ADផ្ទាំងផ្សព្វផ្សាយពាណិជ្ជកម្ម

Picture

បេក្ខជន​៦​រូប ក្នុង​នោះ​មាន​ដុក​ទ័​រ​រូប​សង្ហារ ស៊ឹ​ម ច័ន្ទ​ពន្លឺ ជាប់​ទៅ​វគ្គ​បន្ត ខណៈ​បេក្ខជន​៣​រូប​ត្រូវ​ចាកចេញ

1 ខែ មុន
  • ភ្នំពេញ

ក្រោយ​ការ​ប្រកួតប្រជែង​យ៉ាង​ស្វិត​ស្វាយ​កាលពី​រាត្រី​ថ្ងៃ​ទី​១៤ ខែសីហា ឆ្នាំ​២០២២ នៃ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក Cambodian idol រដូវ​កាល​ទី​៤ ក្នុង​ស​ប្ដា​ហ៍​ទី​៥​នេះ បេក្ខជន​៦​រូប​

រាជធានី​ភ្នំពេញ ៖ ក្រោយ​ការ​ប្រកួតប្រជែង​យ៉ាង​ស្វិត​ស្វាយ​កាលពី​រាត្រី​ថ្ងៃ​ទី​១៤ ខែសីហា ឆ្នាំ​២០២២ នៃ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក Cambodian idol រដូវ​កាល​ទី​៤ ក្នុង​ស​ប្ដា​ហ៍​ទី​៥​នេះ បេក្ខជន​៦​រូប​ទទួល​បានការ​គាំទ្រ​យ៉ាង​ខ្លាំងក្លា​ពី​សំណាក់​ប្រិ​យ​មិត្ត​អ្នកគាំទ្រ ដោយ​ក្នុង​នោះ​ប្រាកដ​ណាស់ គឺ​បេក្ខជន​ដែល​មាន​ទឹកដម​សម្លេង​ពីរោះ​រណ្តំ គឺ​បេក្ខជន លី​ម តិច​ម៉េ​ង និង​ដុក​ទ័​រ​រូប​សង្ហារ ស៊ឹ​ម ច័ន្ទ​ពន្លឺ បាន​ជាប់​ទៅ​វគ្គ​បន្ត​ខាង​មុខ​។

Picture

ជា​ការ​ពិត​ណាស់នា​រាត្រី​ថ្ងៃ​ទី​១៤ ខែសីហា ឆ្នាំ​២០២២​នេះ ទស្ស​និ​ជន​ក៏​ដូច​ជា អ្នកគាំទ្រ​ដែល​តែងតែ​តាមដាន​រៀងរាល់ថ្ងៃ​អាទិត្យ នៅ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក​Cambodian idol រដូវ​កាល​ទី​៤ ក្នុង​ស​ប្ដា​ហ៍​ទី​៥ នេះ បាន​ទស្សនា​យ៉ាង​ជក់ចិត្ត ព្រោះ​ជា​វគ្គ​ដែល​បេក្ខជន​មាន​សមត្ថភាព​លេចធ្លោ​រៀង​ៗ​ខ្លួន​ចំនួន​៩​រូប ឡើង​ទៅ​បង្ហាញ​សមត្ថភាព​លើ​ឆាក​ប្រឡង​ចម្រៀង ដើម្បី​ឆក់​យក​បេះដូង​អ្នកគាំទ្រ​អោយ​ផ្ញើ​សារ​ជូន​ពួក​គេ ដើម្បី​បន្ត​ទៅ​វគ្គ​ខាង​មុខ​។

មុន​ឈាន​ទៅ​លម្អិត​អំពី​បេក្ខជន​ទាំង​៦​រូប​ដែល​បាន​ជាប់​ទៅ​វគ្គ​បន្ត ខ្ញុំបាទ​ក៏​សូម​ជម្រាប​ជូន​ថា កាល​ពី​រាត្រី​យប់មិញ​នេះ ជាស​ប្ដា​ហ៍​ដ៏​អស្ចារ្យ​បំផុត​នៃ​កម្មវិធី​ប្រឡង​ចម្រៀង​លំដាប់ថ្នាក់​ពិភពលោក Cambodian Idol រដូវ​កាល​ទី​៤ ក្នុង​ស​ប្ដា​ហ៍​ទី​៥ ដែល​ទទួល​បានការ​គាំទ្រ​យ៉ាង​ខ្លាំងក្លា​ពី​សំណាក់​មហា​ជន​ដែល​បាន​អញ្ជើញ​ទៅ​ទស្សនា​ផ្ទាល់ ក៏​ដូច​ជាតា​មរយៈ​ការ live តាម​លើ​បណ្តាញ​សង្គម​ហ្វេ​ស​ប៊ុ​ក គឺ​មាន​អ្នក​ទស្សនា​រហូត​ដល់​ជាង​មួយ​សែន​នាក់ ដែល​ជា​ចំនួន​ដ៏​ច្រើន​សន្ធឹកសន្ធាប់ សម្រាប់​ការ​គាំទ្រ​ទៅ​លើ​កម្មវិធី និង​បេក្ខជន​នីមួយ​ៗ​។

