លួចទ្រព្យសម្បត្តិអ្នកស្រុកបាន២ថ្ងៃ សមត្ថកិច្ចតាមក្របួចបានមួយសម្បុក
ខេត្តបាត់ដំបង ៖ ក្រុមចោរហារយចំនួន៥នាក់ ត្រូវកម្លាំងសមត្ថកិច្ចតាមក្របួចបានកាលពីរសៀលថ្ងៃទី២៥មករា នៅឃុំសន្តិភាព ស្រុកសំពៅលូន
ខេត្តបាត់ដំបង ៖ ក្រុមចោរហារយចំនួន៥នាក់ ត្រូវកម្លាំងសមត្ថកិច្ចតាមក្របួចបានកាលពីរសៀលថ្ងៃទី២៥មករា នៅឃុំសន្តិភាព ស្រុកសំពៅលូន
ខេត្តបាត់ដំបង ៖ ក្រុមចោរហារយចំនួន៥នាក់ ត្រូវកម្លាំងសមត្ថកិច្ចតាមក្របួចបានកាលពីរសៀលថ្ងៃទី២៥មករា នៅឃុំសន្តិភាព ស្រុកសំពៅលូន បន្ទាប់ពីក្រុមនេះធ្វើសកម្មភាពលួចទ្រព្យសម្បត្តិអ្នកស្រុកបាន២ថ្ងៃ។ យោងតាមរបាយការណ៍របស់អធិការនគរបាលស្រុកសំពៅលូន បានឲ្យដឹងថា ជនសង្ស័យទាំង៥នាក់នោះ ១,ឈ្មោះ គង់ ទីណាង ភេទប្រុស អាយុ៣០ឆ្នាំ រស់នៅក្រុងសេរីសោភ័ណ ខេត្តបន្ទាយមានជ័យ ២,ឈ្មោះ សា យី ភេទប្រុស អាយុ២៩ឆ្នាំ រស់នៅខណ្ឌឬស្សីកែវ រាជធានីភ្នំពេញ ៣,ឈ្មោះ គង់ ស្រីល័ក្ខ ភេទស្រី អាយុ២៨ឆ្នាំ ៤,ឈ្មោះ គង់ ស្រីឡា ភេទស្រី អាយុ២៧ឆ្នាំ និង៥,ឈ្មោះ ជួប លេង ភេទប្រុសអាយុ១០ឆ្នាំ ពួកគេរស់នៅសង្កាត់ឃ្មួញ ខណ្ឌសែនសុខ រាជធានីភ្នំពេញ។
របាយការណ៍ដដែលបានបញ្ជាក់ថា ក្រុមនេះបានជិះរ៉ឺមកកង់បីទៅបន្លំលួចលុយ និងទូរស័ព្ទរបស់ជនរងគ្រោះឈ្មោះ ឡក សារ៉ូ ភេទប្រុសអាយុ៣៨ឆ្នាំ នៅក្បែច្រកទ្វាតំបន់(ភ្នំដី)ស្ថិតក្នុងភូមិគីឡូ១៣ ឃុំសន្តិភាព ស្រុកសំពៅលូន កាលពីថ្ងៃទី២៣ មករា។ ប៉ុន្តែក្រោយពីទទួលបានបណ្ដឹងជនរងគ្រោះ មន្ត្រីជំនាញក៏បានធ្វើការស្រាវជ្រាវរហូតតាមឃាត់ខ្លួនបានទាំងសម្បុកតែម្ដង។ នៅក្នុងកំណត់ហេតុសួរចម្លើយ ក្រោយពេលត្រូវឃាត់ខ្លួន ក្រុមចោរហារយទាំងនេះ បានសារភាពថា ពួកខ្លួនពិតជាបានលួចលុយ និងទូរស័ព្ទជនរងគ្រោះខាងលើនេះមែន។ ប៉ុន្តែរបាយការណ៍មិនបានបញ្ជាក់ថា តើក្រុមនេះលួចបានអ្វីខ្លះនោះទេ តែបាននិយាយថា មានវត្ថុតាងមួយចំនួនត្រូវបានដកហូត។
លោក ជេត វណ្ណនី ស្នងការរងខេត្តបានឲ្យដឹងដែរថា វត្ថុតាងដែលសមត្ថកិច្ចដកហូតពីក្រុមជនសង្ស័យនៅពេលឃាត់ខ្លួនមានដូចជា លុយចំនួន១,៥លានរៀល ទូរស័ព្ទដៃ៤គ្រឿង ខ្សែកធ្វើពីទង់ដែង៤ខ្សែ ក្រវិល១គូ នាឡិការ២គ្រឿង និងម៉ូតូរ៉ឺម៉កកង់បី១គ្រឿង ដែលក្រុមនេះសម្រាប់ជិះធ្វើសកម្មភាព។ លោកស្នងការរងបានបញ្ជាក់ដែរថា ក្រុមចោរហារយនេះសុទ្ធតែមកពីខេត្តផ្សេងៗ ស្នាក់នៅមិនពិតប្រាកដ ហើយដើរធ្វើសកម្មភាពបទល្មើសគ្រប់ទីកន្លែង។ លោកក៏បានបញ្ជាក់ដែរថា ក្រុមនេះជាមុខសញ្ញាធ្លាប់ធ្វើសកម្មភាពនាពេលកន្លងមក លុះធ្វើលើកនេះត្រូវមន្ត្រីជំនាញកំណត់មុខសញ្ញាបាន ទើបធ្វើការស្រាវជ្រាវតាមក្របួចបានទាំងសម្បុកតែម្ដង។ បច្ចុប្បន្នមន្ត្រីជំនាញកំពុងសួរនាំជនទាំង៥នាក់នេះ ដើម្បីកសាងសំណុំរឿងបញ្ជូនទៅកាន់តុលាការហើយ៕
ចែករំលែកព័តមាននេះ