យុវជនមួយក្រុមចេញពីផឹកស៊ី រួចដឹកស្រីម្នាក់ត្រឡប់មកផ្ទះវិញ ក៏ស្រាប់តែត្រូវបានក្មេងស្ទាវមួយក្រុមទៀតនាំគ្នាដេញស្ទាក់វា.យធ្វើឱ្យផ្អើលអស់ប្រជាពលរដ្ឋ និង
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនមួយក្រុមចេញពីផឹកស៊ី រួចដឹកស្រីម្នាក់ត្រឡប់មកផ្ទះវិញ ក៏ស្រាប់តែត្រូវបានក្មេងស្ទាវមួយក្រុមទៀតនាំគ្នាដេញស្ទាក់វា.យធ្វើឱ្យផ្អើលអស់ប្រជាពលរដ្ឋ និងសមត្ថកិច្ចចុះទៅអន្តរាគមន៍ឃាត់ខ្លួនទាំងសង្ខាង យកទៅសួរនាំនៅប៉ុស្តិ៍ភ្លាមៗផងដែរ កាលពីវេលាម៉ោង៨និង៣០នាទីយប់ ថ្ងៃទី១៤ ខែសីហា ឆ្នាំ២០២២ នៅចំណុចភូមិត្រពាំងទា ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ ។
សេចក្តីរាយការណ៍បន្តថា ម៉ូតូរងគ្រោះខាងលើ ទី១- ម៉ាកហុងដាឌ្រីម ស៊េរី២០១៥ ពណ៌ខ្មៅ ពាក់ស្លាកលេខ ត្បួងឃ្មុំ1E-8305 មិនមានរងការខូចខាតទេ, ម៉ូតូទី២- ម៉ាកហុងដាឌ្រីម ស៊េរី២០២២ ពណ៌ខ្មៅ ពាក់ស្លាកលេខ ភ្នំពេញ1JA-4474 រងការខូចខាតខ្ទេចផ្នែកខាងមុខ, ម៉ូតូទី៣- ម៉ាកហុងដាឌ្រីម ស៊េរី២០២២ ពណ៌ខ្មៅ ពាក់ស្លាកលេខ ភ្នំពេញ1JP-0462 រងការខូចខាតខ្ទេចផ្នែកខាងមុខដូចគ្នា។ ចំណែកខាងម៉ូតូជនបង្ក ដោយមិនបានចាំស្លាកលេខ និងស៊េរីទេ ព្រោះនាំគ្នាជិះរត់គេចខ្លួនបាត់ស្រមោលអស់ទៅហើយ។
បើតាមប្រភពព័ត៌មានបញ្ជាក់ពីក្រុមជនរងគ្រោះបាននិយាយប្រាប់ឱ្យថា នៅមុនពេលកើតហេតុ ពួកគាត់បាននាំគ្នាចេញពីផឹកស៊ីនៅខ្យូសមួយកន្លែង ម្ដុំផ្លូវរថភ្លើង ស្ថិតនៅសង្កាត់សំរោងក្រោម បន្ទាប់មកក៏នាំគ្នាជិះម៉ូតូដឹកស្រីម្នាក់ដែលបំរើការនៅខ្យូសជួននាងត្រឡប់មកផ្ទះវិញ ក្នុងនោះមានម៉ូតូចំនួន៣គ្រឿង (១- ម៉ាកហុងដាឌ្រីម ស៊េរី២០១៥ ២- ម៉ាកហុងដាឌ្រីមស៊េរី២០២២ និងទី៣- ម៉ាកហុងដាឌ្រីម ស៊េរី២០២២) មានគ្នាចំនួន៦នាក់ ក្នុងនោះស្រីម្នាក់ប្រុស៥នាក់ ។
ក្រុមជនរងគ្រោះបន្តថា ខណៈពេលកំពុងតែជិះមកតាមបណ្ដោយវិថីឈ្នះឈ្នះ ពីជើងទៅត្បួង សុខៗ ស្រាប់តែលេចមុខក្មេងស្ទាវ២នាក់ ជិះម៉ូតូមួយគ្រឿង ដោយមិនចាំម៉ាក និងស្លាកលេខ បានធ្វើសកម្មភាពវា.យទៅលើក្រុមគាត់ម្នាក់ដែលជិះនៅខាងក្រោយគេ ហើយក្មេងស្ទាវនោះក៏ជិះម៉ូតូរត់ភ្លាមៗនោះដែរ ។
ប្រភពដដែលបន្តថា បន្ទាប់មកខាងក្រុមគាត់ (ជនរងគ្រោះ) ក៏បានជិះម៉ូតូនាំគ្នាដេញតាមវា.យវិញ ដោយចេញពីផ្លូវធំចូលមកផ្លូវបេតុង ផុតពីវិថីឈ្នះឈ្នះជាង១០០ម៉ែត្រ ពេលនេះក្មេងស្ទាវក៏បានឈប់ម៉ូតូចុះមក ដោយមានគ្នាគ្នីជាច្រើនដូចហ្វូងគោ ប្រដាប់ទៅដោយដំបងដែកនិងដំបងឈើ ព្រួតមកវា.យទៅលើក្រុមគាត់ (ជនរងគ្រោះ) ដែលមានគ្នា៥នាក់ បណ្ដាលឲ្យអ្នកខ្លះរបួសដៃ ខ្លះទៀតរងរបួសជើង បន្ទាប់មកផ្អើលប្រជាពលរដ្ឋទាក់ទងប្ដឹងទៅសមត្ថកិច្ចមូលដ្ឋានភ្លាមៗនោះ ចំណែកខាងបក្សពួកជនបង្កក៏បាននាំគ្នារត់គេចខ្លួនបាត់ស្រមោលអស់ពីកន្លែងកើតហេតុទៅ។ ស្របពេលនោះ ខាងជនរងគ្រោះបានយកមួកសុវត្ថិភាពវា.យច្រឡំទៅលើបុរសម្នាក់ ព្រោះស្មានថាជាអ្នកបង្ក បណ្ដាលឲ្យមានរឿងរ៉ាវមួយបន្ថែមទៀត បន្ទាប់មកខាងសមត្ថកិច្ចក៏បានឃាត់ខ្លួនអ្នកទាំង២យកទៅសួរនាំនៅប៉ុស្តិ៍តែម្តង។
ក្រោយពេលកើតហេតុ បន្ទាប់ពីសមត្ថកិច្ចសួរនាំទៅលើខាងជនរងគ្រោះ រកមុខអ្នកបង្កមិនឃើញ ហើយជនរងគ្រោះមិនដាក់ពាក្យបណ្ដឹងទៀត ខាងសមត្ថកិច្ចក៏បានធ្វើលិខិតព្រមព្រៀងអោយភាគីរងគ្រោះទាំង២នាក់ ដែលត្រូវបានជនសង្ស័យវា.យ និងអ្នកវា.យច្រឡំអោយត្រឡប់ទៅផ្ទះវិញរៀងៗខ្លួនអស់ទៅ៕
ចែករំលែកព័តមាននេះ