ADផ្ទាំងផ្សព្វផ្សាយពាណិជ្ជកម្ម

Picture

លោក ប៉ែន ចំរុង ស្ទើរតែ​បាត់បង់​ការងារ​ទាំង​ស្រុង ក្រោយ​រួមដៃគ្នា​ពាក់ព័ន្ធ​រឿង​ភ្នំ​តា​ម៉ៅ

1 ខែ មុន
  • ភ្នំពេញ

មហាជន​សម្ដែង​ការ​សាទរ​នៅ​ទឹកចិត្ត​ដ៏​ធំធេង​របស់​លោក ប៉ែន ចំរុង ដែល​ជា​ពិធីករ​ដ៏​ល្បីឈ្មោះ និង​លោក តាន់ គី​ម​សួរ ដែល​ជា​អ្នក​ស្រលាញ់ និង​ការពារ​សត្វព្រៃ​រួម​ទាំង​ព្រៃឈើ ហ៊ាន​ប្រថុយ​ក្នុង​យុទ្ធនាការ​ជួយ​សង្គ្រោះ និង

រាជធានី​ភ្នំពេញ ៖ មហាជន​សម្ដែង​ការ​សាទរ​នៅ​ទឹកចិត្ត​ដ៏​ធំធេង​របស់​លោក ប៉ែន ចំរុង ដែល​ជា​ពិធីករ​ដ៏​ល្បីឈ្មោះ និង​លោក តាន់ គី​ម​សួរ ដែល​ជា​អ្នក​ស្រលាញ់ និង​ការពារ​សត្វព្រៃ​រួម​ទាំង​ព្រៃឈើ ហ៊ាន​ប្រថុយ​ក្នុង​យុទ្ធនាការ​ជួយ​សង្គ្រោះ និង​ស្រោចស្រង់​ភ្នំ​តា​ម៉ៅ​ឡើង​វិញ ដោយ​មិន​ខ្លាច​អ្វី​ទាំងអស់ ខណៈ​លោក ប៉ែន ចំរុង ត្រូវ​បាន​គេ​ដឹង​ថា ស្ទើរតែ​បាត់បង់​ការងារ​ដែល​ជា​ឆ្នាំងបាយ​របស់​ខ្លួន​ទាំងស្រុង​ផង​ដែរ​។

Picture

ជា​ការ​ពិត​ណាស់ នា​ព្រឹក​ថ្ងៃ​ទី​៧ ខែសីហា ឆ្នាំ​២០២២ ម្សិលមិញ​នេះ បងប្អូន​ប្រជាពលរដ្ឋ ក៏​ដូច​ជា​ប្រជាជន​កម្ពុជា សម្ដែង​ការ​សាទរ និង​ត្រេកអរ​ជា​ខ្លាំង ក្រោយ​សម្តេច​តេ​ជោ បាន​ប្រកាស​បញ្ជា​អោយ​លុប​ចោលការ​ដោះ​ដូរ និង​អភិវឌ្ឍន៍ តំបន់​ព្រៃ​ជុំវិញ​ភ្នំ​តា​ម៉ៅ និង​តម្រូវ​ឲ្យ​មានការ​ដាំ​កូន​ឈើ​ឡើង​វិញ ក្រោយ​មាន​សំណូមពរ​ជា​ច្រើន​ពី​សំណាក់​ប្រជាជន​ក្នុង​ប្រទេស​ទាំងមូល​។

យ៉ាងណាមិញ តារា​សម្តែង និង​ជា​ពិធីករ លោក ប៉ែន ចំ​រ៉ុ​ង ត្រូវ​បាន​លោក តាន់ គី​ម​សួរ ទម្លាយ​ថា ស្ទើរតែ​បាត់បង់​ការងារ​ធ្វើ ព្រោះតែ​លោក​បាន​ចូលរួម​ក្នុង​យុទ្ធនាការ ជួយ​សង្គ្រោះ​ព្រៃឈើ​តំបន់​ជុំវិញ​ភ្នំ​តា​ម៉ៅ​។

