ជំនួប CPP និង CNRP នឹងអាចធ្វើឡើងនៅក្រោយថ្ងៃទី១១ មករា
រាជធានីភ្នំពេញ ៖ ជំនួបរវាងថ្នាក់ដឹកនាំតំណាងរាស្ត្រគណបក្សប្រជាជនកម្ពុជា (CPP) និង គណបក្សសង្គ្រោះជាតិ ( CNRP) នឹងអាចធ្វើឡើងនៅក្រោយថ្ងៃទី១១ មករា
រាជធានីភ្នំពេញ ៖ ជំនួបរវាងថ្នាក់ដឹកនាំតំណាងរាស្ត្រគណបក្សប្រជាជនកម្ពុជា (CPP) និង គណបក្សសង្គ្រោះជាតិ ( CNRP) នឹងអាចធ្វើឡើងនៅក្រោយថ្ងៃទី១១ មករា ២០១៧ ។
នេះបើយោងតាមលិខិតឆ្លើយតបរបស់សម្តេចក្រឡាហោម ស ខេង ប្រធានក្រុមតំណាងរាស្ត្រគណបក្សប្រជាជនកម្ពុជា ផ្ញើជូនលោក កឹម សុខា ប្រធានក្រុមតំណាងរាស្ត្រគណបក្សសង្គ្រោះជាតិ ។
លិខិតរបស់សម្តេចក្រឡាហោម ស ខេង បានឆ្លើយតបភ្លាមៗ បន្ទាប់ពីលោក កឹម សុខា ក្នុងនាមជាប្រធានក្រុមតំណាងរាស្ត្រគណបក្សសង្គ្រោះជាតិ កាលពីថ្ងៃទី០៥ មករា បានសរសេរលិខិតផ្លូវការផ្ញើជូនសម្តេចក្រឡាហោម ស ខេង ប្រធានក្រុមតំណាងរាស្ត្រភាគច្រើនក្នុងសភា និងជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយស្នើសុំកំណត់ពេលវេលានៃការជួបប្រជុំរវាងថ្នាក់ដឹកនាំតំណាងរាស្ត្រគណបក្សទាំងពីរតាមពេលវេលាសមស្របណាមួយក្នុងខែមករានេះ ដើម្បីពិភាក្សាការងារមួយចំនួន ។
បើតាមសម្តេចក្រឡាហោម ស ខេង ការខកខានមិនជួបប្រជុំជាមួយគ្នារយៈពេលកន្លងមកនេះ ដោយសារមូលហេតុកម្មវិធីការងាររបស់សម្តេចប្រមុខមហាផ្ទៃមានភាពមមាញឹកខ្លាំង តែសម្តេចសង្ឃឹមថាជំនួបពិភាក្សាការងាររវាងគណបក្សទាំងពីរនឹងធ្វើឡើងក្រោយថ្ងៃទី១១ មករា ៕
ចែករំលែកព័តមាននេះ