លោកស្រី អង់សាន ស៊ូជី ត្រូវតុលាការកាត់ទោសឱ្យជាប់គុក៦ឆ្នាំបន្ថែមទៀត ពីបទពុករលួយ
មីយ៉ាន់ម៉ា ៖ តុលាការមីយ៉ាន់ម៉ា កាលពីថ្ងៃចន្ទ ទី ១៥ សីហាម្សិលមិញនេះ បានកាត់ទោសលោកស្រី អ៊ុ
មីយ៉ាន់ម៉ា ៖ តុលាការមីយ៉ាន់ម៉ា កាលពីថ្ងៃចន្ទ ទី ១៥ សីហាម្សិលមិញនេះ បានកាត់ទោសលោកស្រី អ៊ុ
មីយ៉ាន់ម៉ា ៖ តុលាការមីយ៉ាន់ម៉ា កាលពីថ្ងៃចន្ទ ទី ១៥ សីហាម្សិលមិញនេះ បានកាត់ទោសលោកស្រី អ៊ុង សាន ស៊ូជី (Aung San Suu Kyi) ឲ្យជាប់គុករយៈពេល ៦ឆ្នាំទៀតពីបទពុករលួយ។ នេះបើយោងតាមការចុះផ្សាយរបស់ CNN នៅថ្ងៃអង្គារ ទី ១៦ សីហានេះ។
សាលក្រមចុងក្រោយនៅក្នុងការកាត់ក្តីលោកស្រីជាច្រើនដងរួចមកហើយបានធ្វើម្ចាស់ពានរង្វាន់សន្តិភាពណូបែលរូបនេះមានទោសសរុប ១៧ឆ្នាំ ហើយវាកើតឡើងខណៈដែលបេសកជនពិសេសរបស់អង្គការសហប្រជាជាតិទទួលបន្ទុកមីយ៉ានម៉ា បានធ្វើដំណើរជាលើកដំបូងទៅកាន់ប្រទេសនេះដើម្បីដោះស្រាយស្ថានភាពសិទ្ធិមនុស្ស។
លោកស្រី អង់សាន ស៊ូជី ដែលមានវ័យ ៧៧ឆ្នាំ ត្រូវបានរកឃើញថាមានពិរុទ្ធពីបទល្មើសជាច្រើនដូចជាអំពើពុករលួយ និងការរំលោ.ភច្បាប់ឆ្នោតជាដើម។
នៅថ្ងៃចន្ទម្សិលមិញ លោកស្រីត្រូវបានរកឃើញមានទោសពីបទប្រើប្រាស់មូលនិធិមិនបានត្រឹមត្រូវ និងជួលដីរបស់រដ្ឋាភិបាលក្នុងតម្លៃបញ្ចុះតម្លៃ។
លោកស្រីបានបដិសេធរាល់ការចោទប្រកាន់ទាំងអស់។ បច្ចុប្បន្នគាត់កំពុងត្រូវបានឃុំខ្លួននៅឯពន្ធនាគារក្នុងរដ្ឋធានី Naypyitaw។
ក្រុមសិទ្ធិមនុស្សអន្តរជាតិ និងមេដឹកនាំពិភពលោកបានសម្តែងការព្រួយបារម្ភអំពីស្ថានភាពសិទ្ធិមនុស្សកាន់តែយ៉ាប់យ៉ឺននៅក្នុងប្រទេសមីយ៉ាន់ម៉ា ហើយបានច្រានចោលការកាត់ក្តីដែលកំពុងបន្តប្រឆាំងនឹងលោកស្រី ស៊ូជី ដោយហៅការកាត់ក្តីនោះថាជាភាពអយុត្តិធម៌៕ (យោងតាមប្រភព៖ CNN)
ចែករំលែកព័តមាននេះ