សមត្ថកិច្ចចម្រុះចាប់រថយន្តសាំយ៉ុង១គ្រឿងលួចដឹកឈើប្រណិតចូលក្រុងបានលុង
ខេត្តរតនគិរី ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា កម្លាំងអាវុធហត្ថ(អ.ហ)មូលដ្ឋានស្រុកវ៉ើនសៃសហការជាមួយកម្លាំងរដ្ឋបាលព្រៃឈើ
ខេត្តរតនគិរី ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា កម្លាំងអាវុធហត្ថ(អ.ហ)មូលដ្ឋានស្រុកវ៉ើនសៃសហការជាមួយកម្លាំងរដ្ឋបាលព្រៃឈើ
ខេត្តរតនគិរី ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា កម្លាំងអាវុធហត្ថ(អ.ហ)មូលដ្ឋានស្រុកវ៉ើនសៃសហការជាមួយកម្លាំងរដ្ឋបាលព្រៃឈើសង្កាត់វ៉ើនសៃ និងកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការនគរបាលខេត្តរតនគិរី នៅវេលាម៉ោង១០និង៣០នាទីព្រឹកថ្ងៃទី១៦ មករា ២០១៧នេះ បានស្ទាក់ចាប់រថយន្តសាំ យ៉ុងមួយគ្រឿងផ្ទុកឈើប្រណីតពេញនៅចំណុចនិយាមការ៥៨២៨៧-៥២៨២៩ ត្រង់ផ្លូវបំបែកកាចូន ស្ថិតក្នុងភូមិវង ឃុំកាចូន ស្រុកវ៉ើនសៃ។
មេបញ្ជាការអាវុធហត្ថមូលដ្ឋានស្រុកវ៉ើនសៃ លោកឡាក់ ស៊ុយហន បានប្រាប់ឲ្យដឹងថា ដោយមានការណែនាំពីលោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តរតនគិរី ដល់កងកម្លាំងអ-ហក្រោមឱវាទ អោយធ្វើការទប់ស្កាត់ការដឹកជញ្ជូនឈើដូចភ្លៀងរលឹម ។ ជាក់ស្តែងរថយន្តសាំយ៉ុងលួចដឹកឈើប្រណីតពណ៌ស្លែ ពាក់ស្លាកលេខភ្នំពេញ 2U-1080 ត្រូវបានកម្លាំងសហការបង្ក្រាបភ្លាមៗ បន្ទាប់ពីមានសេចក្តីរាយការណ៍ពីកម្លាំងសម្ងាត់ ប៉ុន្តែក្នុងប្រតិបត្តិការខាងលើនេះកម្លាំងយើងមិនបានឃាត់អ្នកបើករថយន្ត និងអ្នកពាក់ព័ន្ធបានទេ ព្រោះពួកគេដឹងខ្លួនទាន់ បើកទ្វាររថយន្តរត់គេចខ្លួនបាត់អស់។
លោកមេបញ្ជាការអ-ហ មូលដ្ឋានស្រុកវ៉ើនសៃបន្តថា ការងារបង្ក្រាបការដឹកជញ្ជូនឈើទទួលបានជោគជ័យដោយសារមានការណែនាំពីលោកមេបញ្ជាការអ-ហខេត្តជាប្រចាំ និងមានការសហការជាមួយជំនាញរដ្ឋបាលព្រៃឈើ និងស្ថាប័នពាក់ព័ន្ធផ្សេងទៀត។
បច្ចុប្បន្នវត្ថុតាងរថយន្តមួយគ្រឿង និងឈើប្រណីតប្រភេទធ្នង់ជាច្រើនដុំ បានដឹកមករក្សាទុកនៅខណ្ឌរដ្ឋបាលព្រៃឈើ ដើម្បីធ្វើការស្រាវជ្រាវរកម្ចាស់ឈើមកធ្វើការពិន័យតាមច្បាប់ស្តីពីព្រៃឈើ ។ យ៉ាងណាក៏ដោយចំនួនឈើពិតប្រាកដមិនទាន់ដឹងនៅឡើយ ពោលគឺរង់ចាំធ្វើការវាស់វែងនៅរសៀលថ្ងៃចន្ទដដែលនេះ។
លោកឡាក់ ស៊ុយហន មេបញ្ជាការអាវុធហត្ថមូលដ្ឋានស្រុកវ៉ើនសៃបានបន្តទៀតថា ក្នុងករណីចាប់រថយន្តឈើប្រណីតខុសច្បាប់ខាងលើនេះ លោកជាអ្នកដឹកនាំផ្ទាល់ ដោយឡែកក្នុងរយៈពេលកន្លងមកនេះមានមន្ត្រីរាជការ កងម្លាំងប្រដាប់អាវុធមួយចំនួនក្នុងខេត្ត ចោទប្រកាន់មកគាត់រកស៊ីឈើប្រណីតខុសច្បាប់នោះជារឿងមិនពិតទេហើយលោកសុំធ្វើការបដិសេធតាមបណ្តាញសារពត៌មានក្នុងស្រុកដែលផ្សាយនាពេលកន្លងមកផងដែរ៕
ចែករំលែកព័តមាននេះ