ADផ្ទាំងផ្សព្វផ្សាយពាណិជ្ជកម្ម

Picture

ទូក​កាណូត​វៀតណាម​មក​ចត​ដេកចាំ​ទិញ​ស្រូវ​ខ្មែរ​​

3 ខែ មុន
  • ស្វាយរៀង

ខេត្តស្វាយរៀង ​៖ ​ឈ្មួញ​វៀតណាមនាំ​គ្នា​យក​ទូក​កាណូត​ប៉ុក​ចៃធំ​ៗ ឆ្លង​ដែន​ចូល​មក​ចត​នៅ​កំពង់​ទូក​ប្រឡាយ​ទាហាន​នៃ​ស្លាប​ច្រក​ទ្វារ​ព្រំដែន​អន្តរជាតិ​ព្រៃ​វ​ល្ល័ ដើម្បី​មក​ចាំ​ទិញ​ស្រូវពី​ប្រជា​កសិករ​ខ្មែរ ខណៈ​អាជីវករ​វៀតណាម​ខ្វះ​អង្ករ​នាំ​ចេញ​ទៅ​លក់​នៅ​ប្រទេស​ទី​៣ ។​ បើ​តាម​សមត្ថកិច្ច​ដែល​ឈរ​ជើង​នៅ​កំពង់​កាណូត​ប្រឡាយ​ទាហានបាន​ឲ្យ​ដឹង​ថា រយៈពេល​ជិត​២​ខែ​មកនេះ​ គិត​ចាប់ពី​អំឡុង​ខែកក្កដា…

ខេត្តស្វាយរៀង ​៖ ​ឈ្មួញ​វៀតណាមនាំ​គ្នា​យក​ទូក​កាណូត​ប៉ុក​ចៃធំ​ៗ ឆ្លង​ដែន​ចូល​មក​ចត​នៅ​កំពង់​ទូក​ប្រឡាយ​ទាហាន​នៃ​ស្លាប​ច្រក​ទ្វារ​ព្រំដែន​អន្តរជាតិ​ព្រៃ​វ​ល្ល័ ដើម្បី​មក​ចាំ​ទិញ​ស្រូវពី​ប្រជា​កសិករ​ខ្មែរ ខណៈ​អាជីវករ​វៀតណាម​ខ្វះ​អង្ករ​នាំ​ចេញ​ទៅ​លក់​នៅ​ប្រទេស​ទី​៣ ។​

Picture

បើ​តាម​សមត្ថកិច្ច​ដែល​ឈរ​ជើង​នៅ​កំពង់​កាណូត​ប្រឡាយ​ទាហានបាន​ឲ្យ​ដឹង​ថា រយៈពេល​ជិត​២​ខែ​មកនេះ​ គិត​ចាប់ពី​អំឡុង​ខែកក្កដា ​ដល់​ថ្ងៃ​ទី​២០ ​សីហា​ ២០២២​នេះ ក្រុម​ឈ្មួញ​វៀតណាម ខ្វះ​ស្រូវ​ផលិត​អង្ករ​នាំ​ចេញ​ទៅ​ក្រៅប្រទេស បាន​យក​ទូក​កាណូត​ប៉ុក​ចៃ​ធំ​ៗ ឆ្លង​ដែន​ចូល​មក​កម្ពុជា តាម​ច្រក​ផ្លូវទឹក ប្រឡាយ​ទាហាន ស្ថិត​នៅ​ចំណុច​ភូមិ​ព្រៃ​វ​ល្ល័ ឃុំ​ថ្មី​ស្រុក​កំពង់​រោ​ទ៍ ដើម្បី​មក​ចាំ​ទិញ​ស្រូវ ពី​ក្រុម​អាជីវករ និង​ប្រជា​កសិករ​ខ្មែរ​យើង​។​

Picture

ប្រភព​បន្ត​ថា ស្រូវ​មាន​តិចតួច​ខណៈ​ស្រូវ​វស្សា មិន​ទាន់​មាន​ទុំ​ច្រើន ចំណែក​ស្រូវ​រដូវប្រាំង​ផុត នៅ​ដើមខែ​កក្កដា ហើយ​ភាគី​ឈ្មួញ​វៀតណាម​មាន​ត​ម្រូ​ការ​ស្រូវ​ខ្ពស់​ ដើម្បី​ផលិត​អង្ករ​នាំ​ចេញ​ទៅ​ប្រទេស​ទី​៣ ទើប​ឈ្មួញ​វៀតណាម យក​ទូក​កាណូត​ឆ្លង​ដែន​ចូល​មក​ចត​ចាំ​ទិញ​ស្រូវ​ខ្មែរ​យើង ខណៈ​កន្លង​ទៅ អាជីវករ​និង​ប្រជា​កសិករ​ខ្មែរ​យើង នាំ​គ្នា​ដឹកស្រូវ​មក​លក់​នៅ​កំពង់​កាណូត​ប្រឡាយ​ទាហាន​នេះ តាម​គោ​យន្ត កាឡេ​ថង តាម​រថយន្ត​មក​ចាំ ឈ្មួញ​វៀតណាម​យក​ទូក​ចូល​មក​ទិញ​ស្រូវ​និង​ដឹកស្រូវ​ចេញ​ទៅ​ប្រទេស​វៀតណាម​ ។