Picture

នេះ​បើ​យោង​តាម​ការ​បង្ហោះ​សំ​ណេ​រ​មួយ​ឃ្លា​របស់​លោក ប៉ែន ចំរុង ក្រោយ​រាជរដ្ឋាភិបាល​បាន​ប្រកាស​ថា នឹង​បញ្ឈប់​ការ​ឈូង​ឆាយ​អភិវឌ្ឍ ព្រមទាំង​ដាំ​កូន​ឈើ​ឡើង​វិញ​នៅ​តំបន់​ភ្នំ​តា​មៅ់ បានអោយ​ដឹង​ថា «​អភិ​និ​ហា ប្រាកដជា​មាន ហោះ​ហើយ​ៗ អរគុណ​ទេវតា​សំរាប់​ការ​គិត​សារ​ជា​ថ្មី អរគុណ​ឧត្តម​គតិ​ជា​សារជាតិ​មនុស្ស​ល្អ » ក្នុង​ការ​បង្ហោះ​សំ​ណេ​រ​មួយ​នេះ លោក ប៉ែន ចំរុង ត្រូវ​បាន​មហាជន​មួយ​ចំនួន​បញ្ចេញមតិ​រិះគន់​ស្រ​ដៀង​ៗ​គ្នា​ថា «​ពេល​ឈួ​ស​ឆាយដី​ព្រៃ​ស្ងាត់​អោយ​ជ្រាប ពេល​ប្រកាស​បញ្ឈប់​​ការ​អភិវឌ្ឍ និង​ដាំ​ដើមឈើ​ឡើង​វិញ សុទ្ធតែ​អភិ​និ​ហា​លោក​អើយ​លោក​»​។

Picture

ក្នុង​ការ​បញ្ចេញមតិ​រិះគន់ ទាំង​ទទឹងទិស​មិនដឹង​ក្បាល មិនដឹង​កន្ទុយ​របស់​អ្នកលេង​បណ្ដាញ​សង្គម​មួយ​ចំនួន ស្រាប់តែ​លោក តាន់ គី​ម​សួរ ចេញ​មុខ​មក​និយាយ​ថា «​លោក ប៉ែន ចំរុង ស្ទើរតែ​បាត់បង់​ការងារ​ទាំងស្រុង ដោយសារ​ធ្វើ​រឿង​ទាំង​អស់នេះ សូមកុំ​ដាក់​សម្ពាធ​លើ​គាត់​ជាង​នេះ​ទៀត​អី គឺ​ពួក​យើង​ដើរ​ជាមួយ​គ្នា​រហូត​ក្នុង​រឿង​នេះ​»​។

Picture

លោក ប៉ែន ចំរុង ក៏​បាន​តប​ទៅ​លោក តាន់ គី​ម​សួរ វិញ​ថា «​ពាក្យ​អរគុណ និង​ពាក្យ​ថា លះបង់​នេះ ត្រូវ​ជូន​ពួកម៉ាក់​ឯង​ទៅ​វិញ​ទេ ដែល​ហ៊ាន​លះបង់​មិន​ស្តាយ​សូ​ម្បី​តែ​ជីវិត​ខ្លួនឯង ដើម្បី​កិច្ច​ការងារ​ជួយ​សង្គម​ទាក់ទង​នឹង​កិច្ច​ការពារ​ព្រៃឈើ និង​សត្វព្រៃ ។ កម្លាំង​សាមគ្គី​ប្រាកដជា​អាច​បង្កើត អភិ​និ​ហា​បាន​មែន អរគុណ​បងប្អូន​ទាំងអស់ តែ​មួយ​ជួយ​សង្គ្រោះ​ភ្នំ​តា​ម៉ៅ​បាន​»​។

