ម៉ាកយីហោភីហ្សារបស់កូនខ្មែរ The Pizza Cambodia ប្រកាសលក់ជាផ្លូវការ លើទីផ្សារជាមួយនឹងក្ដីរំពឹងខ្ពស់
រាជធានីភ្នំពេញ ៖ The Pizza Cambodia ( TPC Pizza ) ដែលជាម៉ាកយីហោ…
រាជធានីភ្នំពេញ ៖ The Pizza Cambodia ( TPC Pizza ) ដែលជាម៉ាកយីហោ ( Brand ) ភីហ្សា បង្កើតឡើងដោយកូនខ្មែរ បានប្រកាស បើកទ្វារស្វាគមន៍អតិថិជនជាផ្លូវការ នៅតាមបណ្តាខាសា ចំនួន ១១ ទូទាំងរាជធានីភ្នំពេញ ព្រមទាំងមានគម្រោងពង្រីកសាខាបន្ថែមទៀតនៅត្រឹមចុងខែឧសភានេះ ។
បើតាមសេចក្ដីប្រកាសព័ត៌មានរបស់ក្រុមហ៊ុនគ្រប់គ្រងហាងភីហ្សា TPC Pizza បានឱ្យដឹងថា TPC Pizza គឺជាម៉ាកយីហោ ភីហ្សា ដែលបង្កើតឡើងនៅក្នុងស្រុក ដោយមិនមែនជាការយកលំនាំតាម ឬនាំចូលពីបរទេសនោះឡើយ ប៉ុន្តែជាម៉ាកយីហោ ដែលបានសម្រេចចិត្តយ៉ាងម៉ត់ ចត់ក្នុងការកសាង និងអភិវឌ្ឍគ្រប់ជំហានពីក្នុងប្រទេស។ ការប្តេជ្ញាចិត្តនេះ ស្តែងឡើងយ៉ាងច្បាស់ នៅក្នុងគ្រប់អត្តសញ្ញាណរបស់ ធីភីស៊ី ភីហ្សា ។
អត្តសញ្ញាណរបស់ម៉ាកយីហោ ត្រូវបានរំលេចឡើងដោយ «ក្រមា» ដែលជាការច្នៃប្រឌិតឡើងវិញ ប្រកបដោយការយកចិត្តទុកដាក់ និងមិនមែនគ្រាន់តែជាការយកមកដាក់ ដើម្បីលំអនោះទេ ពោលគឺវាបង្កប់នូវស្មារតី ដែលបានរួមដំណើរជាមួយប្រជាជនខ្មែរគ្រប់ជំនាន់ ទាំងក្នុងការងារ ពិធីបុណ្យទាន និងជីវភាពរស់នៅប្រចាំថ្ងៃ។ ជាមួយគ្នានេះ «ផ្ការំដួល» ក៏ត្រូវបានបញ្ចូលទៅក្នុងរចនាបថរូបភាព ដើម្បីបង្ហាញពីភាពទន់ភ្លន់ និងភាពថ្លៃថ្នូរ ដែលស្តែងឡើងនៅក្នុងគ្រប់កិច្ចការដែលប្រេនបានធ្វើ ។
ការរៀបចំនេះ មិនមែនគ្រាន់តែផ្នែកមួយសម្រាប់សោភ័ណភាពប៉ុណ្ណោះទេ ប៉ុន្តែចាប់តាំងពីគ្រឿងផ្សំ យើងបានផ្តល់អាទិភាពក្នុងការទិញពីកសិករ និងអ្នកផលិតក្នុងស្រុក ពីព្រោះយើងជឿជាក់ថា ការវិនិយោគលើខ្សែចង្វាក់ផ្គត់ផ្គង់នៅក្នុងប្រទេសរបស់ខ្លួន គឺការផ្តល់តម្លៃលើសពីការបង្កើតមុខម្ហូបនៅលើម៉ឺនុយ។ វាគឺជាការចូលរួមចំណែកកសាងសេដ្ឋកិច្ច និងលើកកម្ពស់ជីវភាពរស់នៅរបស់ប្រជាជន ដែលជំរុញសេដ្ឋកិច្ចនោះឱ្យដំណើរការជាក់ស្តែង ។