Picture

ប្រភព​បន្ត​ទៀត​ថា ដោយ​ឈ្មួញ​វៀតណាម​ខ្វះ​ស្រូវ​នាំ​ចេញ​នៅ​ជាង​១​ខែ​ចុង​ក្រោយ​នេះ ស្រូវ​មាន​ទីផ្សារ តម្លៃ​ខ្ពស់ ស្រូវ​ស្ងួត ស្រូវ​អ៊ី​អ៊ែ ក្នុង​១​គីឡូក្រាម​តម្លៃ ៥,០០០​ដុ​ង​ស្មើ​៩០០​រៀល បើ​ប្រៀប​ធៀប ស្រូវ​រដូវវស្សា កន្លង​ទៅ មាន​តម្លៃ​ទាប ក្នុង​១​គីឡូក្រាម​តម្លៃ​១,៥០០​ដុ​ង​ទៅ​២,៥០០​ដុ​ង បើ​គិ​ជា​ប្រាក់​រៀល​ត្រឹម​៧០០​រៀល​ ទៅ​៧៥០​រៀល​ប៉ុណ្ណោះ​។ ប្រជាពលរដ្ឋ​បាន​លើក​ឡើង​ថា នៅ​ពេល​ស្រូវ​វស្សា បាន​ផល​ចាប់ពី​ខែតុលា ដល់​ខែវិច្ឆិកា ចាប់ផ្តើម​ច្រូតកាត់ គឺ​ឈ្មួញ​វៀតណាម ចូល​មក​ប្រមូល​ទិញ គឺ​វៀតណាម​ចាប់ផ្តើម​ទម្លាក់​តម្លៃ​ស្រូវ​ខ្មែរ មូលហេតុ ដោយ​ទីផ្សារ​ខ្មែរ​យើង​ពឹងផ្អែក​លើ​គេ​(​វៀតណាម​)​ទាំងស្រុង ។​

Picture

ហើយ​ប្រជាពលរដ្ឋ​រស់នៅ​តាម​ព្រំដែន​លើក​ឡើង​ថា ប្រសិនបើឈ្មួញ​វៀតណាម​មិន​ចូល​មក​ទិញ ស្រូវ​ទៀត គឺ​មានការ​ប្រឈម​កាន់តែ​ខ្លាំង ដូច្នេះ​ ដើម្បី​រក្សារ​ទីផ្សារ​ស្រូវ​ឲ្យ​មាន​តម្លៃទីផ្សារ​នៅ​លើ​សហគមន៍​កសិករ​ខ្មែរ ប្រជាពលរដ្ឋ​បាន​សំណូមពរ ​សូម​ឲ្យ​មន្ទីរ​​ក​សិ​ម្ម​រុក្ខា​ប្រ​មាញ់​ និង​នេសាទ​ខេត្ត ក្រសួងកសិកម្ម​រុក្ខា​ប្រ​មា​​ញ់​ និង​នេសាទ និង​ក្រសួងពាណិជ្ជកម្ម អាជ្ញាធរ​ពាក់​ព​ន្ធ័ផ្សេង​​​ទៀត​បង្កើន​ការ​ប្រមូល​ទិញ​ស្រូវ​ពី​ប្រជា​កសិករ និង​បង្កើន​ការ​ផលិត​អង្ករ​នាំ​ចេញ​ឲ្យ​បាន​ច្រើន ដើម្បី​ធានា​ទីផ្សារ​ស្រូវ​អង្ករ​ជូន​ប្រជាពលរដ្ឋ​ដែល​ជា​អ្នក​ផលិត ទទួល​បាន​នូវ​ជីវភាព​ល្អ​ប្រសើរ មិន​ខាត់​ធន់ជំពាក់​​ធនាគារ​ ៕​

Picture
Picture
Picture
Picture
Picture
Picture
Picture