភ្នំពេញ ៖ នាយិកាអង្គការយុវជនកិច្ចការសង្គម កញ្ញា ធី សុវណ្ណថា បានប្រាប់អង្គភាពព័ត៌មាន Fresh News ឲ្យដឹងនៅប៉ុន្មាននាទីមុននេះថា
រាជធានីភ្នំពេញ ៖ នាយិកាអង្គការយុវជនកិច្ចការសង្គម កញ្ញា ធី សុវណ្ណថា បានប្រាប់អង្គភាពព័ត៌មាន Fresh News ឲ្យដឹងនៅប៉ុន្មាននាទីមុននេះថា
រាជធានីភ្នំពេញ ៖ នាយិកាអង្គការយុវជនកិច្ចការសង្គម កញ្ញា ធី សុវណ្ណថា បានប្រាប់អង្គភាពព័ត៌មាន Fresh News ឲ្យដឹងនៅប៉ុន្មាននាទីមុននេះថា កញ្ញាបានសម្រេចទារលុយពីលោក សម រង្ស៊ី បន្ថែមចំនួន២៥ម៉ឺនដុល្លារទៀត សរុប៥០ម៉ឺនដុល្លារ ។
នៅព្រឹកថ្ងៃទី០៧ កុម្ភៈនេះ កញ្ញា ធី សុវណ្ណថា ជាដើមបណ្ដឹងអមដំណើរ ដោយលោកមេធាវី លី ច័ន្ទតុលា បានចូលខ្លួនមកកាន់អយ្យការអមសាលាដំបូងរាជធានីភ្នំពេញ កាលពីព្រឹកថ្ងៃទី០៧ កុម្ភៈ ២០១៧ ដើម្បីបំភ្លឺជុំវិញការប្តឹងលោកសម រង្ស៊ី ប្រធានគណបក្សសង្គ្រោះជាតិ ពីបទបរិហារកេរ្តិ៍ជាសាធារណៈ និង ទាមទារសំណងជំងឺចិត្តចំនួន២៥ម៉ឺនដុល្លារអាមេរិក(លើកមុន ឥឡូវថែម២៥ម៉ឺនទៀតឡើង៥០ម៉ឺនដុល្លារ) ។ សំណុំរឿងនេះ ស្ថិតក្រោមការចំណាត់ការរបស់កញ្ញា វ៉ា សក្តា ជាព្រះរាជអាជ្ញារងអមសាលាដំបូងរាជធានីភ្នំពេញ ។
គួររំឮកថា អតីតសកម្មជនគណបក្សសង្គ្រោះជាតិ បានសម្រេចប្តឹងលោក សម រង្ស៊ី ដែលកំពុងនិរទេសខ្លួននៅក្រៅប្រទេស បន្ទាប់ពីមេបក្សប្រឆាំងរូបនេះបានថ្លែងនៅក្នុងជំនួបជាមួយសកម្មជន និងអ្នកគាំទ្រ ដោយចោទប្រកាន់សម្តេចតេជោ ហ៊ុន សែន បានសូកលុយ ធី សុវណ្ណថា ចំនួន១លានដុល្លារ ដើម្បីឲ្យនាយិកាអង្គការយុវជនកិច្ចការសង្គមធ្វើសកម្មភាពផ្សេងៗប្រឆាំងមេដឹកនាំគណបក្សសង្គ្រោះជាតិ ។
ការថ្លែងចោទរបស់លោក សម រង្ស៊ី នៅក្នុងប្រទេសបារាំងកាលពីថ្ងៃទី១៤ មករា ២០១៧ខាងលើ សម្តេចតេជោនាយករដ្ឋមន្ត្រី តាមរយៈលោកមេធាវី គី តិច ក៍បានប្តឹងទារសំណង១លានដុល្លារផងដែរ ៕
ចែករំលែកព័តមាននេះ