គ្រប់គ្នាដឹងហើយថា ពេជ្រ សោភា ជាអ្នកកាន់គ្រីស្ទាន២៥ឆ្នាំ ដោយសារតែ នាងត្រងត្រាប់ក្នុងគ្រួសារពេញមួយផ្ទះ តាំងពីជំនាន់មិនទាន់ល្បីឈ្មោះ។ កន្លងមក ចេះតែលេចឮថា
រាជធានីភ្នំពេញ ៖ គ្រប់គ្នាដឹងហើយថា ពេជ្រ សោភា ជាអ្នកកាន់គ្រីស្ទាន២៥ឆ្នាំ ដោយសារតែ នាងត្រងត្រាប់ក្នុងគ្រួសារពេញមួយផ្ទះ តាំងពីជំនាន់មិនទាន់ល្បីឈ្មោះ។ កន្លងមក ចេះតែលេចឮថា នាងកម្រចែកការស្រឡាញ់អោយអ្នកធ្លាប់អត់ដូចនាង ។ ប៉ុន្តែសោភា ក៏ធ្លាប់បញ្ជាក់ថា នាងបានចុះចែកអំណោយ មនុស្សធម៌រាប់ភ្លេចមកហើយ។
ហើយនៅពេលនេះ នាងបានប្រាប់មូលហេតុធ្វើសប្បុរសធម៌មិនចង់អួតចែកចាយលើបណ្ដាញសង្គម។ ពិតណាស់សម្រាប់ហ្វេនៗ ពេជ្រ សោភា សុទ្ឋតែដឹងថា អាយដលខ្លួនធ្លាប់ បង្ហាញទឹកចិត្តសប្បុរសធម៌ជាច្រើនមកហើយ ដូចជា ៖ សាងសង់សាលារៀននៅតំបន់ដាច់ស្រយ៉ាល, ជីកអណ្ដូងទឹក និងជីកស្រះដើម្បីឲ្យពលរដ្ឋបានប្រើប្រាស់ទឹកនៅតំបន់ជាប់ទល់ដែនវៀតណាមជាដើម ដែលចំណាយលុយអស់ជាច្រើនម៉ឺនដុល្លារ ។ ពេលខ្លះ ក៏កម្រនឹងឃើញមានការចែកចាយនៅលើបណ្ដាញសង្គមដូចគេទៅវិញ។
កាលពីថ្ងៃទី១២ ខែសីហា ឆ្នាំ២០២២ កន្លងមកនេះ សោភា បែរជាលេចមុខនៅកម្មវិធីមួយដែលមានឈ្មោះថា «សន្និបាតស្រី្ដគ្រីស្ទានខ្មែរ» ដែលជាកម្មវិធីរបស់ព្រះវិហារជីវិតថ្មីភ្នំពេញ (គ្រីស្ទាន) ស្ថិតនៅសង្កាត់បឹងកេងកង២ ខណ្ឌចំការមន ក្រុងភ្នំពេញ។ នៅថ្ងៃនោះ គេឃើញសោភា បានកាន់ជាមួយព្រះគម្ពីរប៊ីប និងបង្ហាញស្នាមញញឹមដែលមើលទៅនាងហាក់មានក្ដីសុខផ្លូវចិត្តខ្លាំងណាស់។
ពេជ្រ សោភា បានបង្កើតភាពសប្បុរសជាច្រើនលើកច្រើនសារ តែមិនសូវបង្ហោះសកម្មភាពតាមបណ្ដាញសង្គម និងការលេចមុខក្នុងការសម្ពោធព្រះគម្ពីរប៊ីប ហើយត្រូវបានតារាចម្រៀងល្បីល្បាញជាង១៧ឆ្នាំរូបនេះ ថា ជីវិតនាងជាគ្រីស្ទ បរិស័ទ (ប្រូតេស្ដង់) ពោរពេញទៅដោយក្ដីស្រលាញ់ពិតប្រាកដ មិនទាមទារការតបស្នងអ្វីឡើយ។ សោភាបន្ថែមថា នាងបង្កើតក្ដីស្រលាញ់ ព្រោះជាគ្រីស្ទាន ហើយនឹងជួយអ្នកខ្វះខាត អ្នកក្រដោយអត់ចង់បានសំណង។
នាងថា ដោយសារតែជាគ្រីស្ទាននេះហើយ ទើបក្ដីស្រលាញ់ល្អ ឬអាក្រក់ និងមានអ្នកខ្លះស្អប់នាងជាដើម គឺនាងមិនតបតបនោះទេ។ សោភា ប្រកាន់ទស្សនៈថា «ទ្រព្យដែលមានតម្លៃបំផុតក្នុងជីវិតម្នាក់ៗ គឺក្ដីស្រលាញ់»។ នាងថា ស្ទើរតែជារៀងរាល់ថ្ងៃអាទិត្យ នាងជួបជុំជាមួយគ្រីស្ទបរិស័ទផ្សេងទៀត បម្រើព្រះ ចែករំលែកក្ដីស្រលាញ់។ នាងបន្ថែមទៀតថា នៅពេលដែលធ្វើការអធិដ្ឋានទៅព្រះ យើងនឹងបាននូវអ្វីដែលចង់បាន ហើយទាល់តែគ្រីស្ទាន និងធ្លាប់សាកទើបបានដឹង ។
