ផ្កាម្លិះត្រូវបានគេប្រើជាទូទៅក្នុងផលិតផលសម្រស់ ដោយសារតែវាមានលក្ខណសម្បត្តិក្នុងការបង្កើនសម្រស់របស់យើង ។ ផ្កាម្លិះត្រូវបានគេប្រើភាគច្រើនក្នុងការផលិតទឹកអប់សម្រាប់ស្ត្រី និងគ្មានក្លិនអ្វីដែល
ផ្កាម្លិះត្រូវបានគេប្រើជាទូទៅក្នុងផលិតផលសម្រស់ ដោយសារតែវាមានលក្ខណសម្បត្តិក្នុងការបង្កើនសម្រស់របស់យើង ។ ផ្កាម្លិះត្រូវបានគេប្រើភាគច្រើនក្នុងការផលិតទឹកអប់សម្រាប់ស្ត្រី និងគ្មានក្លិនអ្វីដែលអាចផ្តួលក្លិនផ្កានេះបានឡើយ ។
កាលពីមុន ផ្កាម្លិះត្រូវបានប្រើក្នុងការព្យាបាលជំងឺដូចជាគ្រុនក្តៅ ក្អួត ឈឺក្បាល ជំងឺភ្នែក ល។ ផ្កានេះមិនត្រឹមតែមានផលប្រយោជន៍ដល់សុខភាពនោះទេ វាថែមទាំងមានប្រយោជន៍ក្នុងការថែរក្សាសុខភាពស្បែកផងដែរ។ ផ្កាម្លិះ មានលក្ខណសម្បត្តិផ្តល់សំណើមស្បែក ដែលវាមានសារៈសំខាន់ជាច្រើនសម្រាប់សម្រស់របស់ស្ត្រី។ ដូច្នេះ សូមអានអត្ថបទខាងក្រោមដើម្បីដឹងពីអត្ថប្រយោជន៍របស់ផ្កាម្លិះចំពោះសម្រស់ ៖
១-ម៉ាស់បិទមុខ
ផ្កាម្លិះមានលក្ខណសម្បត្តិផ្តល់សំណើមដល់ស្បែក ដែលវាជួយធ្វើឲ្យស្បែករបស់អ្នកមានសុខភាពល្អ និងភ្លឺរលោង ។ អ្នកគួរតែត្រាំផ្កាម្លិះមួយចំនួនក្នុងទឹក បន្ទាប់មកកិនវាឲ្យម៉ដ្ឋ ហើយបន្ថែមទឹកដោះគោ១ទៅ២ស្លាបព្រា ។ បិទម៉ាស់នេះនៅលើមុខរបស់អ្នក និងទុកវាចោលរយៈពេល១០នាទី ។ បន្ទាប់មក លាងវាចេញជាមួយទឹកត្រជាក់ ។ ការបិទម៉ាស់នេះអាចជួយផ្តល់សំណើមដល់ស្បែក និងធ្វើឲ្យស្បែករបស់អ្នកមានសំណើមគ្រប់គ្រាន់ ។
២-ប្រឆាំងនឹងភាពចាស់
ផ្កាម្លិះមិនត្រឹមតែអាចផ្តល់សំណើមដល់ស្បែកនោះទេ ប៉ុន្តែវាក៏អាចជួយក្នុងការព្យាបាលសញ្ញាប្រឆាំងនឹងភាពចាស់នៅលើស្បែក និងទប់ស្កាត់ស្នាមជ្រីវជ្រួញនៅលើមុខផងដែរ។
៣-ជួយព្យាបាលស្បែកដែលរងការខូចខាតដោយពន្លឺថ្ងៃ
ផ្កាម្លិះដែលកិនហើយ អាចជួយក្នុងការព្យាបាលស្បែកដែលរងការខូចខាចដោយសារពន្លឺថ្ងៃបានយ៉ាងងាយស្រួល។ ប្រសិនបើអ្នកជាញឹកញាប់មានបញ្ហាខាងលើ សូមលាបល្បាយផ្កាម្លិះនិងរមៀតដែលកិនរួចលើស្បែកដើម្បីទទួលបានអត្ថប្រយោជន៍ពីល្បាយនេះ។ វិធីសាស្ត្រនេះអាចជួយធ្វើឲ្យស្បែករបស់អ្នកមានភាពភ្លឺរលោងភ្លាមៗ ។
៤-ជួយព្យាបាលបញ្ហាមុន
ផ្កាម្លិះ អាចប្រើក្នុងការព្យាបាលបញ្ហាមុនបានយ៉ាងងាយស្រួល ។ ប្រសិនបើអ្នកភ័យខ្លាចក្នុងការប្រើប្រាស់ផលិតផលក្រែម ឬសារធាតុផ្តល់សំណើមណាមួយនៅលើមុខ ខណៈពេលដែលមានបញ្ហាមុន អ្នកគួរតែប្រើប្រាស់ផ្កាម្លិះ។ កិនផ្កាម្លិះឲ្យម៉ត់និងបន្ថែមទឹកដោះគោ បន្ទាប់មកបិទម៉ាស់នេះនៅលើមុខរបស់អ្នកឱ្យបានទៀងទាត់។ ម៉ាស់នេះ អាចជួយបំបាត់បញ្ហាមុននៅលើមុខបានយ៉ាងងាយស្រួល ៕
ចែករំលែកព័តមាននេះ