ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា ២ប្តី-ប្រពន្ធមួយគូគឺជំនាញខាងស៊ីដាច់ម៉ូតូគេ ហើយត្រូវសមត្ថកិច្ចនាំមកបង្ហាញមុខជាសាធារណៈ ក្រោយពីឃាត់ខ្លួនបាន កាលពីថ្ងៃទី១២ មករា ស្ថិតនៅចំណុចភូមិអង្គខ្ជាយ ឃុំព្រៃវិហារ ស្រុកគងពិសី ខេត្តកំពង់ស្ពឺ។
ប្រភពឱ្យដឹងថា ជនសង្ស័យជាប្រពន្ធឈ្មោះសំ ស៊ីនួន អាយុ២៦ឆ្នាំ និងប្តីឈ្មោះឈុំ ដេក អាយុ២៧ឆ្នាំ មានទីលំនៅក្នុងភូមិ-ឃុំខាងលើ ។
បើតាមលោកវរសេនីយ៍ឯក ជា វណ្ណា នាយការិយាល័យព្រហ្មទណ្ឌកម្រិតស្រាលបានឱ្យដឹងថា កម្លាំងជំនាញបានធ្វើការឃាត់ខ្លួនជនសង្ស័យទាំង២នាក់ គឺតាមពាក្យបណ្តឹងរបស់ជនរងគ្រោះ ជាម្ចាស់ម៉ូតូមានច្រើននាក់ដែលប្តឹងថា ទាំង២នាក់នេះ បានស៊ីដាច់ម៉ូតូរបស់ពួកគេ ហើយយកលុយទៅដើរស៊ីចាយសប្បាយហ៊ឺហារខ្លាំងណាស់ ។
ការឃាត់ជនសង្ស័យទាំង២នាក់បាន គឺបន្ទាប់ពីពួកគេបានប្រើល្បិចថ្មីមួយ ដោយបុរសជាប្តីបានយកប្រពន្ធ ធ្វើជាធ្នាក់ក្នុងការទាក់ទងជាមួយបុរស ដើម្បីបោកយកម៉ូតូគេ ។
ចែករំលែកព័តមាននេះ