មណ្ឌលមួយជួលកុមារឱ្យមកលេងជាមនុស្សចាស់ ដោយបានប្រាក់ខែជារបស់ទាំងនេះ
ជប៉ុន ៖ មណ្ឌលមើលថែមនុស្សចាស់ជរាមួយកន្លែងនៅភាគខាងត្បូងប្រទេសជប៉ុនបានប្រកាសជួល
ជប៉ុន ៖ មណ្ឌលមើលថែមនុស្សចាស់ជរាមួយកន្លែងនៅភាគខាងត្បូងប្រទេសជប៉ុនបានប្រកាសជួលកុមារតូចៗជាច្រើននាក់ដើម្បីធ្វើការដ៏សំខាន់គឺការមកសួរសុខទុក្ខមនុស្សចាស់នៅក្នុងមណ្ឌល និងធ្វើឱ្យពួកគាត់មានភាពញញឹមរីករាយ។
សម្រាប់ប្រាក់ខែវិញ គឺខោទឹកនោម និងទឹកម្សៅទឹកដោះគោ។
កុមារដែលចូលមកមណ្ឌលស្ថិតនៅក្នុងទីក្រុង Kitakyushu ត្រូវតែមានអាយុក្រោម ៤ឆ្នាំ ហើយអាណាព្យាបាលរបស់ពួកគេត្រូវចុះហត្ថលេខាលើកិច្ចសន្យាដែលចែងថា កុមារតូចៗអាចបង្ហាញខ្លួនដើម្បីបំពេញការងារនៅពេលពួកគេមានអារម្មណ៍ចូលចិត្ត។
កិច្ចសន្យាបញ្ជាក់ថា កុមារទាំងនោះត្រូវបានអនុញ្ញាតិឱ្យសម្រាកនៅពេលពួកគេខឹង ងងុយគេង ឬអាស្រ័យលើអារម្មណ៍របស់ពួកគេ។
រហូតមកដល់ពេលនេះ កុមារជាង ៣០នាក់ហើយបានចុះឈ្មោះដើម្បីបំពេញកិច្ចការផ្តល់ភាពរីករាយ និងស្នាមញញឹមដល់មនុស្សចាស់ជរាដែលភាគច្រើនស្ថិតក្នុងវ័យ ៨០ឆ្នាំ។ នេះបើយោងតាមការបញ្ជាក់របស់លោកស្រី Kimie Gondo ប្រធានមណ្ឌលមើលថែមនុស្សចាស់ជរា។
លោកស្រីថ្លែងថា «គ្រាន់តែការមើលឃើញកុមារតូចៗប៉ុណ្ណោះអាចធ្វើឱ្យអ្នកនៅមណ្ឌលរបស់យើងមានស្នាមញញឹម»។
ទំនួលខុសត្រូវរបស់កុមារដែលត្រូវបានជ្រើសរើសនឹងធ្វើការដើរជុំវិញមណ្ឌល ខណៈដែលមានការអមដំណើរដោយអាណាព្យាបាលរបស់ពួកគេ។
លោកស្រី Kimie Gondo ថ្លែងថា «កុមារទាំងអស់នៅជាមួយម្តាយរបស់ពួកគេគ្រប់ពេលវេលា។ វាដូចជាពួកគេកំពុងត្រូវបាននាំដើរលេងនៅក្នុងឧទ្យានអញ្ចឹងដែរ»។
មនុស្សចាស់ជរានៅក្នុងមណ្ឌលទំនងជាសប្បាយចិត្តនឹងការជ្រើសរើសក្មេងៗដើម្បីមកជជែកលេងជាមួយពួកគេ និងឱបពួកគាត់។
មនុស្សចាស់ម្នាក់បានថ្លែងប្រាប់ទូរទស្សន៍ក្នុងតំបន់ដូច្នេះថា «ពួកគេ (កុមារ) គួរឱ្យស្រឡាញ់ណាស់។ វាបានរម្លឹកខ្ញុំពីពេលវេលានៅពេលដែលខ្ញុំចិញ្ជឹមបីបាច់ថែរក្សា»។
រហូតមកដល់ពេលនេះ ផែនការបានផ្តល់លទ្ធផលយ៉ាងល្អប្រសើរ ដោយកុមារមួយចំនួនមានទំនាក់ទំនងល្អជាមួយនឹងមនុស្សចាស់របស់យើង។ ឥឡូវនេះ ពួកគេដូចជាចៅ និងជីដូនជីតាអញ្ចឹង៕ (យោងតាមប្រភព៖ AFP)
ចែករំលែកព័តមាននេះ