រាជធានីភ្នំពេញ ៖ មហាជនប្រហែលជានៅមិនទាន់ភ្លេចនៅឡើយទេ នូវវីដេអូឃ្លីបមួយដែលបង្ហាញពីកុមារ ធុច សាលិក ដើរលក់វត្ថុអនុស្សាវរីយ៍ នៅមុខប្រាសាទអង្គរវត្ត ក្នុងខេត្តសៀមរាប ត្រូវបានជនបរទេសមួយរូប…
រាជធានីភ្នំពេញ ៖ មហាជនប្រហែលជានៅមិនទាន់ភ្លេចនៅឡើយទេ នូវវីដេអូឃ្លីបមួយដែលបង្ហាញពីកុមារ ធុច សាលិក ដើរលក់វត្ថុអនុស្សាវរីយ៍ នៅមុខប្រាសាទអង្គរវត្ត ក្នុងខេត្តសៀមរាប ត្រូវបានជនបរទេសមួយរូប ថតពីការនិយាយបានច្រើនភាសារបស់កុមាររូបនេះ ស្រាប់តែនៅល្ងាចថ្ងៃទី៣០ ខែសីហា ឆ្នាំ២០២២នេះ ក្មេងប្រុស សាលិ បានបង្ហោះរឿងដ៏ក្រៀមក្រំមួយ បង្ហាញពីឪពុកបង្កើតនឹងត្រូវវះកាត់ទាំងយប់នេះហើយ ។
ធុច សាលិ បានប្រកាសលើបណ្ដាញសង្គមទាំងទឹកភ្នែកថា លោកឪពុក កើតជំងឺដែលបង្ករោគពីធ្មេញ (Dental Infection) ខណៈក្មេងប្រុសតូចមានសមត្ថភាពខ្ពស់ច្រើនភាសារូបនេះ បានត្រឹមពោលពាក្យស្រលាញ់ បង្ហាញក្ដីបារម្ភ និងជូនពរលោកឪពុកឲ្យឆាប់ជាពីជំងឺ តែប៉ុណ្ណោះ ។
ធុច សាលិ បានបង្ហោះរូបភាពជាច្រើនសន្លឹក អមដោយសារថា «ជូនពរឲ្យប៉ា ឆាប់ជាពីជំងឺ បង្ករោគពីធ្មេញ Dental Infection ។ សាលិ ជូនពរលោកប៉ា ទាំងក្ដីបារម្ភថា «កុំកើតអីណាប៉ា កូនបារម្ភ កូនស្រលាញ់ប៉ា ត្រូវវះកាត់នៅយប់នេះហើយ» ។
គួរបញ្ជាក់ថា ជំងឺដែលបង្ករោគពីធ្មេញ Dental Infection កើតឡើង នៅពេលលោកអ្នកឈឺធ្មេញហើយ មានសភាពហើមមុខ ហើមលឹបភ្នែក ឬហើមតំបន់ក្រោមឆ្អឹងថ្គាម ឬចង្កា ដែលប៉ះពាល់ និងពិបាកដល់ការលេបចំណីអាហារ ឬទឹកមាត់ (មានន័យថា ប៉ះពាល់ដល់ផ្លូវដង្ហើម) ។ ប្រសិនបើមានបញ្ហា ឬស្ថានភាពជំងឺដូចខាងលើនេះ សូមប្រញាប់មកជួបទន្តបណ្ឌិត ឬគ្រូពេទ្យជំនាញ នៃមន្ទីរពេទ្យកាល់ម៉ែត ព្រោះអ្នកជំងឺមួយប្រភេទនេះអាចបង្ករគ្រោះថ្នាក់ដល់ជីវិតបាន(ស្លាប់) ប្រសិនបើមិនបានទទួលការការព្យាបាលបានត្រឹមត្រូវនោះទេ ៕
ចែករំលែកព័តមាននេះ