រាជធានីភ្នំពេញ ៖ CAMBODIA SPORT+ ដែលជាផលិតផលរបស់ក្រុមហ៊ុន ខ្មែរ ប៊ែវើរីជីស នៅតែបន្តបំពេញបន្ថែម ជំរុញវិស័យកីឡាគ្រប់ប្រភេទនៅកម្ពុជា ដោយពេលនេះ…
រាជធានីភ្នំពេញ ៖ CAMBODIA SPORT+ ដែលជាផលិតផលរបស់ក្រុមហ៊ុន ខ្មែរ ប៊ែវើរីជីស នៅតែបន្តបំពេញបន្ថែម ជំរុញវិស័យកីឡាគ្រប់ប្រភេទនៅកម្ពុជា ដោយពេលនេះ CAMBODIA SPORT+ បានឧបត្ថម្ភគាំទ្រ ដោយរៀបចំសន្និសីទសារព័ត៌មាន ប្រកាសពីការចាប់ផ្តើម «ព្រឹត្តិការណ៍ ប្រកួតប្រដាល់ កំពូលអ្នកចម្បាំងកម្ពុជា» ដើម្បីសម្រួចសមត្ថភាពកីឡាករ-កីឡាការិនីកម្ពុជា ឆ្ពោះទៅរកឆាកអន្តរជាតិ ។
សង្វៀន «កំពូលអ្នកចម្បាំង CAMBODIA SPORT+» មិនត្រឹមតែជាការប្រកួតដើម្បីដណ្តើមជ័យជម្នះប៉ុណ្ណោះទេ ប៉ុន្តែថែមទាំងជាវេទិកាយុទ្ធសាស្ត្រសម្រាប់សម្រិតសម្រាំង និងពង្រឹងសមត្ថភាពកីឡាករ-កីឡាការិនីខ្មែរ ឱ្យកាន់តែមានគុណភាព និងសមត្ថភាពគ្រប់គ្រាន់ក្នុងការប្រកួតប្រជែងលើឆាកអន្តរជាតិ ។
ក្នុងស្មារតីជំរុញវិស័យកីឡាឱ្យកាន់តែរីកចម្រើនបន្ថែមទៀត ខ្មែរ ប៊ែវើរីជីស បានឧបត្ថម្ភថវិកាចំនួន ៥០០ លានរៀល ដល់សហព័ន្ធកីឡាឃីកបុកស៊ីងកម្ពុជា ដើម្បីជួយពង្រឹងលើការហ្វឹកហាត់របស់កីឡាករ-កីឡាការិនីកម្ពុជា។ ជាលទ្ធផល សហព័ន្ធបានជ្រើសរើសគ្រូបង្វឹកជំនាញចំនួន ៤ រូប មកពីបរទេស ដើម្បីដាក់ចេញនូវយុទ្ធសាស្ត្រហ្វឹកហាត់ថ្មីៗ ស្របតាមស្តង់ដារអន្តរជាតិ សម្រាប់ក្លិបឃីកបុកស៊ីងទូទាំងប្រទេស ជាពិសេស គឺត្រៀមខ្លួនសម្រាប់ព្រឹត្តិការណ៍ជើងឯកអាស៊ី (Asian Championship) នាខែធ្នូខាងមុខនេះ ។
CAMBODIA SPORT+ តែងតែចូលរួមជំរុញលើវិស័យកីឡាគ្រប់ប្រភេទនៅកម្ពុជា ដើម្បីចូលរួមអភិវឌ្ឍ ធ្វើយ៉ាងណាពង្រឹងសមត្ថភាពកីឡាករ-កីឡាការិនី ព្រមទាំងពង្រីកកេរ្តិ៍ឈ្មោះកម្ពុជាលើឆាកអន្តរជាតិ ។
CAMBODIA SPORT+ បំពេញក្តីស្រមៃ ជួយជម្រុញវិស័យឃីកបុកស៊ីងនៅកម្ពុជា ៕ អត្ថបទសហការ
ចែករំលែកព័តមាននេះ