ដើម្បីថែរក្សាទ្វារមាសឲ្យមានសុខភាពល្អ ការពារពីការឆ្លងមេរោគ និងជំងឺដូចជាជំងឺមហារីក និងដុះដុំសាច់ទ្វារមាស រួមទាំងជៀសវាងការរលាកផ្សេងៗ អ្នកចាំបាច់ត្រូវបរិភោគអាហារមួយចំនួនដែលអាចថែរក្សា
ដើម្បីថែរក្សាទ្វារមាសឲ្យមានសុខភាពល្អ ការពារពីការឆ្លងមេរោគ និងជំងឺដូចជាជំងឺមហារីក និងដុះដុំសាច់ទ្វារមាស រួមទាំងជៀសវាងការរលាកផ្សេងៗ អ្នកចាំបាច់ត្រូវបរិភោគអាហារមួយចំនួនដែលអាចថែរក្សាសុខភាពប្រដាប់ភេទបានល្អ ។ សេចក្តីខាងក្រោមនឹងប្រាប់អ្នកអំពីអាហារមួយចំនួនដែលអាចជួយដល់សុខភាពផ្លូវភេទរបស់អ្នក ៖
១-តែបៃតង ៖ ដើម្បីទប់ស្កាត់ការឆ្លងមេរោគលើផ្លូវបង្ហូរនោម អ្នកអាចទទួលទានតែបៃតង និងទឹក cranberry ។ វាជួយកម្ចាត់បាក់តេរីដែលបង្កឱ្យមានការឆ្លងមេរោគនៅជាប់នឹងជញ្ជាំងផ្លូវបង្ហូរនោម។ វាថែមទាំងអាចជួយលាងសម្អាតបាក់តេរី និងមិនឲ្យមានការឆ្លងមេរោគដល់ទ្វារមាសថែមទៀតផង ។
២-ប្រូបៃអូតិក ៖ ទ្វារមាសផ្ទុកទៅដោយបាក់តេរីដែលល្អមួយចំនួនអាចជួយថែរក្សាសុខភាពរបស់ទ្វារមាសតាមរយៈការរក្សាកម្រិត pH ។ បាក់តេរីល្អទាំងនេះអាចបាត់បង់នៅពេលដែលស្ត្រីនោះមានជំងឺទឹកនោមផ្អែម អតុល្យភាពអ័រម៉ូន ។ល។ ដើម្បីរក្សាតុល្យភាពនេះ ស្ត្រីគួរបរិភោគអាហារប្រភេទប្របៃអូតិកដូចជាយ៉ាអួរ ។ វាអាចជួយទប់ស្កាត់ការឆ្លងមេរោគផ្សិតបាន ។
៣-អាហារដែលធ្វើឡើងពីសណ្តែកសៀង ៖ ស្ត្រីជាច្រើនមានបញ្ហាស្ងួតទ្វារមាស ។ វាអាចកើតឡើងដោយសារតែអ័រម៉ូនអឺស្ត្រូសែនមានកម្រិតទាប ដែលអ័រម៉ូននេះទទួលខុសត្រូវក្នុងការធ្វើឲ្យទ្វារមាសមានភាពយឺត និងមានទឹករំអិល។ ការប្រើប្រាស់ថ្នាំមួយចំនួន ការមានផ្ទៃពោះ ការអស់រដូវជាដើមអាចបង្កឱ្យមានអាការៈស្ងួតទ្វារមាស ។
អាហារដែលធ្វើឡើងពីសណ្តែកសៀង និងអាហារដែលសម្បូរទៅដោយអ័រម៉ូនអឺស្ត្រូសែនអាចជួយទប់ស្កាត់ការស្ងួតទ្វារមាសបាន ។
៤-ផ្លែប៉ោម ៖ ប្រសិនបើអ្នកចង់បង្កើនថាមពលក្នុងអំឡុងពេលរួមភេទ ចូរបរិភោគផ្លែប៉ោមជារៀងរាល់ថ្ងៃ ។ វាត្រូវបានគេរកឃើញថា មានផ្ទុកសារធាតុមួយចំនួនដែលបង្កើនលំហូរឈាមទៅតំបន់ទ្វារមាស ដែលជួយបង្កើនជីវិតផ្លូវភេទរបស់អ្នក។ វាក៏ជួយបង្កើនទឹករំអិលក្នុងទ្វារមាស និងធ្វើឲ្យកើនឡើងនៃមុខងារផ្លូវភេទរបស់អ្នក ។
៥-អាស៊ីដខ្លាញ់អូមេហ្គា ៣ ៖ ប្រសិនបើអ្នកមានភាពឈឺចាប់ក្នុងអំឡុងពេលមានរដូវ វាកើតឡើងដោយសារតែការដាច់ជញ្ជាំងស្បូន និងការបញ្ចេញសមាសធាតុរលាកមួយចំនួនចូលទៅក្នុងលំហូរឈាម ។ ចូរបរិភោគអាហារដែលសម្បូរទៅដោយអាស៊ីតខ្លាញ់អូមេហ្គា ៣ ដូចជាត្រីជាដើម ដើម្បីបំបាត់ការឈឺចាប់ទាំងនេះ ៕
ចែករំលែកព័តមាននេះ