តាំងពីមុនសម័យកូវីដ រហូតមកដល់បច្ចុប្បន្ន គ្រួសាមួយមានកូនក្នុងបន្ទុករហូតដល់ទៅ៥នាក់ឃើញរើសតែអេតចាយដើម្បីដោះស្រាយជីវភាព ចំណែកកូនប្រុសស្រីក៏មិនបានចូលសាលារៀន តើអនាគតគ្រួសាមួយនេះនឹងទៅជាយ៉ាងណា?
ខេត្តបន្ទាយមានជ័យ ៖ តាំងពីមុនសម័យកូវីដ រហូតមកដល់បច្ចុប្បន្ន គ្រួសាមួយមានកូនក្នុងបន្ទុករហូតដល់ទៅ៥នាក់ឃើញរើសតែអេតចាយដើម្បីដោះស្រាយជីវភាព ចំណែកកូនប្រុសស្រីក៏មិនបានចូលសាលារៀន តើអនាគតគ្រួសាមួយនេះនឹងទៅជាយ៉ាងណា?។
គ្រួសាខាងលើ បុរសជាប្តីឈ្មោះ រស់ សារឹទ្ធ អាយុ៤៧ឆ្នាំ ប្រពន្ធឈ្មោះ ឡាយ ធី អាយុ៣៧ឆ្នាំ និងមានកូនប្រុសស្រីក្នុងបន្ទុកចំនួន៥នាក់ ក្នុងនោះស្រី៣នាក់និងប្រុស២នាក់ ដោយកូនស្រីច្បងអាយុ១៧ឆ្នាំ, កូនស្រីទី២អាយុ១៦ឆ្នាំ, កូនប្រុសទី៣ អាយុ១០ឆ្នាំ, កូនប្រុសទី៤ អាយុ៥ឆ្នាំ និងកូនស្រីទី៥ អាយុ១ខួប២ខែ។ ហើយគ្រួសារមួយនេះ ប្រកបមុខរបរដើររើសអេតចាយបានព្រឹក ខ្វះល្ងាច រស់នៅដោយបានអ្នកស្រុកឲ្យបាយម្ហូបស្ទើររៀងរាល់ថ្ងៃ។
ជួបសម្ភាសន៍ផ្ទាល់ដល់កន្លែងកើតហេតុ ក្រោមសំយ៉ាបផ្ទះអ្នកស្រុក និងមុងដាច់រហែក ស្ថិតក្នុងភូមិគីឡូម៉ែត្រលេខ៤ ស្ថិតនៅសង្កាត់ផ្សារកណ្តាល ប្តីប្រពន្ធគ្រួសានេះនិយាយឱ្យដឹងថា ពួកគាត់បានចាកចេញពីខេត្តកំពត មករស់នៅក្រុងប៉ោយប៉ែតនេះ៥ឆ្នាំមកហើយ ដោយសារជីវភាពគ្រួសាក្រីក្រ គ្មានដើមទុនបង្កើតមុខរបរ ក៏នាំគ្នារើសអេតចាយលក់រហូតមកដល់បច្ចុប្បន្ននេះ។
ប្តីប្រពន្ធខាងលើបន្តថា របរដើររើសអេតចាយពីមុនអាចរករើសបានលក់ដោះស្រាយជីវភាពប៉ុន្តែមួយរយៈចុងក្រោយនេះ ដោយសារវិបត្តិកូវីដ អ្នកគ្មានការងារធ្វើច្រើន ស្រាប់តែកើនចំនួនអ្នករើសអេតចាយធ្វើឲ្យពួកគាត់រករើសមិនសូវបាន ហើយជីវភាពក៏កាន់តែលំបាក ខណៈកូនៗក៏កាន់តែធំមិនបានរៀនសូត្រនឹងគេទេ។
គ្រួសាដដែលនេះបាននិយាយបន្តថា ហើយគ្រួសារគាត់មិនដែលបានទទួលអំណោយគ្រឿងឧបភោគ និងបរិភោគពីអាជ្ញាធរទេ ប៉ុន្តែកន្លងមក បានទទួលម៉ូតូម៉ាកវ៉េវ១គ្រឿងពីលោកអភិបាលក្រុងប៉ោយប៉ែត ដើម្បីសណ្តោងរ៉ឺម៉កដឹកកូនៗរករើសអេតចាយដោះស្រាយជីវភាព។
តាមការលើកឡើងផ្ទាល់មាត់ពីគ្រួសាមួយនេះ និយាយថា ម្សិលមិញ រករើសអេតចាយ១ថ្ងៃបានប្រាក់៨០០០រៀល ហើយគ្រាន់តែចាក់សាំងជាង៥០០០រៀល នៅសល់តែប្រាក់៣០០០រៀលតែប៉ុណ្ណោះ ប៉ុន្តែបានអ្នកស្រុក១គ្រួសារឲ្យអង្ករ១ថង់ប្រហែល១០កំប៉ុងទុកដាំបាយហូប និងគ្រួសារ១ទៀតឲ្យម្ហូបផងដែរ។
គ្រួសារកំសត់ខាងលើ ទទួចចង់បានដីសង់ផ្ទះរស់នៅ និងសំណូមពរដល់សប្បុរសជនទាំងក្នុង និងក្រៅប្រទេស មេត្តាជួយផង ព្រោះចង់ឲ្យកូនៗបានចូលសាលា ក្រែងមានអនាគតនឹងគេ៕
ចែករំលែកព័តមាននេះ