ដោយឡែក ក្រឡេក​មក​មើល​ការ​បង្ហោះ​របស់​លោក តាន់ គី​ម​សួរ ឯណោះ​វិញ បាន​បង្ហាញ​ពី​បុគ្គល​ដែល​បាន​ចូលរួម​ជួយ​សង្គ្រោះ​ភ្នំ​តា​ម៉ៅ ក្នុង​នោះ​ក៏​មាន​លោក ប៉ែន ចំរុង ផង​ដែរ​។ នេះ​បើ​យោង​តាម​សំ​ណេ​រទាំង​ស្រុង​របស់​លោក តាន់ គី​ម​សួរ បានអោយ​ដឹង​ថា «​នៅ​ថ្ងៃ​ទី​២២ ខែឧសភា ឆ្នាំ​២០២២ ខ្ញុំ​មិន​ភ្លេច​ថ្ងៃ​ដំបូង ដែល​ពួក​យើង​ជួប​គ្នា​ជជែក​អំពី​រឿង​ភ្នំ​តា​ម៉ៅ​ទេ បុគ្គល​ប៉ុន្មាន​នាក់​នៅ​ក្នុង​រូបភាព​នេះ​ហើយ គឺជា​ស្នូល​សំខាន់​ក្នុង​ការ​ស្វះ​ស្វែងរក​ដំណោះស្រាយ កាលនោះ​ក្តី​សង្ឃឹម​ស្ទើរតែ​១% ក៏​គ្មាន​ដែរ តែ​ពួក​យើង​នៅ​តែ​មានការ​ជឿជាក់​ថា នឹង​អាច​មានរឿង​អភិនីហា​កើតឡើង ជា​ពិសេស​ជឿជាក់​ទៅ​លើ​គតិបណ្ឌិត​របស់​សម្តេច​ពុក ហ៊ុន សែន តែ​ម្តង​»​។

Picture

គួរ​បញ្ជាក់​ថា នា​ព្រឹក​ថ្ងៃ​ទី​០៧ ខែសីហា ឆ្នាំ​២០២២​ម្សិលមិញ​នេះ សម្ដេច​តេ​ជោ នាយក​រដ្ឋមន្ត្រី​កម្ពុជា បាន​ចេញ​សេចក្ដី​ប្រកាស​ថា «​បងប្អូន​ជនរួមជាតិ​ជាទី​គោរព​ស្រឡាញ់​! ប៉ុន្មាន​ថ្ងៃ​មកនេះ មាន​សំណូមពរ​ជា​ច្រើន​មក​រាជរដ្ឋាភិបាល ដើម្បី​រក្សា​ទុក​ព្រៃ​នៅ​ក្បែរ​សួនសត្វ​ភ្នំ​តា​ម៉ៅ ទោះបី​ក្រសួងកសិកម្ម​បាន​ពន្យល់​ថា សួនសត្វ​ភ្នំ​តា​ម៉ៅ​មិន​មាន​ប៉ះពាល់​ក៏​ដោយ​។ ក្នុង​នាម​ជា​អ្នក​ទទួលខុសត្រូវ​ខ្ពស់​បំផុត នៃ​រាជរដ្ឋាភិបាល ខ្ញុំ​សូម​ចេញ​បញ្ជា ៖ ១- លុប​ចោល​ទាំងអស់​នូវ​រាល់​ការ​អនុញ្ញាត​ឱ្យធ្វើ​ការ​ដោះ​ដូរ និង​អភិវឌ្ឍ​។ ២- រក្សា​ទុក​ដី និង​ព្រៃ​នៅ​ជុំវិញ​សួនសត្វ​ភ្នំ​តា​ម៉ៅ ជា​ដី​ដែល​ត្រូវ​ការពារ និង​អភិរក្ស​ដោយ​ក្រសួងកសិកម្ម​។ ៣- ក្រុមហ៊ុន​ដែល​បាន​ឈូស​ឆាយ ត្រូវ​បញ្ឈប់​សកម្មភាព និង​ត្រូវ​ដាំ​ដើម​ឈើ​ឡើង​វិញ​លើ​ដី​ដែល​បាន​ឈូស​ឆាយ​។ សូម​អរគុណ ចំពោះ​បងប្អូន​ជនរួមជាតិ ដែល​បាន​ចូលរួម​ផ្តល់​យោបល់​ប្រកបដោយ​ការ​ស្ថាបនា​»​។

Picture
Picture
Picture
Picture
Picture
Picture
Picture
Picture