ផ្ទះ២ខ្នងត្រូវបានអគ្គិភ័យឆេះបំផ្លាញ រីឯ៣ខ្នងទៀតខូចខាតមធ្យម
ខេត្តតាកែវ ៖ យ៉ាងហោចណាស់ផ្ទះចំនួន២ខ្នងត្រូវបានអគ្គីភ័យបានឆាបឆេះទាំងស្រុងឯ៣ខ្នងទៀតបានរងការខូចខាតជាមធ្យម ខណៈដែលម្ចាស់មិននៅផ្ទះរវល់ចេញទៅក្រៅ
ខេត្តតាកែវ ៖ យ៉ាងហោចណាស់ផ្ទះចំនួន២ខ្នងត្រូវបានអគ្គីភ័យបានឆាបឆេះទាំងស្រុងឯ៣ខ្នងទៀតបានរងការខូចខាតជាមធ្យម ខណៈដែលម្ចាស់មិននៅផ្ទះរវល់ចេញទៅក្រៅ
ខេត្តតាកែវ ៖ យ៉ាងហោចណាស់ផ្ទះចំនួន២ខ្នងត្រូវបានអគ្គីភ័យបានឆាបឆេះទាំងស្រុងឯ៣ខ្នងទៀតបានរងការខូចខាតជាមធ្យម ខណៈដែលម្ចាស់មិននៅផ្ទះរវល់ចេញទៅក្រៅធ្វើបណ្ដាលឲ្យឆ្លងចរន្តអគ្គិសនី ទើបភ្លើងបានឆាបឆេះអស់ផ្ទះ និងទ្រព្យសម្បត្តិមួយចំនួនធំ តែដោយមានរថយន្តពន្លត់អគ្គីភ័យបានជួយអន្តរាគមន៍ទាន់ពេលវេលា របស់អធិការដ្ឋាននគរបាលស្រុកគីរីវង់ ទើបភ្លើងមិនបានឆាបឆេះដល់ផ្ទះផ្សេងទៀតបាន។
ហេតុការណ៍នេះបានកើតឡើងកាលពីថ្ងៃទី២៤ ខែមករា ឆ្នាំ២០១៧ វេលាម៉ោង៨ និង៣០ នាទីព្រឹក ស្ថិតនៅភូមិត្រពាំងព្រីង ឃុំគោកព្រេច ស្រុកគីរីវង់។ លោកវរសេនីទោ យុគ សារ៉ាត់ អធិការនគរបាលស្រុកគីរីវង់ បានឲ្យដឹងថា ផ្ទះដែលត្រូវភ្លើងឆាបឆេះមានចំនួន៥ខ្នង ហើយផ្ទះដែលត្រូវភ្លើងឆេះទាំងស្រុងមានចំនួន២ខ្នង ឯ៣ខ្នងទៀតភ្លើងឆេះជាមធ្យមដោយសារមានការជួយអន្តរាគមន៍ទាន់ពេលវេលាពីរថយន្តពន្លត់អគ្គិភ័យបានទាន់ពេលវេលាទើបយើងអាចសង្គ្រោះបានហើយ៣ខ្នងទៀតគ្រាន់តែភ្លើងបានឆេះអស់បន្តិចបន្តួចប៉ុណ្ណោះ តែយើងមានកាសោកស្តាយនៅពេលយើងមកសង្គ្រោះមិនទាន់ផ្ទះ២ខ្នងទៀតដែលត្រូវភ្លើងបំផ្លាញអស់ទាំងស្រុងនោះ។
លោកអធិការនគរបាលស្រុកបានបន្តទៀតថា ចំពោះម្ចាស់ផ្ទះដែលត្រូវរងកាខូចខាតទាំង៥ខ្នងនោះមាន។ ១.ផ្ទះឈ្មោះ សំ អាន ភេទប្រុស អាយុ៧៨ឆ្នាំ ត្រូវបានភ្លើងបានឆាបឆេះអស់ទាំងស្រុងនោះផ្ទះទំហំ៥ម៉ែត្រ គុណនឹង៦ម៉ែត្រ ធ្វើពីឈើប្រក់ក្បឿង ទ្រព្យដែលបាត់បង់មានលុយ២០០០ដុល្លារ មាស៣តម្លឹង ស្រូវ២០បាវ និងសម្ភារមួយចំនួនទៀត ២.ផ្ទះឈ្មោះ ឯ ឃីម ភេទស្រី អាយុ៥០ឆ្នាំ ផ្ទះត្រូវភ្លើងឆេះទាំងស្រុងមានទំហំ៣ម៉ែត្រ គុណនឹង៤ម៉ែត្រ ធ្វើពីឈើប្រក់ស័ង្កសីទ្រព្យបាត់មានឆេះស្រូវ១៥បាវ និងសម្លៀកបំពាក់មួយចំនួន។ ៣.ផ្ទះឈ្មោះ អោច ឡុង ភេទប្រុស អាយុ៦៥ឆ្នាំ ផ្ទះមានទំហំ៥ម៉ែត្រ គុណនឹង៦ម៉ែត្រ ធ្វើពីឈើប្រក់ក្បឿងបានឆេះខូចខាត៧០ភាគរយ ៤.ផ្ទះឈ្មោះ ឯ ខន ភេទស្រី អាយុ៥២ឆ្នាំ ផ្ទះទំហំ៦ម៉ែត្រ គុណនឹង៨ម៉ែត្រ ជាផ្ទះថ្មឆេះពីក្រោយ៣០ភាគរយអត់ខូចខាតទ្រព្យសម្បត្តិ ៥.ផ្ទះឈ្មោះ ហ៊យ តាំង ភេទប្រុស អាយុ៣៩ឆ្នាំ ផ្ទះទំហំ៥ម៉ែត្រ គុណ៦ម៉ែត្រ សង់ពីឈើ ប្រក់ហ្វ៊ីប្រូស៊ីម៉ង់ត៍ ខូចខាតអស់២០ភាគរយ អត់ខូចទ្រព្យសម្បត្តិអ្វីទេ។
លោកអធិការនគរបាលស្រុកបានបញ្ជាក់ថា មុនពេលកើតហេតុគេបានឃើញផ្ទះរបស់ឈ្មោះ សំ អាន បានឆ្លងចរន្តអគ្គិសនី ភ្លើងបានឆាបឆេះយ៉ាងសន្ធោសន្ធៅទៅហើយដោយផ្ទះនេះមិនមានមនុស្សទេ ទើបធ្វើឲ្យអ្នករស់នៅជិតខាងមិនអាចជួយបាន ទើបធ្វើឲ្យ២ខ្នងត្រូវភ្លើងឆេះបំផ្លាញឯ៣ខ្នងទៀតត្រូវរថយន្តពន្លត់អគ្គីភ័យជួយពន្លត់ទាន់ពេលវេលា៕
ចែករំលែកព័តមាននេះ