ហួសហេតុ ! ដើរមកសុំថើប១ខ្សឺត មិនទាន់ឆ្លើយផង ស្រាប់តែ…
រាជធានីភ្នំពេញ ៖ នារីវ័យក្មេងម្នាក់ខណៈកំពុងដើរតែម្នាក់ឯង ស្រាប់តែបុរសម្នាក់បានដើរមកតាមក្រោយហើយសុំនាងថើប១ខ្សឺត នាងមិនទាន់បានឆ្លើយផង ស្រាប់តែ …
រាជធានីភ្នំពេញ ៖ នារីវ័យក្មេងម្នាក់ខណៈកំពុងដើរតែម្នាក់ឯង ស្រាប់តែបុរសម្នាក់បានដើរមកតាមក្រោយហើយសុំនាងថើប១ខ្សឺត នាងមិនទាន់បានឆ្លើយផង ស្រាប់តែ …
រាជធានីភ្នំពេញ ៖ នារីវ័យក្មេងម្នាក់ខណៈកំពុងដើរតែម្នាក់ឯង ស្រាប់តែបុរសម្នាក់បានដើរមកតាមក្រោយហើយសុំនាងថើប១ខ្សឺត នាងមិនទាន់បានឆ្លើយផង ស្រាប់តែធ្វើសកម្មភាពឆក់យកទូរស័ព្ទដៃរបស់នាងបម្រុងរត់គេចខ្លួន តែត្រូវប្រជាពលរដ្ឋនៅម្តុំនោះដេញចាប់បានវាយឡើងទ្រម ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៩ និង៣០នាទីយប់ ថ្ងៃទី២៣ ខែមករា ឆ្នាំ២០១៧ នៅចំណុចជិតផ្សារទួលពង្រ ស្ថិតក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យឈ្មោះ ណែម សុនលី ភេទប្រុស អាយុ២៧ឆ្នាំ មុខរបជាងដែក ស្នាក់នៅផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ ។ ចំណែកនារីវ័យក្មេងរងគ្រោះឈ្មោះ ឆន ស្រីមុំ អាយុ១៧ឆ្នាំ មុខរបរកម្មការិនីរោងចក្រ ស្នាក់នៅផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ ។
នារីវ័យក្មេងរងគ្រោះបានឲ្យដឹងថា មុនពេលកើតហេតុនាងបានយកទូរស័ព្ទទៅបញ្ចូលចម្រៀងនៅក្នុងផ្សារទួលពង្រ ពេលបញ្ចូលរួចនាងក៏ដើរត្រឡប់មកបន្ទប់ជួលវិញ ខណដើរមកជិតដល់បន្ទប់ជួលស្រាប់តែបុរសម្នាក់បានដើរមកពីក្រោយហើយបានសុំនាងថើប១ខ្សឺត តែនាងមិនទាន់ទាំងបានឆ្លើយផង ស្រាប់តែបុរសរូបនោះបានធ្វើសកម្មភាពឆក់ទូរស័ព្ទដៃរបស់នាងហើយរត់ឡើងជិះម៉ូតូបម្រុងរត់គេចខ្លួន តែត្រូវនាងផ្អើលឆោឡោ ហើយប្រជាពលរដ្ឋនៅម្តុំនោះក៏នាំគ្នាដេញចាប់បានវាយឡើងទ្រមទើបប្រគល់ឲ្យសមត្ថកិច្ច ។
ក្រោយពេលកើតហេតុ ជនសង្ស័យត្រូវបានឃុំខ្លួនបណ្ដោះអាសន្ននៅប៉ុស្តិ៍នគរបាលចោមចៅ ដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