ខេត្តតាកែវ ៖ បុរសនិងស្ត្រីដែលគេបានស្គាល់ថា ជាប្តីនិងប្រពន្ធនឹងគ្នាបានស្លា.ប់បាត់បង់ជីវិតយ៉ាងអាណោចអាធ័មបំផុត ដោយសារគ្រោះថ្នាក់ចរាចរណ៍រវាងរថយន្តបែនដឹកដីបើកបុកម៉ូតូរបស់គាត់ចំពីមុខពេញទំហឹង ។ ហេតុការណ៍ដ៏រន្ធត់នេះ បានកើតឡើងកាលពីល្ងាចថ្ងៃព្រហស្បតិ៍ ទី០១…
ខេត្តតាកែវ ៖ បុរសនិងស្ត្រីដែលគេបានស្គាល់ថា ជាប្តីនិងប្រពន្ធនឹងគ្នាបានស្លា.ប់បាត់បង់ជីវិតយ៉ាងអាណោចអាធ័មបំផុត ដោយសារគ្រោះថ្នាក់ចរាចរណ៍រវាងរថយន្តបែនដឹកដីបើកបុកម៉ូតូរបស់គាត់ចំពីមុខពេញទំហឹង ។ ហេតុការណ៍ដ៏រន្ធត់នេះ បានកើតឡើងកាលពីល្ងាចថ្ងៃព្រហស្បតិ៍ ទី០១ ខែកញ្ញា ឆ្នាំ២០២២ វេលាម៉ោង៥និង៣០នាទីល្ងាច ស្ថិតនៅលើកំណាត់ផ្លូវជាតិលេខ២ នៅចន្លោះបង្កោលគីឡូម៉ែតលេខ៨០លេខ៨១ ត្រង់ចំណុចក្បាលថ្នល់ភូមិថ្មី សង្កាត់រកាក្រៅ ក្រុងដូនកែវ ខេត្តតាកែវ ។
នគរបាលចរាចរណ៍ក្រុងដូនកែវបានអោយដឹងថា ជនរងគ្រោះជាប្តីមានឈ្មោះអូន វិន ភេទប្រុសអាយុ៣៤ឆ្នាំ ធ្វើការនៅខាងធនាគាស្ថាបនាខេត្តតាកែវ និងប្រពន្ធឈ្មោះគឹម សយបញ្ញា អាយុ៣០ឆ្នាំ ជនរងគ្រោះរស់ភូមិស្រម៉ ឃុំព្រែខ្លា ស្រុកកោះអណ្តែត ជនរងគ្រោះមានកូនចំនួន២នាក់ (ប្រុស១ស្រី១)។
ប្រភពឱ្យដឹងទៀតថា នៅមុនពេលកើតហេតុ សាក្សីបានឃើញរថយន្តបែនដឹកដីពណ៌.ស បើកបរពីទិសខាងត្បូងមកជើងបត់ចូលភូមិត្រង់ចំណុចភូមិថ្មី ។ ចំណែកម៉ូតូDraemC100 សង់ពាក់ស្លាកលេខតាកែវ1V-4730 ជិះពីរនាក់ប្តីប្រពន្ធ បើកបរពីទិសខាងជើងទៅត្បូង បណ្តាលឱ្យរថយន្តបុកពេញទំហឹងស្លា.ប់ភ្លាមៗនៅនឹងកន្លែង ដោយម៉ូតូជាប់ក្រោមរថយន្តខាងមុខ ។
ភាគីរថយន្ត ក្រោយបង្កគ្រោះរួច តៃកុងបានដាក់មេប្រូចរត់បាត់ស្រមោលហើយ រីឯរថយន្តបែនដឹកដីនិងម៉ូតូយកទៅរក្សានៅអធិការដ្ឋាននគរបាលក្រុងដូនកែវ ដើម្បីដោះស្រាយតាមផ្លូវច្បាប់។
ចែករំលែកព័តមាននេះ