Picture

ក្នុង​ស​ប្ដា​ហ៍​ទី​៥​នេះ​ដែរ ជាស​ប្ដា​ហ៍​ដ៏​រំជួលចិត្ត​មែនទែន ដោយ​បេក្ខជន​៦​រូប ត្រូវ​ឡើង​ទៅ​កាន់​វគ្គ​បន្ត​ទៀត រីឯ​បេក្ខជន​៣​រូប​ទៀត​ត្រូវ​ចាក​ចេញពី​កម្មវិធី​ទាំង​អាឡោះអាល័យ លា​អ្នកគាំទ្រ​ទូ​ទាំង​ប្រទេស និង​គណៈកម្មការ​ទាំង​៤​រូប​ទាំង​ទឹកភ្នែក​ហូរ​រហាម​ផង​ដែរ ។ ចំពោះ​បេក្ខជន​ដែល​ទទួល​បាន​សំឡេង​គាំទ្រ​ច្រើន​លើសលប់​ដូច​ទឹកបាក់​ទំនប់ ដែល​អាច​ឆ្ពោះទៅ​កាន់​វគ្គ​បន្ត​នោះ រួម​មាន ៖ បេក្ខជន លី​ម តិច​ម៉េ​ង បុរស​សង្ហារ​មក​ពី​ខេត្តកំពង់ចាម ដែល​តែងតែ​ផ្តល់​នូវ​ស្នាមញញឹម​ដ៏​ស្រស់ បន្ទាប់​មក​គឺ​បេក្ខជន ថុ​ល សុ​ភិ​ទិ បេក្ខជន​នាង ដា​វី​ន លោក​ដុក​ទ័​រ​រូប​សង្ហារ ស៊ឹ​ម ច័ន្ទ​ពន្លឺ បេក្ខជន ណា​ន វី​សារ និង​បេ​ក្ខ​នារី​ចុង​ក្រោយ​ឈ្មោះ មាស នី​តា​។

ដោយឡែក អ្វី​ដែល​ធ្វើ​អោយ​មហាជន​អ្នកគាំទ្រ​ក៏​ដូច​ជា គណៈកម្មការ​រំជួលចិត្ត​នោះ បេក្ខជន​ពោរពេញ​ដោយ​សមត្ថភាព​មិនធម្មតា​ទាំង​៣​រូប នឹង​ត្រូវ​ចាក​ចេ​ញេ​ពី​កម្មវិធី​ទាំង​ទឹកភ្នែក ដែល​ទទួល​បាន​សារ​គាំទ្រ​តិច​ជាងគេ​ពី​ទស្ស​និ​ជន ដោយ​ក្នុង​នោះ​មាន​ដូច​ជា បេក្ខជន ផា​ន គី​ម​សុង បេក្ខជន ឡា​ច ណុ​ច និង​បេក្ខជន លី ប៊ី​លី ផង​ដែរ ។ ចំពោះ​ការ​ចាកចេញ​របស់​ពួក​គេ បាន​ធ្វើ​អោយ​មហាជន ក៏​ដូច​ជា​គណៈកម្មការ​មានការ​សោកស្ដាយ​ចំពោះ​សមត្ថភាព​របស់​ពួក​គេ​ជា​ខ្លាំង តែ​ទោះជា​យ៉ាងណា ក៏​មិន​អាច​ប្រកែក​បាន​ដោយសារ​នេះ​ជា​លក្ខខណ្ឌ​របស់​កម្មវិធី​និង​ជា​ការ​សម្រេចចិត្ត​ពី​ទស្ស​និ​ជន​អ្នកគាំទ្រ មិន​ដែល​ស្ថិត​លើ​គណៈកម្មការ​ទាំង​៤​រូប ឬ​កម្មវិធី​ឡើយ ។

Picture

សូម​ជម្រាប​ជូន​ថា ក្នុង​រាត្រី​ដ៏​អស្ចារ្យ​យប់មិញ​នេះ​ដែរ កម្មវិធី​ប្រឡង​ចម្រៀង​លំដាប់ថ្នាក់​ពិភពលោក Cambodian Idol រដូវ​កាល​ទី​៤ ក្នុង​ស​ប្ដា​ហ៍​ទី​៥​នេះ បាន​តម្រូវ​អោយ​បេក្ខជន​ទាំងអស់​លើកយក​បទ​ចម្រៀង​បែប​មនោសញ្ចេតនា​ស្នេហា និង​ក​ន្ត្រឹ​ម​មក​បកស្រាយ ក្នុង​ការ​បង្ហាញ​សមត្ថភាព​រៀង​ៗ​ខ្លួន លើ​ឆាក​ចម្រៀង​លំដាប់ថ្នាក់​ពិភពលោក​។

Picture
Picture
Picture
Picture
Picture
Picture
Picture
Picture
Picture