ខេត្តកណ្ដាល ៖ ជនសង្ស័យម្នាក់ ក្នុងចំណោមបក្សពួក៤នាក់ ត្រូវកម្លាំងនគរបាលក្រុងតាខ្មៅចាប់ខ្លួន ក្រោយធ្វើសសកម្មភាពយកកាំបិតចុងស្រួចទៅប្លន់នារីម្នាក់ជាអ្នកចំរៀងតាមហាងដល់ក្នុងបន្ទប់ផ្ទះជួល ដោយយកបានគ្រឿងអលង្ការ និងលុយមួយចំនួន កាលពីវេលាម៉ោង០៣ និង០៥នាទីទៀបភ្លឺ ថ្ងៃទី០៨ មករា ស្ថិតនៅបន្ទប់ផ្ទះជួលក្នុងភូមិកំពង់សំណាញ់ សង្កាត់កំពង់សំណាញ់
ខេត្តកណ្ដាល ៖ ជនសង្ស័យម្នាក់ ក្នុងចំណោមបក្សពួក៤នាក់ ត្រូវកម្លាំងនគរបាលក្រុងតាខ្មៅចាប់ខ្លួន ក្រោយធ្វើសសកម្មភាពយកកាំបិតចុងស្រួចទៅប្លន់នារីម្នាក់ជាអ្នកចំរៀងតាមហាងដល់ក្នុងបន្ទប់ផ្ទះជួល ដោយយកបានគ្រឿងអលង្ការ និងលុយមួយចំនួន កាលពីវេលាម៉ោង០៣ និង០៥នាទីទៀបភ្លឺ ថ្ងៃទី០៨ មករា ស្ថិតនៅបន្ទប់ផ្ទះជួលក្នុងភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ។
ជនសង្ស័យដែលចាប់ខ្លួន មានឈ្មោះអាន លីលី ហៅទុយ អាយុ១៩ឆ្នាំ មានស្រុកកំណើតនៅភូមិសំពៅពូន ឃុំសំពៅពូន ស្រុកកោះធំ ខេត្តកណ្តាល បច្ចុប្បន្ន ស្នាក់នៅផ្ទះជួលភូមិដើមមៀន សង្កាត់ដើមមៀន ក្រុងតាខ្មៅ ។ រីឯបក្សពួក៣នាក់បានគេចខ្លួនតែនគរបាលបានស្គាល់អត្តសញ្ញាណហើយ ទី១-ឈ្មោះតូ ភេទប្រុស អាយុ២១ឆ្នាំ មានទីលំនៅមិនពិតប្រាកដ ទី២-ឈ្មោះជ្រូក ភេទប្រុស អាយុ២០ឆ្នាំ ទីលំនៅមិពិតប្រាកដ និងម្នាក់ទៀត មិនស្គាល់ឈ្មោះ ភេទប្រុស អាយុជាង២០ឆ្នាំ។ ដោយនារីរងគ្រោះឈ្មោះយួស ស្រីនាង អាយុ៣១ឆ្នាំ មានទីលំនៅភូមិព្រែកហូរលិច សង្កាត់ព្រែកហូរក្រុងតាខ្មៅ ស្នាក់នៅទីកន្លែងកើតហេតុខាងលើ ជាអ្នកចម្រៀងនៅហាងគុយអេង ត្រូវជនសង្ស័យប្លន់យកខ្សែ.ក, ខ្សែដៃ, ចិញ្ចៀនប្លាទីន, លុយដុល្លារ៤០ដុល្លារ សរុបជាទឹកប្រាក់ប្រមាណ៨៨៣ដុល្លារ ។
ក្រោយពេលកើតហេតុ នៅរសៀលថ្ងៃទី០៨ មករា ដដែល ជនរងគ្រោះបានទៅដាក់ពាក្យបណ្ដឹង នៅប៉ុស្ដិ៍រដ្ឋបាលកំពង់សំណាញ់ដើម្បីឱ្យនគរបាលជួយអន្តរាគមន៍ ។ ក្រោយពីសាកសួរជនរងគ្រោះ នគរបាលប៉ុស្ដិ៍និងជំនាញព្រហ្មណ៍ទណ្ឌក្រុង បានធ្វើការស្រាវជ្រាវ រហូតកំណត់មុខសញ្ញាជនសង្ស័យ និងស្រាវជាវ ចាប់ខ្លួនបានម្នាក់ កាលពីម៉ោង៨និង៣០នាទីយប់។
ជនសង្ស័យឈ្មោះអាន លីលី បានសារភាពថា ខ្លួននិងបក្សពួក ពិតជាបានប្លន់យកទ្រព្យសម្បត្តិរបស់ជនរងគ្រោះខាងលើប្រាកដមែន ដោយមុនដំបូងបក្សពួករបស់ខ្លួនឈ្មោះតូ បានទៅធ្វើជាគោះទ្វារបន្ទប់ផ្ទះជួលនារីរងគ្រោះដាស់ហើយនិយាយថា «មិត្តភក្តិរបស់ខ្លួនជួលបន្ទប់ក្បែរនេះ តែខ្ញុំវង្វេងរកមិនឃើញ ជួយប្រាប់ខ្ញុំផង» ។
ពេលនោះ ជនរងគ្រោះបានបើកទ្វារបន្ទប់ ស្រាប់ឈ្មោះតូ បានយកកូនកាំបិតចុងស្រួចដងឈើភ្ជង់ជនរងគ្រោះ គំរាមដោះយកគ្រឿងអលង្ការ និងលុយប្រគល់ខ្លួន ហើយក៏បាននាំគ្នាគេចខ្លួនបាត់អស់ទៅ។
ចែករំលែកព័តមាននេះ