ប្រទេសឥណ្ឌូណេស៊ី ៖ ឥណ្ឌូណេស៊ីបានកំណត់ទិសដៅបន្ថយអតិផរណាបន្តិចម្តងៗរហូតដល់ឆ្នាំ២០២១ ដែលនឹងអាចសម្រេចតាមរយៈការត្រួតពិនិត្យយ៉ាងតឹងរ៉ឹងទៅលើតម្លៃក្នុងវិស័យស្បៀងអាហារ និងថាមពល ។ នេះបើ
ប្រទេសឥណ្ឌូណេស៊ី ៖ ឥណ្ឌូណេស៊ីបានកំណត់ទិសដៅបន្ថយអតិផរណាបន្តិចម្តងៗរហូតដល់ឆ្នាំ២០២១ ដែលនឹងអាចសម្រេចតាមរយៈការត្រួតពិនិត្យយ៉ាងតឹងរ៉ឹងទៅលើតម្លៃក្នុងវិស័យស្បៀងអាហារ និងថាមពល ។ នេះបើយោងតាមអភិបាលធនាគារកណ្តាលឥណ្ឌូណេស៊ី (BI) លោក Agus Martowardojo បានឱ្យដឹងកាលពីថ្ងៃពុធ ។
នៅក្រៅកិច្ចប្រជុំសម្របសម្រួលអត្រាអតិផរណា ដែលបានប្រារព្ធធ្វើឡើងនៅការិយាល័យ លោក Agus បានថ្លែងថា រដ្ឋាភិបាល និងធនាគារកណ្តាលបានកំណត់គោលដៅអតិផរណាក្នុងរង្វង់៣,៥%សម្រាប់ឆ្នាំ២០១៨និងឆ្នាំ២០១៩ និងក្នុងរង្វង់៣%សម្រាប់ឆ្នាំ២០២០ និង២០២១ ។
ដើម្បីឈានទៅដល់គោលដៅនេះ រដ្ឋាភិបាល និងធនាគារកណ្តាល នឹងបន្តលើកកម្ពស់ការសម្របសម្រួលរបស់ពួកគេនៅក្នុងការកំណត់តម្លៃ ព្រមទាំងការកំណត់ពេលវេលាឱ្យបានត្រឹមត្រូវ ដើម្បីអនុវត្តគោលនយោបាយនៅក្នុងវិស័យថាមពល ដើម្បីបញ្ចៀសផលប៉ះពាល់ជុំទីពីរពីការកែសម្រួលតម្លៃថាមពល ។
លោក Agus បានឱ្យដឹងថា ផលប៉ះពាល់ជុំទីពីរធ្លាប់កើតឡើងនៅក្នុងការបង្កើនថ្លៃសំបុត្រធ្វើដំណើរ ដែលជាកត្តាសំខាន់ក្នុងការបង្កឱ្យមានអតិផរណា ។
លោក Agus បានបន្ថែមថា៖«ក្រៅពីវិធានការទាំងនោះ ការអនុវត្តគោលនយោបាយអាហារដែលមានស្រាប់ នឹងមានប្រយោជន៍ដើម្បីគ្រប់គ្រងការប្រែប្រួលអតិផរណានៅក្នុងវិស័យម្ហូបអាហារជាតិ ដែលមានចាប់ពី៤ទៅ ៥%» ។
ប្រទេសឥណ្ឌូណេស៊ី អាចទទួលបាននូវអតិផរណាទាបបំផុតចំនួន៣,០២%ក្នុងរយៈពេលមួយទសវត្សរ៍កាលពីឆ្នាំមុន ដែលទាបជាងគោលដៅរបស់រដ្ឋាភិបាលបានកំណត់កាលពីដំបូងនៅក្នុងថវិកាឆ្នាំ២០១៦ ។
អតិផរណាទាបកាលពីឆ្នាំមុនបានកើតឡើងពីសមត្ថភាពរបស់រដ្ឋាភិបាលនៅក្នុងការគ្រប់គ្រងតម្លៃក្នុងវិស័យម្ហូបអាហារ ដែលធ្វើឱ្យមនុស្សជាច្រើនអាចទិញអាហារដែលមានតម្លៃសមរម្យ ៕
ចែករំលែកព័តមាននេះ