រាជធានីភ្នំពេញ ៖ គណបក្សប្រជាជនកម្ពុជា (CPP ) និងគណបក្សសង្គ្រោះជាតិ (CNRP) បានផ្ញើរបៀបវារៈឲ្យរដ្ឋសភាពិគ្រោះយោបល់ជាមុន មុននឹងកំណត់កាលបរិច្ឆេទជួបគ្នារវាងប្រធានក្រុមមតិភាគច្រើនដឹកនាំដោយ សម្តេចក្រឡាហោម ស ខេង និងប្រធានក្រុមមតិភាគតិចក្នុងសភា ដឹកនាំដោយលោក កឹម សុខា ។
បើតាមលោកអគ្គលេខាធិការរដ្ឋសភា ឡេង ប៉េងឡុង បានឲ្យដឹងថា របៀបវារៈដែលគណបក្សទាំងពីរបានធ្វើលិខិតឆ្លើយឆ្លងកាលពីថ្ងៃទី១៣-១៤ មករា ២០១៧នេះ គឺគណបក្សប្រជាជនបានដាក់របៀបវារៈស្តីពីតួនាទីនិងសិទ្ឋិអំណាចរបស់ប្រធានក្រុមមតិភាគច្រើននិងប្រធានក្រុមមតិភាគតិចក្នុងសភា ។ ចំណែកលិខិតរបស់គណបក្សសង្គ្រោះជាតិបានដាក់របៀបវារៈចំនួនពីរ គឺទី១-ការធ្វើវិសោធនកម្មច្បាប់បោះឆ្នោតតំណាងរាស្ត្រដើម្បីឲ្យពលរដ្ឋនៅក្រៅប្រទេសអាចបោះឆ្នោតបាន និងទី២- សភាពការណ៍មុនការបោះឆ្នោតក្រុមប្រឹក្សាឃុំ-សង្កាត់ ៕
ចែករំលែកព័តមាននេះ