អនិច្ចា ! បុរសម្នាក់ខណៈជិះកង់ពីមុខរថយន្ត ស្រាប់តែ…
រាជធានីភ្នំពេញ ៖ បុរសម្នាក់ខណៈជិះកង់ពីមុខរថយន្ត ស្រាប់តែរថយន្តនោះជ្រុលចង្កូតបុកផ្ទប់ជាមួយរថយន្ត១គ្រឿងដែលនៅពីមុខបណ្ដាលឲ្យរងរបួសធ្ងន់ និងស្លា.ប់ …
រាជធានីភ្នំពេញ ៖ បុរសម្នាក់ខណៈជិះកង់ពីមុខរថយន្ត ស្រាប់តែរថយន្តនោះជ្រុលចង្កូតបុកផ្ទប់ជាមួយរថយន្ត១គ្រឿងដែលនៅពីមុខបណ្ដាលឲ្យរងរបួសធ្ងន់ និងស្លាប់នៅមន្ទីរពេទ្យ ។ ហេតុការណ៍នេះកើតឡើងកាលពីវេលាម៉ោង៧យប់ ថ្ងៃទី២៣ ខែមករា ឆ្នាំ២០១៧ តាមបណ្តោយមហាវិថីព្រះនរោត្តម ចំណុចមុខក្រសួងអប់រំ យុវជន និងកីឡា ស្ថិតក្នុងសង្កាត់ជ័យជំនះ ខណ្ឌដូនពេញ ។
ប្រភពព័ត៌មានពីម្ចាស់រថយន្តកាមរីបាឡែនបានឲ្យដឹងថា មុនពេលកើតហេតុគាត់បើករថយន្តម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ 1AI-9365 តាមបណ្តោយមហាវិថីព្រះនរោត្តម ក្នុងទិសដៅពីជើងទៅត្បូង ខណៈបើកមកដល់ចំណុចកើតហេតុមានកង់មួយជិះពីមុខរថយន្តគាត់ ស្រាប់តែរថយន្ត RANGE ROVER ពណ៌ខ្មៅ ពាក់ស្លាកលេខ ភ្នំពេញ 2V-6566 បើកស្របទិសគ្នានៅពីមុខកង់កំពុងតែបើកសុខៗក៏ចាប់ហ្វ្រាំង ធ្វើឲ្យរថយន្តកាមរីបាឡែនអកហ្ស៊ឺចាប់ហ្វ្រាំងមិនទាន់ជ្រុលទៅបុករុញកង់ផ្ទប់នឹងគូទរថយន្ត RANGE ROVER បណ្តាលឲ្យអ្នកជិះកង់ដួលរងរបួសធ្ងន់ ចំណែករថយន្តបាឡែនវិញខូចខាតហើបដំបូលមុខ និងកាងមុខ រីឯរថយន្ត RANGE ROVER វិញខូចខាតតែបន្តិចបន្តួចប៉ុណ្ណោះ ភ្លាមៗនោះដែលរថយន្តសង្គ្រោះក៏បានមកដល់ដឹកយកជនរងគ្រោះយកទៅព្យាបាលនៅគ្លីនិកឯកជន ដោយសារតែសភាពជនរងគ្រោះធ្ងន់ធ្ងរពេក ក៏បញ្ចូនបន្តទៅមន្ទីរពេទ្យកាល់ម៉ែត បានបន្តិចបានដាច់ខ្យល់ស្លាប់ ។
ចំណែកអ្នកបើករថយន្ត RANGE ROVER វិញបានប្រាប់ថា គាត់មិនបានចាប់ហ្វ្រាំងនោះទេ រថយន្តបាឡែនបានបុកគូទរថយន្តគាត់ ធ្វើឲ្យរថយន្តគាត់ជ្រុលទៅប៉ះរថយន្តនៅពីមុខមួយទៀតប៉ុន្តែមិនមានខូចខាតអីធ្ងន់ធ្ងរទេ ។
ក្រោយពេលកើតហេតុ រថយន្តទាំង២គ្រឿង និងកង់ ត្រូវសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នានៅពេលក្រោយទៀត ចំណែកសពជនរងគ្រោះរង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