ផ្អើលឈុល ! នាំគ្នាចោមរោមមើលច្រាំងទន្លេមុខព្រះបរមរាជវាំង
រាជធានីភ្នំពេញ ៖ ហេតុការណ៍ដ៏ភ្ញាក់ផ្អើលមួយបានកើតឡើងកាលពីវេលាម៉ោង៦ និង៣០នាទីព្រឹក ថ្ងៃទី២៥ ខែមករា ឆ្នាំ២០១៧ នៅមាត់ទន្លេមុខព្រះបរមរាជវាំង …
រាជធានីភ្នំពេញ ៖ ហេតុការណ៍ដ៏ភ្ញាក់ផ្អើលមួយបានកើតឡើងកាលពីវេលាម៉ោង៦ និង៣០នាទីព្រឹក ថ្ងៃទី២៥ ខែមករា ឆ្នាំ២០១៧ នៅមាត់ទន្លេមុខព្រះបរមរាជវាំង ចំណុចក្រោយសាលសន្និសីទចតុមុខ បន្ទាប់ពីបុរសម្នាក់បានប្រទះឃើញសពបុរសម្នាក់បានអណ្ដែតមកទើរនៅមាត់ច្រាំងទន្លេ ។
ប្រភពពីសមត្ថកិច្ចនគរបាលបានឱ្យដឹងថា សពបុរសរងគ្រោះឈ្មោះ សួរ វិរៈបុត្រ អាយុ២៨ឆ្នាំ មានទីលំនៅផ្ទះលេខ៣B ផ្លូវលេខ២៧០ ភូមិ៩ សង្កាត់បឹងសាឡាង ខណ្ឌទួលគោក ។
ប្រភពឲ្យដឹងទៀតថា មុនពេលកើតហេតុប្រជាពលរដ្ឋម្នាក់បានប្រទះឃើញសាកសពអណ្តែតមកទើរនៅមាត់ច្រាំងទន្លេខាងក្រោយសន្និសីទចតុមុខ ហើយក៏រាយការណ៍ទៅសមត្ថកិច្ចមូលដ្ឋានឲ្យចុះមកមើល ទើបបង្កឲ្យមានការភ្ញាក់ផ្អើលកើតឡើងតែម្តង ។
សមត្ថកិច្ចឲ្យដឹងទៀតថា ពេលដែលទទួលបានព័ត៌មានភ្លាម កម្លាំងសមត្ថកិច្ចមូលដ្ឋានបានចុះទៅដល់ និងស្រង់សពដាក់លើគោក ដើម្បីពិនិត្យធ្វើកោសល្យវិច្ច័យ និងស្រាវជ្រាវរកសាច់ញាតិរបស់សព ។ បន្តិចក្រោយមក ក្រុមគ្រួសារបុរសរងគ្រោះមកមើល និងបានអះអាងថា ពិតជាកូន និងបងប្អូនរបស់ពួកគាត់ពិតប្រាកដមែន ដោយបានបញ្ជាក់ថា បុរសរងគ្រោះជាមនុស្សមានជម្ងឺសរសៃប្រសាទ និងបានជិះម៉ូតូចេញពីផ្ទះបាត់តាំងពីយប់ថ្ងៃ២៣ ខែមករា ឆ្នាំ២០១៧ ។ ហើយកាលពីព្រឹកថ្ងៃទី២៤ ខែមករា ម្សិលមិញរូបគាត់ក៏បានទទួលដំណឹងពីនគរបាលខណ្ឌជ្រោយចង្វារថា កូនរបស់គាត់លោតសម្លាប់ខ្លួនពីលើស្ពានជ្រោយចង្វារ ហើយបន្សល់ទុកម៉ូតូ១គ្រឿងផងដែរ ពួកគាត់ក៏ព្យាយាមតាមរកផងដែរ តែមិនបានប្រទះឃើញឡើយ ទើបតែព្រឹកនេះត្រូវបានគេប្រទះឃើញអណ្តែតមកទើរមាត់ច្រាំងទន្លេនៅចំណុចខាងលើនេះតែម្តង ។
ក្រោយពេលពិនិត្យ និងធ្វើកោសល្យវិច្ច័យរួច សមត្ថកិច្ចបញ្ជាក់ថា ជនរងគ្រោះពិតជាស្លាប់ដោយសារលង់ទឹកពិតប្រាកដមែន រួចប្រគល់សពឲ្យទៅក្រុមគ្រួសារយកទៅធ្វើបុណ្យទៅតាមប្រពៃណីនៅវត្តសំបួរមាស ស្ថិតក្នុងសង្កាត់ដង្កោ ខណ្ឌដង្កោ ៕
ចែករំលែកព័តមាននេះ