ខេត្តរតនគិរី ៖ លោកឆាយ ធី ប្រធានអង្គការអាដហុកប្រចាំខេត្តរតនគិរី បានប្រាប់ក្រុមអ្នកសារព័ត៌មានក្នុងសន្និសីទសារព័ត៌មាន នាព្រឹកថ្ងៃទី៨ ខែមករា ឆ្នាំ២០១៧ នៅសាលប្រជុំមន្ទីរគណបក្សប្រជាជនកម្ពុជា ខេត្តរតនគិរី ថា
ខេត្តរតនគិរី ៖ លោកឆាយ ធី ប្រធានអង្គការអាដហុកប្រចាំខេត្តរតនគិរី បានប្រាប់ក្រុមអ្នកសារព័ត៌មានក្នុងសន្និសីទសារព័ត៌មាន នាព្រឹកថ្ងៃទី៨ ខែមករា ឆ្នាំ២០១៧ នៅសាលប្រជុំមន្ទីរគណបក្សប្រជាជនកម្ពុជា ខេត្តរតនគិរី ថា ការដែលលោកសម្រេចចិត្តចូលរួមរស់ជាមួយគណបក្សប្រជាជនកម្ពុជា ដឹកនាំដោយសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី ព្រោះគណបក្សនោះបានធ្វើការងារធំៗជាច្រើនសម្រាប់ប្រជាជន និងប្រទសជាតិ ដោយបានរំដោះប្រទេសកម្ពុជាចេញពីរបបប្រល័យពូជសាសន៍ប៉ុលពត និងដណ្តើមបានមកវិញនូវសិទ្ធិសេរីភាពជូនដល់ប្រជាពលរដ្ឋកម្ពុជាគ្រប់រូប។ ជាពិសេសបានបង្រួបបង្រួមជាតិបញ្ចប់សង្គ្រាមស៊ីវិលនៅកម្ពុជា តាមយុទ្ធសាស្ត្រឈ្នះឈ្នះរបស់សម្តេចតេជោធ្វើឱ្យប្រទេសជាតិមានការឯកភាពទឹកដីទាំងស្រុង ប្រជាជនមានសិទ្ធិសេរីភាពពេញបូរិបូរ ហើយធ្វើការអភិវឌ្ឍន៍ប្រទេសជាតិមានការរីកចំរើនលើគ្រប់វិស័យ។
លោក ឆាយ ធី បន្តថា ការសម្រេចចិត្តរបស់លោក គឺមិនមានការបង្ខិតបង្ខំ ឬការទិញទឹកចិត្តពីគណបក្សប្រជាជននោះទេ គឺជាការស្ម័គ្រចិត្តរបស់លោក ពីព្រោះលោកអាចមានឱកាសច្រើនក្នុងការបំរើប្រជាពលរដ្ឋ ជាពិសេសលោកពេញចិត្តគោលនយោបាយរបស់គណបក្សប្រជាជនកម្ពុជា ដែលការពារដាច់ខាតឯករាជ អធិបតេយ្យ និងបូរណភាពទឹកដីថែរក្សាសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សាធារណៈ និងការគោរពសិទ្ធិមនុស្ស។ ឆ្លើយនឹងសំណួរអ្នកសារពត៌មានថា តើហេតុអ្វីលោកមិនចូលរួមជាមួយគណបក្សសង្គ្រោះជាតិ? លោក ឆាយ ធី បំភ្លឺថា លោកមិនមានជំនឿលើថ្នាក់ដឹកនាំគណបក្សសង្គ្រោះជាតិនោះទេ ពីព្រោះថ្នាក់ដឹកនាំគណបក្សសង្គ្រោះជាតិមានអត្តចរិតមិនល្អ មានស្រីញី មិនចេះទទួលខុសត្រូវ ដើរសន្យាខ្យល់ជាមួយសមាជិក សមាជិកា និងប្រជាពលរដ្ឋតាមមូលដ្ឋាន។ ថ្នាក់ដឹកនាំ CNRP ប្រើប្រាស់គោលនយោបាយប្រជាភិថុត ដើម្បីឈ្នះឆ្នោត និងការកាន់អំណាច ហ៊ានធ្វើអ្វីៗគ្រប់យ៉ាងដោយមិនគិតពីស្ថេរភាពនយោបាយ ថ្នាក់ដឹកនាំ CNRP មានចរិកចង្អៀតចង្អល់ គ្មានចរិតបង្រួបបង្រួមជាតិដូចជា ប្រើប្រាស់ពាក្យសម្ដីថា បើមានស៊ីអត់សែន មានសែនអត់ស៊ី គណបក្សសង្គ្រោះជាតិមិនមានគោលនយោបាយច្បាស់លាស់ ហើយមានតែគោលនយោបាយខ្យល់ ភូតកុហក បោកប្រាស់។
តាមរយៈសន្និសិទសារព័ត៌មាននេះ លោក ឆាយ ធី អំពាវនាវដល់មិត្តភក្តិ ពុកម៉ែ បងប្អូនប្រជាពលរដ្ឋដែលរូបលោកធ្លាប់ជួយដោះស្រាយបញ្ហាជូនកាលដែលលោកនៅជាប្រធានអង្គការអាដហុក សូមចូលរួមគាំទ្រសម្តេចតេជោប្រធានគណបក្សប្រជាជន ដើម្បីអនាគតដ៏រុងរឿងរបស់ប្រទេសជាតិ និងគ្រួសារយើងទាំងអស់គ្នា។
ចែករំលែកព័តមាននេះ