មន្ត្រីរាជការម្នាក់ត្រូវចាប់បញ្ជូនទៅតុលាការ រឿងស៊ីដាច់៣ម៉ឺនដុល្លារ យកទៅរត់ការចូលក្របខណ្ឌប៉ូលិស
- ភ្នំពេញ
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីថ្ងៃទី១៨ ខែ
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីថ្ងៃទី១៨ ខែ
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីថ្ងៃទី១៨ ខែសីហា ឆ្នាំ២០២២ បានបញ្ជូ នបុគ្គលជាមន្ត្រីរាជការម្នាក់ទៅសាលាដំបូងរាជធានីភ្នំពេញ ពាក់ព័ន្ធស៊ីដាច់ប្រាក់អ្នកដ៏ទៃចំនួន៣ម៉ឺនដុល្លារអាមេរិក ដើម្បីយកទៅរត់ការចូលក្របខណ្ឌនគរបាលជាតិ ។
ជនសង្ស័យមានឈ្មោះ ចាន់ សំមុនី ភេទប្រុស អាយុ៣៣ ឆ្នាំ ជាមន្ត្រីរាជការបម្រើការងារនៅក្រសួងមួយ ស្នាក់នៅផ្ទះលេខ៣៨Eo ផ្លូវលេខ១៥៨ សង្កាត់ជ័យជំនះ ខណ្ឌដូនពេញ រាជធានីភ្នំពេញ ។ ជនសង្ស័យត្រូវបានសមត្តកិច្ចឃាត់ខ្លួនតាមដីកាបញ្ជាឲ្យចូលខ្លួនរបស់លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដើម្បីសាកសួរពីដំណើររឿង ឆបោក និង សមគំនិតក្នុងអំពើ មិនបំពេញកាតព្វ កិច្ចចំពោះឧបករណ៍អាចជួញដូរបាន ។
ករណីខាងលើនេះផ្តើមចេញពីជនសង្ស័យបានទទួលយកប្រាក់អ្នកដ៏ទៃ ប្រមាណ៣ ម៉ឺនដុល្លារអាមេរិក ថាយកទៅរត់ការដើម្បីចូលក្របខណ្ឌនគរបាលជាតិ ប៉ុន្តែនៅពេលយកប្រាក់ទៅធ្វើការបែជាមិនបានជោគជ័យ ទើបត្រូវម្ចាស់ប្រាក់គេប្តឹងឲ្យសមត្តកិច្ចចាប់ខ្លួន ។
យ៉ាងណាក្តីបើតាមចម្លើយសារភាពរបស់ជនសង្ស័យនៅសមត្តកិច្ចថា ខ្លួនគ្រាន់ តែជាសាក្សីដឹងឮ នឹងនាំដើមបណ្តឹងទៅជួបស្ត្រីម្នាក់ទៀត ឲ្យជួយរត់ការក្នុងរឿងនេះទេ លុយកាក់ស្ត្រីនោះក៏ជាអ្នកទទួលដែរ ដូច្នេះគួតែឲ្យគេរួចផុតពីការចោទប្រកាន់វិញ ។
នៅថ្ងៃទី១៩ ខែសីហា សំណុំរឿងនេះត្រូវបានតំណាងអយ្យការធ្វើការចោទប្រកាន់ជាផ្លូវការ នឹងបានចាត់បញ្ជូនទៅខាងចៅក្រមស៊ើបសួរ ដើម្បីសម្រេចឃុំខ្លួន ឬមិនឃុំខ្លួនជនសង្ស័យនោះជាឆន្ទានុសិទ្ធិរបស់ចៅក្រម ៕
ចែករំលែកព័តមាននេះ