ខេត្តក្រចេះ ៖ ជនសង្ស័យចំនួន៣នាក់ ត្រូវបានបញ្ជូនទៅតុលាការ និងបន្តបញ្ជូនទៅឃុំខ្លួនជាបណ្តោះអាសន្ននៅពន្ធនាគារ ក្រោយត្រូវកម្លាំងនគរបាលព្រហ្មទណ្ឌកំរិតធ្ងន់ចាប់ខ្លួនជាបន្តបន្ទាប់ពាក់ព័ន្ធក្នុងអំពើឃា.តកម្ម បណ្តាលអោយបុរសម្នាក់ស្លា.ប់ កាលពីជាង២ខែ មុនស្ថិតនៅចំនុចភ្នុំព្រិច ភូមិស្រែរនាម…
ខេត្តក្រចេះ ៖ ជនសង្ស័យចំនួន៣នាក់ ត្រូវបានបញ្ជូនទៅតុលាការ និងបន្តបញ្ជូនទៅឃុំខ្លួនជាបណ្តោះអាសន្ននៅពន្ធនាគារ ក្រោយត្រូវកម្លាំងនគរបាលព្រហ្មទណ្ឌកំរិតធ្ងន់ចាប់ខ្លួនជាបន្តបន្ទាប់ពាក់ព័ន្ធក្នុងអំពើឃា.តកម្ម បណ្តាលអោយបុរសម្នាក់ស្លា.ប់ កាលពីជាង២ខែ មុនស្ថិតនៅចំនុចភ្នុំព្រិច ភូមិស្រែរនាម ឃុំឃ្សឹម ស្រុកកស្នួល ខេត្តក្រចេះ ។
នគរបាលព្រហ្មទណ្ឌអោយដឹងថា ក្រោយករណីឃា.តកម្ម កាលពីថ្ងៃទី៤ មិថុនា ២០២២ កម្លាំងនគរបាលជំនាញបានតាមដានស្រាវជ្រាវស៊ើបអង្កេតករណីខាងលើ រហូតឈានដល់ការចាប់ខ្លួន ជនសង្ស័យចំនួន៣នាក់ ជាបន្តបន្ទាប់ នៅថ្ងៃទី៣ និងថ្ងៃទី៤ ខែសីហា ២០២២ នេះ ។
នគរបាលព្រហ្មទណ្ឌដដែលបានបញ្ជាក់ឲ្យដឹងថា ជនសង្ស័យដែលត្រូវចាប់ខ្លួនចំនួន៣នាក់ រួមមាន ១.ឈ្មោះ ស្រី កទៀត ភេទប្រុស អាយុ២១ឆ្នាំ រស់នៅភូមិស្រែនន ស្រុកចិត្របុរីខេត្តក្រចេះ ។ ២.ឈ្មោះ ឡុង ឧត្តម(ហៅដំ) ភេទប្រុស អាយុ២៣ឆ្នាំ រស់នៅភូមិថ្នល ឃុំស្វាយជ្រះ ស្រុកស្នួល ខេត្តក្រចេះ ។ ទី៣.ឈ្មោះ សំ រិទ្ឋី (ហៅធីក្រញាញ់) ភេទប្រុស អាយុ៣៩ឆ្នាំ ពួកគេទាំង៣មាន ទីលំនៅផ្សេងគ្នា ក្នុងខេត្តក្រចេះ។
តាមរបាយការណ៍នគរបាលបញ្ជាក់ថា ជនសង្ស័យមានគ្នីគ្នាចំនួន៥នាក់ ដោយជាក់ពាក់ព័ន្ធករណីឃា.តកម្ម កាលពីថ្ងៃទី៤ មិថុនា ២០២២ កន្លងទៅ ស្ថិតនៅចំនុចភ្នុំព្រិច ភូមិស្រែរនាម ឃុំឃ្សឹម ស្រុកកស្នួល ខេត្តក្រចេះ ។
ដោយក្រុមជនសង្ស័យទាំង៥នាក់ខឹង និងជនរងគ្រោះជិះម៉ូតូ មួយគ្រឿងមានគ្នា៣នាក់ វ៉ាពួកគេ ហើយពួកគេបានស្រែកឲ្យជនរងគ្រោះឈប់ម៉ូតូ តែជនរងគ្រោះមិនព្រមឈប់ ពួកគេទាំង៥នាក់បានជិះម៉ូតូដេញកា.ប់ជនរងគ្រោះបណ្ដាលឲ្យស្លា.ប់ម្នាក់ និង២នាក់ទៀតបានរត់រួច ។
ក្រោយកើត ហេតុកម្លាំងនគរបាលព្រហ្មទណ្ឌបានតាមដានស្រាវជ្រាវទើប និងចាប់ខ្លួនបានចំនួន៣នាក់ ដោយឡែកបក្សពួក២នាក់ទៀត កំពុងរត់គេចលាក់ខ្លួន ដែលត្រូវនគរបាលកំពុងបន្តស្វែងរកចាប់ខ្លួន។
ក្រោយការចាប់ខ្លួនជនសង្ស័យទាំង៣នាក់ តាមចម្លើយសារភាព បានឆ្លើយថា កាលពីយប់ថ្ងៃទី៤ ខែមិថុនា កន្លងទៅ នៅចំនុចភ្នំព្រិច ភូមិស្រែរនាម ឃុំឃ្សឹម ស្រុកស្នួល ពួកគេពិតជាបានធ្វើសកម្មភាពកាប់សម្លាប់ទៅលើជនរងគ្រោះ ឈ្មោះ ឌាន ដា ភេទប្រុស អាយុ២១ឆ្នាំ បណ្តាលអោយស្លាប់ប្រាកដមែន ដោយទំនាស់រឿងជិះម៉ូតូវ៉ាគ្នា។បច្ចុប្បន្នជនសង្ស័យទាំង៣នាក់ត្រូវបាន បញ្ជូនទៅឃុំខ្លួននៅពន្ធនាគាររួចរាល់ហើយដែរ៕
ចែករំលែកព័តមាននេះ