សមាជិកសភាអង់គ្លេស ជំរុញឱ្យមានការគាំទ្រសម្រាប់កោះតៃវ៉ាន់
អង់គ្លេស ៖ លោក Tom Tugendhat ប្រធានគណៈកម្មាធិការកិច្ចការបរទេសសភាចក្រភពអង់គ្លេស
អង់គ្លេស ៖ លោក Tom Tugendhat ប្រធានគណៈកម្មាធិការកិច្ចការបរទេសសភាចក្រភពអង់គ្លេស បាននិយាយកាលពីថ្ងៃព្រហស្បតិ៍ ទី ៤ សីហា នេះថា ចក្រភពអង់គ្លេសគួរគាំទ្រដល់សិទ្ធិរបស់តៃវ៉ាន់ក្នុងការធ្វើទំនាក់ទំនងការបរទេសរបស់ខ្លួន។
ជាការឆ្លើយតបទៅនឹងសេចក្តីថ្លែងការរួមរបស់រដ្ឋមន្ត្រីការបរទេសនៃប្រទេស G7 ស្តីពីសន្តិភាពច្រកសមុទ្រតៃវ៉ាន់ លោក បានកោតសរសើរសេចក្តីប្រកាសនោះថារឹងមាំ និងបាននិយាយថាចក្រភពអង់គ្លេស គួរការពារសិទ្ធិរបស់តៃវ៉ាន់ក្នុងការចូលរួមជាមួយនឹងប្រជាធិបតេយ្យផ្សេងៗទៀត។
សេចក្តីថ្លែងការណ៍របស់ G7 បានបញ្ជាក់សារជាថ្មីអំពីការប្តេជ្ញាចិត្តរបស់រដ្ឋមន្ត្រីចំពោះសន្តិភាពចក្រសមុទ្រតៃវ៉ាន់ និងជំរុញឲ្យចិនកុំផ្លាស់ប្តូរស្ថានភាពក្នងតំបន់តាមរយៈកម្លាំងទ័ព។
លោក Tom Tugendhat ដែលជាអ្នកគាំទ្រតៃវ៉ាន់យូរមកហើយ ត្រូវគេរំពឹងថានឹងដឹកនាំគណៈប្រតិភូសភាអង់គ្លេសទៅកាន់កោះតៃវ៉ាន់នៅខែវិច្ឆការ ឬខែធ្នូខាងមុខនេះ។ ដំបូងឡើយ លោកគ្រោងទៅទស្សនៈកិច្ចតៃវ៉ាន់នៅដើមឆ្នាំនេះប ប៉ុន្តែគម្រោងនោះត្រូវបានលុបចោល ដោយសារសមាជិកម្នាក់មានកូវីដ ១៩។
លើសពីនេះទៅទៀត សមាជិកសភាអង់គ្លេស លោកស្រី Catherine West បានសរសេរនៅលើបណ្តាញសង្គម Twitter ដូច្នេះថា នៅក្នុងសភាអង់គ្លេស និងអាមេរិក អ្នកតំណាងមានសិទ្ធិធ្វើកិច្ចការរបស់ពួកគេដោយសេរីដោយគ្មានការភ័.យខ្លា.ចពីការឈ្លានពាន ឬហានិភ័យចំពោះសន្តិភាព និងស្ថិរភាព។
លោកស្រី បានជំរុញឲ្យចិនបន្ថយស្ថានភាពតានតឹងនៅច្រកសមុទ្រតៃវ៉ាន់។
លោកស្រីបន្ថែមថា «ការឈ្លានពាន និងការគំរា.មកំហែងប្រឆាំងតៃវ៉ាន់គឺមិនអាចទទួលយកបានទេ។ ការអត់ធ្មត់ និងការសន្ទនាគឺជាមធ្យោបាយដើម្បីរក្សាសន្តិភាព និងស្ថិរភាព»។
សូមបញ្ជាក់ថា បច្ចុប្បន្ន ចិនកំពុងធ្វើសមយុទ្ធយោធាទ្រង់ទ្រាយធំមិនធ្លាប់មាននៅក្នុងដែនទឹកជុំវិញហោះតៃវ៉ាន់។ សមយុទ្ធនោះរងការថ្កោលទោសពីកោះតៃវ៉ាន់ ដែលបានអះអាងថា មីស៊ីលជាច្រើនគ្រាប់ហោះពីលើរដ្ឋធានីរបស់ខ្លួន៕ (យោងតាមប្រភព៖ Taiwan News)
ចែករំលែកព័តមាននេះ