ការប្តេជ្ញាចិត្តដ៏មានអត្ថន័យនេះ ក៏ត្រូវបានឆ្លុះបញ្ចាំងតាមរយៈដៃគូសហការ ដែល ធីភីស៊ី ភីហ្សា មានមោទនភាពក្នុងការរួមការងារជាមួយ រួមមាន ៖ ធនាគារ អេស៊ីលីដា, ស្រាបៀរកម្ពុជា, កូកា-កូឡា, EAC, M’Pig, Cellcard, និង HMC Broiler។ ដៃគូនីមួយៗសុទ្ធតែបាននាំមកនូវជំនាញឯកទេសរៀងៗខ្លួន ព្រមទាំងជំនឿជាក់លើអ្វីដែលកម្ពុជាអាចកសាងបាន។ ពួកគេរួមគ្នាបង្កើតបានជាប្រព័ន្ធអេកូឡូស៊ីមួយ ដែល ធីភីស៊ី ភីហ្សា មានមោទនភាពក្នុងការធ្វើជាផ្នែកមួយ ពោលគឺជាប្រព័ន្ធ ដែលមានឫសគល់នៅក្នុងប្រទេសនេះ និងវិនិយោគសម្រាប់អនាគតរបស់ប្រទេសជាតិ ។
រឿងរ៉ាវទាំងនេះ គឺនិយាយអំពីក្រុមគ្រួសារដែលអង្គុយជុំគ្នា ហើយស្វែងរកឃើញនូវរសជាតិដ៏ស្និទ្ធស្នាលនៅលើតុអាហារ។ វាជានិមិត្តរូប នៃកសិករដែលបានឃើញតម្លៃនៃអ្វីដែលពួកគាត់ដាំដុះ ត្រូវបានឆ្លុះបញ្ចាំងនៅលើចានអាហារ ហើយវាក៏ជានិមិត្តរូបនៃប្រទេសជាតិមួយ ដែលកំពុងកសាងសមិទ្ធផលដែលខ្លួនអាចមានមោទនភាពឈរពីក្រោយបាន យ៉ាងស្ងៀមស្ងាត់ និងរឹងមាំ។ ធីភីស៊ី ភីហ្សា ត្រូវបានបង្កើតឡើងសម្រាប់ពួកគេទាំងអស់គ្នា ហើយនៅថ្ងៃនេះ គឺជាលើកដំបូងដែលពួកគេទាំងអស់គ្នាអាចដើរចូលតាមទ្វារមកកាន់ហាងរបស់យើង ។
លោក ទេព វិរៈ (Tep Virak) នាយកគ្រប់គ្រងនៃធីភីស៊ី ភីហ្សា បានមានប្រសាសន៍ថា ៖ «ខ្ញុំធំដឹងក្តីនៅទីនេះ ខ្ញុំដឹងថា ប្រជាជនយើងចង់បានអ្វី។ នៅពេលពួកគាត់អង្គុយញ៉ាំអាហារ នោះគឺភាពកក់ក្តៅ គុណភាព និងអារម្មណ៍ដែលថា មាននរណាម្នាក់បានយកចិត្តទុកដាក់ពីពួកគាត់។ ការបង្កើត ធីភីស៊ី ភីហ្សា ឡើង គឺដើម្បីសម្រេចឱ្យបាននូវចំណុច ដែលប្រជាជនយើងចង់បាន ហើយរាល់ការសម្រេចចិត្តរបស់យើង ចាប់តាំងពីអត្តសញ្ញាណ គ្រឿងផ្សំ រហូតដល់អារម្មណ៍ ដែលយើងចង់ឱ្យអតិថិជនទទួលបាននៅពេលដើរចូលមកហាង គឺសុទ្ធតែចេញពីបេះដូងតែមួយ។ ថ្ងៃនេះមិនមែនគ្រាន់តែជាការបើកដំណើរការធម្មតានោះទេ ប៉ុន្តែវាជាការចាប់ផ្តើម នៃអ្វីមួយដែលកម្ពុជាអាចហៅបានថាជារបស់ខ្លួនផ្ទាល់» ។
គួរបញ្ជាក់ថា ជាមួយនឹងការបើកដំណើរការនៅលើទីផ្សារ TPC Pizza បានចេញនូវរស់ជាតិដែលប្លែកពីរស់ជាតិដែលអតិថិជននៅកម្ពុជា បានសាកល្បង នាពេលកន្លង ដែលអាច និយាយបាន TPC Pizza គឹជា ភីហ្សា ដែលមានលក្ខណៈប្លែកពិសេស លើសពីភីហ្សា ធម្មតា ដោយរំពឹងថា អតិថិជននៅកម្ពុជា នឹងចូលចិត្ត នូវរស់ជាតិ ភីហ្សា ដែលបង្កើតឡើងដោយកូន ខ្មែរមួយនេះ ៕ (អត្ថបទសហការ)
ចែករំលែកព័តមាននេះ