ពិធីសែនក្បាលទឹក ឬបុណ្យភ្ជុំចិន ជាប្រភេទបុណ្យប្រពៃណីទំនៀមទម្លាប់របស់ជនជាតិចិននិយមធ្វើជារៀងរាល់ឆ្នាំ ដោយមានការកត់សម្គាល់ថា តាំងពីព្រលឹមស្រាងៗនាថ្ងៃសែនក្បាលទឹកនោះ គេសង្កេតឃើញមានបងប្អូនជនជាតិចិន វៀតណាមដែលរស់នៅភ្នំពេញ ក៏ដូចជាខ្មែរសែស្រឡាយកាត់ចិនមួយចំនួនបាននាំគ្នារួតរះទៅផ្សារទិញម្ហូបចំណីអាហារ ផ្លែឈើ ពិសេសជ្រូកខ្វៃ…
ពិធីសែនក្បាលទឹក ឬបុណ្យភ្ជុំចិន ជាប្រភេទបុណ្យប្រពៃណីទំនៀមទម្លាប់របស់ជនជាតិចិននិយមធ្វើជារៀងរាល់ឆ្នាំ ដោយមានការកត់សម្គាល់ថា តាំងពីព្រលឹមស្រាងៗនាថ្ងៃសែនក្បាលទឹកនោះ គេសង្កេតឃើញមានបងប្អូនជនជាតិចិន វៀតណាមដែលរស់នៅភ្នំពេញ ក៏ដូចជាខ្មែរសែស្រឡាយកាត់ចិនមួយចំនួនបាននាំគ្នារួតរះទៅផ្សារទិញម្ហូបចំណីអាហារ ផ្លែឈើ ពិសេសជ្រូកខ្វៃ ទាខ្វៃ មាន់ខ្វៃ រួមទាំងនំពងទាផងដែរ ហើយយកមកដាក់សែនទៅតាមទំនៀមទម្លាប់ប្រពៃណីរបស់ខ្លួនហៅថា សែនក្បាលទឹក ខ្មែរហៅថាភ្ជុំរបស់ចិន ។
ដោយឡែកនៅឆ្នាំ២០២២នេះ ថ្ងៃសែនក្បាលទឹកត្រូវនឹងថ្ងៃសុក្រ ទី១២ ខែសីហា គឺនៅតែ១ថៃ្ងប៉ុណ្ណោះនឹងដល់ថ្ងៃសែនក្បាលទឹកហើយ ។
សែនក្បាលទឹកត្រូវបានគេរៀបចំចែកជាពីរដំណាក់កាល គឺ លើកទី១នៅពេលថ្ងៃ សែនដល់កុងម៉ា ជីដូនជីតា និងលើកទី២ នៅពេលល្ងាច គឺសែនដល់ខ្មោចព្រាយបិសាចអនាថា ដែលគ្មានញាតិ គ្មានផ្ទះសម្បែង ឬរកផ្ទះញាតិមិនឃើញ ដែលគ្រួសារខ្លះ គេសែនផ្លែឈើ នំនែកពីព្រឹក ហើយពេលថ្ងៃត្រង់ សែនបាយសម្លម្តងទៀត ក៏សន្មតថា ចប់ ដោយមិនសែនពេលល្ងាចនោះទេ តែគ្រួសារខ្លះក៏សែនល្ងាចម្តងទៀត តាមជំនឿ និងធនធានដែលខ្លួនមាន ។
បន្ទាប់ពីសែនព្រែនរួចហើយក៏នៅមានធ្វើពិធីដុតបូជាវត្ថុ និងក្រដាសសែនផ្សេងៗ មានលុយ ឡាន វីឡា មាសប្រាក់សម្លៀកបំពាក់ជាដើមតាមជំនឿរៀងៗខ្លួន ហើយសុំផ្សងមកវិញនូវពរជ័យ សុខសប្បាយ រកស៊ីមានបានរស់នៅដោយសិរីមង្គលតរៀងទៅ ៕
ចែករំលែកព័តមាននេះ