តារាវ័យ៣៩ឆ្នាំរូបនេះ បានសង្កត់ថា «សន្ដិភាពផ្លូវចិត្ត អត់ត្រូវតែបង្ហាញអ្វីដែលអស្ចារ្យ មានផ្លូវចិត្តគឺសុខ ព្រោះពួកយើងមានព្រះ» ហើយគ្រីស្ទាន (រស់ដើម្បីក្ដីស្រលាញ់»។
ក្រៅពីជាគ្រីស្ទាននោះ ពេជ្រ សោភា ថា នាងគ្មានតួនាទីអ្វីនៅថ្ងៃសម្ពោធព្រះគម្ពីប៊ីប នោះទេ តែគម្ពីបើកថ្មីនោះ គឺដើម្បីបម្រើព្រះ ដោយក្ដីស្រលាញ់ស្អាតស្អំ បរិសុទ្ធ។ នាងសង្កត់ថាសម្រាប់មនុស្សឯកោខ្លាំង ជួបទុក្ខសោកក្នុងចិត្ត ពេលទៅដល់ព្រះវិហារគ្រីស្ទ គឺដូចបានកើត ម្ដងទៀត។
មហាជនកត់សម្គាល់ថា ក្រៅពីតារាចម្រៀងល្បីល្បាញ ពេជ្រ សោភា ដែលជាគ្រីស្ទាននោះ ក៏មានតារាចម្រៀង ខេម ក៏ជាគ្រីស្ទានម្នាក់ដូចនាងផងដែរ ខណៈពេលដែលថ្មីៗនេះ គេឃើញតារាសម្ដែងលោក រតនៈ ពិសិដ្ឋ ក៏ចូលរួមសម្ពោធព្រះគម្ពីប៊ីបជាមួយសោភា ដោយទឹកមុខយ៉ាងរីករាយ ។ ចំណែកនៅលើហ្វេសប៊ុកឈ្មោះម្លប់ សាសនា ធ្លាប់ចេញសារ ដោយចាត់ទុកសោភាថា ជាវីរៈនារីដ៏ក្លាហានមានចិត្តសប្បុរសធម៌ពិតៗ ព្រោះបានជួយសាលារៀន សង្គ្រោះក្មេងនៅវត្ត (ពង្រកជុំតេជោ) នៅឃុំតេជោអភិវឌ្ឍន៍ ខេត្តកំពត។
ហ្វេសប៊ុក Siek Bunnary Charity ក៏ធ្លាប់បង្ហោះថា ពេជ្រ សោភា បរិច្ចាគថវិកាចំនួន៤០០០០០រៀល ជួយដល់បងប្រុសដំបៅខ្នង ប្រពន្ធរត់វចោល នៅខេត្តព្រះវិហារ។ ចំណែកហ្វេសប៊ុកឈ្មោះសហគមន៍ចាប៉ី អមតៈ ក៏ធ្លាប់បង្ហោះសារដែរថា ពេជ្រ សោភា បានបរិវច្ចាគថវិកាចំនួន៥០០ដុល្លារសម្រាប់ទ្រទ្រង់ចាប៉ីដងវែង។
ហើយហ្វេសប៊ុកឈ្មោះ Siek Bunnary Charity ធ្លាប់បង្ហោះថា ពេជ្រ សោភា បានជួយពលរដ្ឋរងគ្រោះដោយសារទឹកជំនន់ នៅខេត្តពោធិ៍សាត់ចំនួន២០០គ្រួសារ និងមានអំណោយមួយចំនួនទៀតដែល ពេជ្រ សោភា បានធ្វើសប្បុសធម៌ដូចជា នាងធ្លាប់បរិច្ចាគថវិកាចំនួន១០០០ដុល្លារចូលរួមជាមួយរដ្ឋាភិបាលទប់ស្កាត់កូវីដ, តែសោភា មិនដែលបង្ហាញការធ្វើសប្បុរសធម៌ដែលចំណាយដោយថវិការបស់នាងផ្ទាល់ខ្លួននោះនៅលើបណ្ដាញសង្គមឡើយ ប៉ុន្ដែភាគច្រើនគឺអ្នកទទួលអំណោយពីនាងទេ ដែលបង្ហោះសារថ្លែងអំណរគុណនាងតែប៉ុណ្ណោះ៕
ចែករំលែកព័តមាននេះ