លោក តាន់ គីមសួរ ឆ្លើយតបយ៉ាងចាក់ដោតទៅឧកញ៉ាមួយរូប ក្រោយឃើញសារមួយឃ្លា
- ភ្នំពេញ
មហាជនផ្ទុះការចាប់អារម្មណ៍ និងភ្ញាក់ផ្អើលពេញបណ្ដាញសង្គម ក្រោយពេលឃើញលោក តាន់ គីមសួរ ដែលជាអ្នកអភិរក្ស និងស្រលាញ់សត្វ រួមទាំងព្រៃឈើ
មហាជនផ្ទុះការចាប់អារម្មណ៍ និងភ្ញាក់ផ្អើលពេញបណ្ដាញសង្គម ក្រោយពេលឃើញលោក តាន់ គីមសួរ ដែលជាអ្នកអភិរក្ស និងស្រលាញ់សត្វ រួមទាំងព្រៃឈើ
រាជធានីភ្នំពេញ ៖ មហាជនផ្ទុះការចាប់អារម្មណ៍ និងភ្ញាក់ផ្អើលពេញបណ្ដាញសង្គម ក្រោយពេលឃើញលោក តាន់ គីមសួរ ដែលជាអ្នកអភិរក្ស និងស្រលាញ់សត្វ រួមទាំងព្រៃឈើ ហ៊ានចេញមុខសួរត្រង់ៗទៅឧកញ៉ា ភិរម្យ វិចិត្រដារ៉ា ក្រោយឃើញសារមួយឃ្លារបស់ឧកញ៉ាថា « បើសេដ្ឋកិច្ច ឬ ការអភិវឌ្ឍន៍ប្រទេសមានការយឺតយ៉ាវ កុំបន្ទោសរដ្ឋាភិបាល» ។
ជាការពិតណាស់ នាព្រឹកថ្ងៃទី៧ ខែសីហា ឆ្នាំ២០២២ ម្សិលមិញនេះ បងប្អូនប្រជាពលរដ្ឋ ក៏ដូចជាប្រជាជនកម្ពុជាទាំងមូល សម្ដែងការសាទរ និងត្រេកអរជាខ្លាំង ក្រោយសម្តេចតេជោបានប្រកាសបញ្ជាអោយលុបចោលការដោះដូរ និងអភិវឌ្ឍន៍ តំបន់ព្រៃជុំវិញភ្នំតាម៉ៅ និងតម្រូវឲ្យមានការដាំកូនឈើឡើងវិញ ក្រោយមានសំណូមពរជាច្រើនពីសំណាក់ប្រជាជនក្នុងប្រទេសទាំងមូល។
ដោយឡែក ងាកមកចាប់អារម្មណ៍ ឧកញ៉ា ភិរម្យ វិចិត្រដារ៉ា ឯណេះវិញ បានបង្ហោះសំណេរមួយដោយលើកឡើងថា «អរគុណសម្តេច ពុក (បើសេដ្ឋកិច្ច ឬ ការអភិវឌ្ឍន៍ប្រទេសមានការយឺតយ៉ាវ) សូមកុំបន្ទោសរាជរដ្ឋាភិបាល អោយសោះ»។
សារមួយឃ្លារបស់ ឧកញ៉ា ភិរម្យ វិចិត្រដារ៉ា បានធ្វើអោយមហាជនមួយចំនួនផ្ទុះប្រតិកម្ម និងរិះគន់ជាខ្លាំង ដោយក្នុងនោះក៏មានលោក តាន់ គីមសួរ ដែលជាអ្នកស្រលាញ់ព្រៃឈើ និងសត្វព្រៃ ដែលបានចេញមុខរឿងព្រៃភ្នំតាម៉ៅនេះដែរ បានចោទសួរទៅកាន់ ឧកញ៉ា ភិរម្យ វិចិត្រដារ៉ា វិញភ្លាមៗថា ៖ «អត់ទោសលោកឧកញ៉ា ឬមួយទាល់តែការបំផ្លាញព្រៃឈើ ទើបអាចអភិវឌ្ឍប្រទេសបាន? លោកឧកញ៉ាទំនេរទេ? ខ្ញុំអាចឆ្លៀតពេលនាំលោកឧកញ៉ា ដើរមើលដីដែលដកហូតបានពីក្រុមហ៊ុនរាប់ពាន់ម៉ឺនហិកតា ចូលជាសម្បត្តិរដ្ឋវិញ» ។
សូមបញ្ជាក់ថា នាព្រឹកថ្ងៃទី០៧ ខែសីហា ឆ្នាំ២០២២ ម្សិលមិញនេះ សម្ដេចតេជោ នាយករដ្ឋមន្ត្រីកម្ពុជា បានចេញសេចក្ដីប្រកាសថា «បងប្អូនជនរួមជាតិជាទីគោរពស្រឡាញ់! ប៉ុន្មានថ្ងៃមកនេះ មានសំណូមពរជាច្រើន មករាជរដ្ឋាភិបាល ដើម្បីរក្សាទុកព្រៃនៅក្បែរសួនសត្វភ្នំតាម៉ៅ ទោះបីក្រសួងកសិកម្មបានពន្យល់ថា សួនសត្វភ្នំតាម៉ៅ មិនមានប៉ះពាល់ក៏ដោយ។ ក្នុងនាមជាអ្នកទទួលខុសត្រូវខ្ពស់បំផុត នៃរាជរដ្ឋាភិបាល ខ្ញុំសូមចេញបញ្ជា ៖ ១- លុបចោលទាំងអស់នូវរាល់ការអនុញ្ញាត ឱ្យធ្វើការដោះដូរ និងអភិវឌ្ឍ។ ២- រក្សាទុកដី និងព្រៃនៅជុំវិញសួនសត្វភ្នំតាម៉ៅ ជាដីដែលត្រូវការពារ និងអភិរក្ស ដោយក្រសួងកសិកម្ម។ ៣- ក្រុមហ៊ុនដែលបានឈូសឆាយត្រូវបញ្ឈប់សកម្មភាព និងត្រូវដាំដើមឈើឡើងវិញ លើដីដែលបានឈូសឆាយ។ សូមអរគុណចំពោះបងប្អូនជនរួមជាតិ ដែលបានចូលរួមផ្តល់យោបល់ប្រកបដោយការស្ថាបនា»។
ចែករំលែកព័តមាននេះ